BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴشامشى اۋىلى جاڭاشا كەيىپكە ەنەدى

تۇركىستان وبلىسىندا اتى التى الاشقا ايگىلى، قازاق حالقىنىڭ ۇلتتىق ماقتانىشىنا اينالعان ۇلى كومپوزيتور، قازاقستان مادەنيەتىنە ەڭبەگى سىڭگەن قايراتكەر، قازاقستاننىڭ حالىق ٴارتىسى، شىمكەنت، تاراز، جەتىساي قالالارىنىڭ قۇرمەتتى ازاماتىنىڭ دۇنيەگە كەلگەن كۇنى قارساڭىندا ٴوز ەسىمىمەن اتالاتىن ٴشامشى قالداياقوۆ اۋىلىندا قىزۋ جۇمىستار باستالىپ كەتتى، دەپ حابارلايدى baq.kz اقپارات اگەنتتىگى.

مەملەكەتتىك گيمن اۆتورى، قازاق ٴۆالسىنىڭ كورولى - ٴشامشى قالداياقوۆ اۋىلىنداعى مادەنيەت ٴۇيى جانىنان جاڭا ساياباق بوي كوتەرۋدە. مۇندا ٴشامشى قالداياقوۆتىڭ ەسكەرتكىشى، ونەرپازدار ٴۇشىن اشىق اسپان استىنداعى ساحنا جانە دەمالۋشىلارعا ارنالعان جاياۋ جۇرگىنشىلەر جولاعى سالىنىپ، ورىندىقتار قويىلادى.

سونداي-اق ادىلەت، ش.ەرمانوۆ، ازاتتىق كوشەلەرىندە دە اياق جول سالىنىپ، جارىقتاندىرۋ جۇمىستارى جۇرۋدە.

قازىرگى تاڭدا كۇللى وتىرارلىقتاردى اقجولتاي قۋانىشقا بولەگەن كوگىلدىر وتىنمەن قامتۋ اياسىنداعى قارقىندى باستامالار ٴان اعا اۋىلىنا دا جەتتى. جەرگىلىكتى بيۋدجەتتەن قارجى قارالىپ، گاز قۇبىرلارىن تارتۋ ٴىسى اتقارىلۋدا.

"اۋىلدىڭ مادەني كەلبەتى مەن كوركىن، اباتتاندىرۋ ٴىسىن جانداندىرۋ وتىرار اۋدانى اكىمدىگى كۇن تارتىبىندەگى نەگىزگى ماسەلەلەردىڭ ٴبىرى. سەبەبى، ۇلى تۇلعا ەسىمىمەن اتالاتىن ەلدى مەكەننەن تۋعان توپىراقتا تۇلەگەن الاش ۇلىنىڭ، بارشا قازاق بالاسى ماقتان تۇتقان داڭقتى كومپوزيتوردىڭ بەينەسى، رۋحى، جان دۇنيەسى، تاريحي ٴىزى سەزىلۋى ٴتيىس. سونىمەن قاتار، كوگىلدىر وتىنمەن قامتۋ ماسەلەسى وتىرار ٴوڭىرى ٴۇشىن وتە ماڭىزدى. ٴبىرقاتار اۋىلداردا، سونىڭ ىشىندە ٴشامشى اۋىلىندا گاز قۇبىرلارىن تارتۋ جۇمىسى جۇرۋدە. الداعى ۋاقىتتا بىرنەشە اۋىل كوگىلدىر وتىنعا قول جەتكىزەتىن بولادى"،- دەيدى وتىرار اۋدانىنىڭ اكىمى ايتاحانوۆ ەرلان قۋانىش ۇلى.

ٴان نوتاسىمەن ەسىمى ماڭگى حالىق جۇرەگىندە اۋەندەي قالىقتاعان ٴشامشى قالداياقوۆتىڭ تۋعان كۇنىن اۋىلدىڭ جاڭاشا كەيپى، وڭ وزگەرىسىمەن تويلايتىنىنا اۋىل تۇرعىندارى دا قۋانىشتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي