BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«رۋحاني جاڭعىرۋ» باعدارلاماسىنىڭ سيمۆولى جاسالدى

فوتو: Автор

قازاقستان ەلەكتروليز زاۋىتىنىڭ جاس ماماندارى «رۋحاني جاڭعىرۋ» باعدارلاماسىنىڭ سيمۆولى – قىران قۇستى مەتالدان جاسادى، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

15 كەلىلىك نىسان ەڭبەك كۇنىن اتاپ ٴوتۋ اياسىندا پاۆلودار قالاسىنىڭ تۇرعىندارىنا تارتۋ ەتىلدى. يدەيا اۆتورلارىنىڭ ايتۋىنشا، مەتاللۋرگتەر بويداعى شىعارماشىلىق قابىلەتتەرىن پاش ەتپەكشى بولىپتى. سوندىقتان، قولدا بار مۇمكىندىكتى قالت جىبەرمەي، قۇرىش قۇستى جاساپ بەرگەن. جاڭا ٴمۇسىن پاۆلودار قالاسىنىڭ ورتالىق جاعاجايىندا بوي كوتەردى.


«بۇل قۇستىڭ ٴار ەلەمەنتى – بىرەگەي. ٴبىر اپتا بويى تىنىمسىز ەڭبەك ەتتىك. ينستاللياسيانى جاساۋعا قۇرىشتىڭ 1400 ۇساق بولشەگى جۇمسالدى. ال جالپى سالماعى 15 كەلىدەن اسادى. قىران قۇس ٴاۋ باستان حالقىمىز ٴۇشىن ەركىندىكتىڭ بەلگىسى عوي. وسىنى قاپەرگە الىپ، وسىنداي ٴمۇسىندى جاساپ بەردىك»، - دەيدى قازاقستان ەلەكروليز زاۋىتىنىڭ سلەسارى دميتريي مەرەجكو.


ايتا كەتەيىك، قازىرگى تاڭدا ەرتىس وڭىرىندە «رۋحاني جاڭعىرۋ» باعدارلاماسى اياسىندا كەشەندى جوسپار ازىرلەنگەن. ماسەلەن، باعدارلاما شەڭبەرىندە «اسىق وينايىق» جوباسى جۇزەگە اسىرىلۋدا. بۇگىنگى كۇنگە دەيىن ٴوڭىردىڭ 90 ٴبىلىم بەرۋ وشاعىندا اسىق ۇيىرمەلەرى بار. ازىرگە 1500-دەن استام بالا قامتىلعان. ەندى جوبا اياسىندا بارلىق 375 مەكتەپتە ۇلتتىق ويىن كابينەتتەرى جۇمىسىن باستايدى.

«باستاۋىش سىنىپ وقۋشىلارى اپتاسىنا بىرنەشە رەت اسىق اتۋ بويىنشا شەبەرلىكتەرىن شىڭداۋ مۇمكىندىگىنە يە بولماق. الداعى ۋاقىتتا ارنايى ادىستەمەلىك قۇرالدارى ازىرلەنىپ، باسىلىپ شىعارىلادى. اسىق جيناۋ شارالارى ۇيىمداستىرىلىپ، وبلىستىق ليگا قۇرۋ ماقساتى دا بار. سونىمەن قاتار، قالالىق جانە وبلىستىق دڭگەيدەگى سپورتتىق جارىستار وتكىزىلمەك»، - دەيدى پاۆلودار وبلىستىق ٴبىلىم بەرۋ باسقارماسىنىڭ مامانى قۋانىش قىدىرالين.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي