استانا: 
2235 
0
بۇگىن قر ۇكىمەتىنىڭ ٴباسپاسوز ورتالىعىندا qazaqgeography «قازاقستاندىق ۇلتتىق گەوگرافيالىق قوعامى» رقب عىلىمي-زەرتتەۋ جانە اعارتۋشىلىق قىزمەتى اياسىندا ىشكى ٴتۋريزمدى دامىتۋ جوبالارى تۋرالى ٴباسپاسوز كونفەرەنسياسى ٴوتتى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.
قر بعم عىلىم كوميتەتىنىڭ عىلىمي جوبالار مەن باعدارلامالارعا مەملەكەتتىك مونيتورينگ جۇرگىزۋ باسقارماسىنىڭ باسشىسى راۋشان مۇقىشەۆا، qazaqgeographyباسقارۋشى كەڭەسىنىڭ ٴتوراعاسى، «نازاربايەۆ ۋنيۆەرسيتەتى» دببۇ يننوۆاسيالار جونىندەگى ۆيسە-پرەزيدەنتى قانات بايعارين، qazaqgeography حالىقارالىق جانە عىلىمي جوبالار ٴبولىمىنىڭ مەنەدجەرى نۇرجان العاشوۆ، «نازاربايەۆ ۋنيۆەرسيتەتى» national laboratory astana بيوفوتونيكا جانە يميدجينگ زەرتحاناسىنىڭ كىشى عىلىمي قىزمەتكەرى ۆەرونيكا داشكوۆا شارا سپيكەرلەرى بولدى.
«2018 جىلعى ماۋسىم «ارال 2018» عىلىمي-تانىمدىق ەكسپەديسياسىنان باستالادى. ساپاردىڭ باستى ماقساتى — سولتۇستىك جانە وڭتۇستىك ارالدىڭ گيدروبيولوگيالىق ارتۇرلىلىگى تۋرالى دەرەكتەر جيناۋ»، — دەدى قانات بايعارين.
ەكىنشى ەكسپەديسيا — «كيەلى قازاقستان» جىل سايىنعى ەكسپەديسيالارى توپتاماسى اياسىنداعى ورتالىق جانە شىعىس قازاقستاننىڭ كيەلى جەرلەرىنە جاسالاتىن ساپار بولادى. «كيەلى قازاقستان» ەكسپەديسيالارى رۋحاني مۇرانىڭ ەجەلگى تاريحي نىساندارىن جان-جاقتى زەردەلەۋگە باعىتتالعان.
2017 جىلى «كيەلى قازاقستان» جوباسى اياسىندا كيەلى ورىنداردىڭ ەلەكتوندى اتلاسىن جاساۋ ماقساتىندا qazaqgeography توبى قازاقستاننىڭ كيەلى ورىندارىن ارالادى، اتاپ ايتقاندا جۇبان انا مازارى، تەرەكتى اۋليە ارحەولوگيالىق كەشەنى، قالجان-احۋن مەدرەسەسى، بەگىم انا مۇناراسى، شاقپاق اتا، شوپان اتا جانە بەكەت اتا جەراستى مەشىتتەرى. 2018 جىلى عالىمدار رۋحاني مۇرانىڭ 6 نىسانىن زەرتتەيدى.
«2018 جىلى qazaqgeography «شوقان ٴۋاليحانوۆتىڭ تاعدىرى مەن مۇراسى» عىلىمي-تانىمدىق كىتابىن شىعارادى. كىتاپتا ونىڭ اۆتورى ٴارى قازاق عالىمى، تاريح عىلىمدارىنىڭ دوكتورى، پروفەسسور ج.ا. ەرمەكباي ەگجەي-تەگجەيلى، جەتە زەرتتەگەن شوقان ٴۋاليحانوۆتىڭ ٴومىرى تۋرالى بۇعان دەيىن بەلگىسىز بولعان فاكتىلەر ۇسىنىلادى»، — دەدى قانات بايعارين.
سونداي-اق، qazaqgeography تۇران جولبارىسىن، پرجەۆالسكيي جىلقىسىن قايتا جەرسىندىرۋ جانە ۇلىتاۋ قورىعىن قۇرۋ جوبالارىنا قولداۋ كورسەتۋ بويىنشا جۇمىستارىن جالعاستىرادى. اتالعان جوبالار 2014 جىلدان بەرى ىسكە اسىرىلۋدا.
2014 جىلى قازاقستاننىڭ بيوالۋانتۇرلىلىگىن ساقتاۋ قاۋىمداستىعىمەن بىرلەسىپ، حالىقارالىق جانە قازاقستاندىق ساراپشىلار جولبارىستىڭ كەلەشەكتە مەكەندەيتىن اۋماعىن ارالاپ ۇشىپ شىقتى. قازىرگى تاڭدا قر ۇكىمەتى مەن رەسەيدىڭ جابايى تابيعات قورى «ىلە–بالقاش» تابيعي قورعالىمىن قۇرۋ ٴۇشىن ەكوجۇيەنى قالپىنا كەلتىرۋ بويىنشا جۇمىستار جۇرگىزىپ جاتىر. العاشقى جولبارىستار 2025 جىلى جەتكىزىلەدى دەپ جوسپارلانۋدا. ولار — گەنەتيكالىق تۇرعىدان جويىلىپ كەتكەن تۇران جولبارىستارىنا جاقىن جانە قاتال ٴومىر جاعدايلارىنا اسا بەيىمدەلگەن ۋسسۋريي جولبارىستارى.
«نازاربايەۆ ۋنيۆەرسيتەتىنىڭ» ۆيسە-پرەزيدەنتى قانات ٴبايعاريننىڭ ايتۋىنشا، بۇل تۇران نەمەسە بالقاش جولبارىسىنىڭ قايتا تۋىلۋ ماسەلەسىن عانا ەمەس، سونداي-اق تابيعات پەن ەكولوگيانىڭ تۇتاس تىزبەگىن قامتيتىن كولەمدى جوبا: تىزبەك ۇستىندەگى جىرتقىشتىڭ نەمەن قورەكتەنەتىنىنەن باستاپ، ونىڭ تىرشىلىك ەتۋ ورتاسىنىڭ وسىمدىك جابىنى قانداي بولاتىنىنا دەيىن ەسكەرىلەدى. ياعني، جوبا ماسەلەگە عىلىمي تۇرعىدان قاراۋ ارقىلى ىسكە اسىرىلادى.
انىقتاما: qazaqgeography «قازاقستاندىق ۇلتتىق گەوگرافيالىق قوعامى» رەسپۋبليكالىق قوعامدىق بىرلەستىگى 2013 جىلدىڭ قازان ايىندا قۇرىلدى.
qazaqgeography-دىڭ قازاقستاندا 11 ايماقتىق وكىلدىكتەرى بار، اتاپ ايتقاندا: الماتى، اقمولا، اقتوبە، شىعىس قازاقستان، باتىس قازاقستان، قاراعاندى، قوستاناي، ماڭعىستاۋ، پاۆلودار، سولتۇستىك قازاقستان جانە وڭتۇستىك قازاقستان وبلىستارى.
qazaqgeography جۇمىسى بەس تاقىرىپتىق كەڭەس اياسىندا جۇرگىزىلەدى: «گەوگرافيا، كليمات»، «قورشاعان ورتا، تابيعي رەسۋرستار»، «بيوالۋانتۇرلىلىك»، «تۋريزم، ساياحات، ولكەتانۋ»، «تاريحي–مادەني مۇرا، ەتنوگرافيا».
قازاقستان qazaqgeography اتىنان حالىقارالىق گەوگرافيالىق وداقتىڭ مۇشەسى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3352
0