استانا، baq.kz. پاۆلودار وبلىسىنىڭ الەۋمەتتىك جەلى بەلسەندىلەرى ٴباسپاسوز تۋرىمەن ٴماشھۇر ٴجۇسىپ كوپەي ۇلى مەن مۇسا شورمان ۇلىنىڭ كەسەنەلەرىنە باردى. بۇل تۋرالى pavlodarnews.kz ايتى حابارلايدى.
استانا: 
2447 
0
استانا، baq.kz. پاۆلودار وبلىسىنىڭ الەۋمەتتىك جەلى بەلسەندىلەرى ٴباسپاسوز تۋرىمەن ٴماشھۇر ٴجۇسىپ كوپەي ۇلى مەن مۇسا شورمان ۇلىنىڭ كەسەنەلەرىنە باردى. بۇل تۋرالى pavlodarnews.kz ايتى حابارلايدى.
ٴباسپاسوز تۋرىن ۇيىمداستىرۋشى وبلىستىق ىشكى ساياسات باسقارماسىنىڭ باس مامانى شىنبولات تاشەكوۆ شارانىڭ «رۋحاني جاڭعىرۋ» باعدارلاماسى اياسىندا جۇزەگە اسىپ جاتقانىن اتاپ ٴوتتى.
«ٴباسپاسوز تۋرىنىڭ ماقساتى – وبلىسىمىزداعى قاسيەتتى ورىنداردى جۋرناليستەر، بلوگەرلەر ارقىلى حالىققا، وڭىرىمىزگە كەلگەن قوناقتارعا تانىستىرۋ. سونداي-اق مەملەكەتتىك قىزمەتتەگى ٴار سالانىڭ ادامدارىن قامتۋعا دا تىرىستىق. ولار وزگەلەرگە اتالمىش جەرلەردى ناسيحاتتايتىن بولادى. بۇگىنگى ٴباسپاسوز تۋرىنا بارلىعى 15 ادام قاتىسۋدا. ساپار اياقتالعاننان كەيىن ٴار قاتىسۋشى العان اسەرلەرىمەن الەۋمەتتىك جەلىلەردە بولىسەدى»، - دەدى شىنبولات تاشەكوۆ.
شىنبولات تاشەكوۆتىڭ ايتۋىنشا، پاۆلودارلىق جۋرناليستەر مەن بلوگەرلەر مامىر ايىندا شىعىس قازاقستاننىڭ قاسيەتتى جەرلەرىن ارالاعان. جاز ايلارىنان بەرى پاۆلودار وبلىسىنداعى قاسيەتتى جەرلەرگە ٴباسپاسوز تۋرى ۇيىمداستىرىلۋدا. باناۋىل تۇلعالارىنىڭ كەسەنەلەرى بيىلعى جىلدىڭ سوڭعى ساپارى بولىپ وتىر.
وبلىستىق باسقارمالاردىڭ، ۋنيۆەرسيتەتتەردىڭ جانە قالالىق اكىمدىكتەردىڭ وكىلدەرى، جۋرناليستەر مەن بلوگەرلەر ٴماشھۇر ٴجۇسىپ كوپەي ۇلى مەن مۇسا شورمان ۇلىنىڭ كەسەنەلەرىنە بارىپ قۇران باعىشتاپ، كەسەنە تاريحى جانە تۇلعالاردىڭ ومىربايانىمەن تانىستى.
بيىل قىركۇيەك ايىندا باياناۋىل اۋدانىنىڭ تەڭدىك اۋىلىندا بي، شەشەن ٴارى ەتنوگراف مۇسا شورمان ۇلىنىڭ 200 جىلدىعىنا وراي ماۆزولەي اشىلعان بولاتىن. سونىمەن قاتار، شىلدە ايىندا فولكلورتانۋشى، ەتنوگراف، تاريحشى، فيلوسوف، قازاق مادەنيەتى مەن ادەبيەتىنىڭ بەلگىلى تۇلعاسى ٴماشھۇر ٴجۇسىپ كوپەي ۇلىنىڭ 160 جىلدىعى اتالىپ ٴوتتى. ۇلى ويشىلدىڭ كەسەنەسى 2006 جىلى ەسكەلدى شاتقالىندا بوي كوتەرگەن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3386
0