BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار مەكتەپتەرى لاتىن گرافيكاسىن مەڭگەرە باستايدى

بۇگىننەن باستاپ 200-دەن استام ٴ5-شى سىنىپ وقۋشىسى ٴۇشىن قازاق ٴتىلىن لاتىن گرافيكاسىندا وقىتىلا باستايدى، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

پاۆلودار قالالىق ٴبىلىم بەرۋ ٴبولىمنىڭ حابارلاۋىنشا، قازاق جازباسىن جاڭعىرتۋ شەڭبەرىندە ٴ5-شى سىنىپ باعدارلامالارىنا «لاتىن ٴالىپبيىنىڭ» نەگىزدەرى اتتى قوسىمشا كۋرس ازىرلەندى.

«بالالاردى وقىتۋدا لاتىن گرافيكاسىندا جازىلعان وقۋ-ادىستەمەلىك قۇرالدار قولدانىلادى. پيلوتتىق جوبا 34 ساعاتقا شاقتالعان. وسى باعدارلاما وبلىس ورتالىعىنداعى ٴقازاقتىلدى 9 مەكتەپتە دە ەنگىزىلەدى. ايتا كەتەيىك، جوبا اتا-انالار جانە ۇسازدار تاراپىنان قولداۋ تاپقان»، - دەپ ابارلادى ۆەدومستۆونىڭ ٴباسپاسوز قىزمەتىنەن.

بۇگىن العاشقى قوڭىراۋ وبلىس ورتالىعىنداعى مەكتەپتەردىڭ 40 مىڭ وقۋشىسى ٴۇشىن سوعىلدى. ايتا كەتەيىك، بۇل بىلتىرعى جىلمەن سالىستىرعاندا 2 مىڭ بالاعا كوپ. ال ٴبىلىم ۇيالارانىڭ تابالدىرىعىن العاش رەت 5212 وقۋشى اتتادى.

سالتاناتتى شارا «ۇزدىك ٴبىلىم ۇيىمى» اتانعان №37 مەكتەپتە ەرەكشە اتالىپ ٴوتتى. بۇل مەكتەپ ارنايى بايقاۋعا جەڭىسكە جەتىپ، 20 ملن. تەڭگەنىڭ تارتۋىنا يە بولعان ەدى. بۇگىن 121 بالا مەكتەپ تابالدىرىعىن اتتادى.

«بۇل مەكتەپ ٴۇش جىل بۇرىن اشىلدى. وسى ۋاقىت ارالىعىندا بيىك بەلەستەردى باعىندىردى. ٴبىلىم ورداسىندا سيفرلاندىرۋ بويىنشا پيلوتتىق جوبا جۇزەگە اسىرىلۋدا. قۋانتارلىعى، مەكتەپ وقۋشىلارى وبلىستىق جانە رەسپۋبليكالىق پاندەر وليمپياداسىندا جوعارى ناتيجەلەرىن كورسەتتى. ۇبت كورسەتكىشتەرى بويىنشا دا الدا كەلەدى. ەڭ باستىسى بىلتىر بۇل مەكتەپ 375 ٴبىلىم ۇيىمى اراسىنان ۇزدىك دەپ تانىلدى»، - دەيدى پاۆلودار قالاسى اكىمىنىڭ ورىنباسارى سايان مۇقانوۆ.

ايتا كەتەيىك، بيىل ٴبىلىم بەرۋ جۇيەسىن دامىتۋعا 1974،2 ملن. تەڭگە ٴبولىندى. بۇل بىلتىرعى جىلعا قاراعاندا 1،6 ەسە ارتىق. پاۆلودار قالالىق ٴبىلىم بەرۋ ٴبولىمىنىڭ وكىلى امانگەلدى يمانبەرلينوۆتىڭ مالىمەتىنشە، 30 مەكتەپتە كۇردەلى جوندەۋ جۇگىزىپ، بۇعان 700 ملن. تەڭگە ٴبولىندى.

«پاۆلودار شاھارىندا ٴۇش اۋىسىمدى نەمەسە اپاتتى جاعدايداعى مەكتەپتەر جوق. 27 مەكتەپتىك كومپيۋتەرلىك پاركى جاڭارتىلىپ، 17 وقۋ ورداسىنىڭ كابينەتتەرى جاڭا موديفيكاسيالىق قۇرالدارمەن جابدىقتالدى. ال 38 مەكتەپ ٴۇشىن مۋلتيمەديالىق قۇرالدار ساتىپ الىندى»، - دەيدى ماماندار.

ايتا كەتەيىك، بۇگىن 5 مىڭ پەداگوگ جۇمىسقا كىرىستى. ولاردىڭ 3 مىڭى – ۇستازدار. ولاردىڭ قاتارى بيىل 150 جاس مامانمەن تولىقتى. قۋانتارلىعى سول، پاۆلودار قالاسىندا پەداگوگيكالىق كادرلار بويىنشا تاپشىلىق جوق.

فوتو: الىبەك دجەنالينوۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي