پاۆلودار وبلىسىندا جازاسىن وتەۋشىلەر كولونيادا تەاتر اشتى - رۋحاني جاڭعىرۋ|13 جەلتوقسان 2017، 16:15
كۋرسى ۆاليۋت وبنوۆليايۋتسيا
استانا:

پاۆلودار وبلىسىندا جازاسىن وتەۋشىلەر كولونيادا تەاتر اشتى

فوتو: ҚАЖ комитетінің баспасөз қызметі

قازاقستان رەسپۋبليكاسى تاۋەلسىزدىگىنىڭ كۇنىنە وراي جانە «رۋحاني جاڭعىرۋ» باعدارلاماسى اياسىندا پاۆلودار وبلىسىنداعى قاتاڭ رەجيمدەگى اپ-162/4 مەكەمەسىندە جازاسىن وتەپ جۇرگەن سوتتالعانداردان قۇرالعان تەاترلانعان قويىلىمنىڭ پرەمەراسى ٴوتتى. سپەكتاكلدە جوڭعارلاردىڭ شابۋىلىنا قارسى قازاق باتىرلارىنىڭ كۇرەسى كورسەتىلدى، دەپ حابارلايدى ۆaq.kz اقپارات اگەنتتىگى قاج كوميتەتىنىڭ ٴباسپاسوز قىزمەتىنە سىلتەمە جاساپ.

تۇزەۋ مەكەمەسىنىڭ باسشىلىعى جانە قىزمەتكەرلەرىنىڭ قولداۋىمەن سوتتالعاندار وسى شاراعا نەبارى ٴبىر ايعا جەتەر-جەتپەس ۋاقىت دايىندالدى. كۇن سايىن دايىندىقتارعا قاتىسىپ، تىگىن شەبەرحاناسىندا قويىلىمعا قاجەتتى كيىمدەر مەن دەكوراسيالاردى تىكتى.

مادەني شاراعا اكىمدىكتىڭ، «رۋحاني جاڭعىرۋ» جوبالىق كەڭسەنىڭ، پروكۋراتۋرانىڭ، «نۇر وتان» حدپ، قوعامدىق ۇيىمداردىڭ وكىلدەرى كەلدى.

سوتتالعاندار ٴانۋار ٴالىمجانوۆتىڭ «جاۋشى» شىعارماسىنان ٴۇزىندىنى ساحنالادى.

"ەڭ الدىمەن، مەكەمە كىتاپحاناسىندا بار شىعارمانىڭ ىشىنەن تاريحي تۋىندىلارمەن تانىستىق. سوڭىندا ٴبىزدىڭ تاڭداۋىمىز ٴانۋار ٴالىمجانوۆتىڭ «جاۋشى» شىعارماسىنا ٴتۇستى. وسى تۋىندىنى وقىپ شىعىپ جانە الدىمىزدا كەلە جاتقان تاۋەلسىزدىك مەرەكەسىنە وراي تەاترىمىزدىڭ العاشقى سپەكتاكلى رەتىندە قويۋدى ٴجون كوردىك. دايىندىق بارىسىندا بارىمىزدى سالىپ، شىن ىقىلاسىمىزبەن كىرىستىك، كەرەكتى كوستيۋمدەردى تىكتىك. شىنى كەرەك، دايىندالۋعا 3 اپتاداي عانا ۋاقىت بولدى»، - دەيدى «دەمالىس جانە ٴوزىن-وزى تاربيەلەۋ» سەكسياسىنىڭ بەلسەندى مۇشەسى، سوتتالعان ازامات سەرگەي بوگاي.

قويىلىم كەزىندە ارتىستەر قوبالجىدى. ويتكەنى، وسىنداي ماڭىزدى شارانى وتكىزۋ - سوتتالعاندار ٴۇشىن ۇلكەن جەتىستىك. ولار ساحناعا العاش رەت شىعىپ تۇر.

سپەكتاكلدىڭ سوڭىندا قوناقتار ٴوز ويلارىمەن ٴبولىستى.

"قازىرگى ۋاقىتتا قوعامدى ازاماتتىق-قۇقىقتىق باعىتتا تاربيەلەۋ وزەكتى ماسەلە بولىپ وتىر. سوتتالعانداردىڭ بۇگىن كورسەتكەن قويىلىمدى الىپ شىعۋى، ولاردىڭ تاريحقا دەگەن قۇرمەتى، شىعارمانى تاڭداي ٴبىلۋى ٴبىزدى تاڭقالدىردى. پەنيتەنسيارلىق جۇيەدە ورىن الىپ جاتقان وڭ وزگەرىستەر، سونداي-اق قىلمىستىق جازالارىن وتكەرىپ جۇرگەندەردىڭ تاربيەلىك شارالارعا قاتىسىپ، بولاشاق ومىرگە قۇشتارلانا اتسالىسۋى قۋانتارلىق جاعداي"، - دەدى ۇەۇ ديرەكتورى، پاۆلودار وبلىسىنىڭ قوعامدىق-باقىلاۋ كوميسسياسىنىڭ مۇشەسى الەكسەي جۋربين.

«رۋحاني جاڭعىرۋ» وڭىرلىك جوبالىق كەڭسەنىڭ مەنەدجەرى گۇلنار نۇرماعامبەتوۆا وزىنە قويىلىمنىڭ ۇناعانىن ايتتى.

"ماعان سپەكتاكل قاتتى ۇنادى. اكتەرلاردىڭ ورىنداۋشىلىق شەبەرلىگى جوعارى دەڭگەيدە بولدى. سوتتالعان ازاماتتاردىڭ وسى شاراعا ارناپ كوستيۋمدەر مەن دەكوراسيالاردى ٴوز قولدارىمەن تىككەنىن ەرەكشە اتاپ وتكىم كەلەدى. قويىلىم بارىسىندا سپەكتاكلدىڭ ٴاربىر بولىگىنەن سول تاريحي ٴداۋىردىڭ ايقىن كورىنىسى بەرىلدى"، - دەدى ول.

جاڭادان قۇرىلعان تەاتردىڭ قاتىسۋشىلارى الداعى 2018 جىلى وزگە دە مەرەكەلەرگە قويىلىمدار دايىنداۋدى جوسپارلاپ وتىر. كەلەسى كورىنىس ناۋرىز مەيرامىنا ارنالماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي