پاريجدە «قىز جىبەك» قويىلىمى كورسەتىلدى - رۋحاني جاڭعىرۋ|05 جەلتوقسان 2017، 09:53
كۋرسى ۆاليۋت وبنوۆليايۋتسيا
استانا:

پاريجدە «قىز جىبەك» قويىلىمى كورسەتىلدى

پاريجدەگى ايگىلى «le trianon» تەاترىندا «astana musical» تەاترىنىڭ ەتنو-فولكلورلىق ميۋزيكلى «قىز جىبەك» قويىلىمى كورسەتىلدى، دەپ حابارلايدى baq.kz اقپارات اگەنتتىگى.

گاسترولدىك ساپار «رۋحاني جاڭعىرۋ» باعدارلاماسى اياسىندا قر مادەنيەت جانە سپورت مينيسترلىگىنىڭ ۇيىمداستىرۋىمەن وتۋدە. ەۋروپانىڭ بەس ەلىندە وتەتىن ەۋروتۋر پاريجدەن باستاۋ الدى.

ەۋروپاداعى بۇل شەتەلدىك تۋر – «astana musical» جاس تەاترىنىڭ تاريحىنداعى جاڭا بەلەس. قازاقستان قۇراماسىنىڭ ەكسكۋرسيالارى ەۋروپانىڭ بەرلين (گەرمانيا)، پاريج (فرانسيا)، ۆەنا (اۆستريا)، بريۋسسەل (بەلگيا)، ماسكەۋ (رەسەي) قالالارىندا وتەدى.

«قازاقستان رەسپۋبليكاسىنىڭ مادەنيەت جانە سپورت مينيسترلىگى جۇزەگە اسىرىپ وتىرعان «جاھاندىق الەمدەگى زاماناۋي قازاقستاندىق مادەنيەت» جوباسى قازاقستاندىق شىعارماشىلىق جوبالار مەن قازاقستاندىق ۇجىمداردىڭ جاڭا يدەيالارىنا تىڭ سەرپىن بەرەدى دەپ ويلايمىن. بۇل ٴوز مۇمكىندىكتەرىمىزدى جوعارى دەڭگەيگە كوتەرۋ جانە الەمگە ۇلتتىق مادەنيەتتىڭ جەتىستىكتەرىن كورسەتۋ ٴۇشىن تاماشا مۇمكىندىك»، – دەيدى «astana musical» تەاترىنىڭ كوركەمدىك جەتەكشىسى اسحات ماەميروۆ.

جاس قازاق تەاترى پاريج تۇرعىندارىنا ەتنو-فولكلورلىق ميۋزيكل «قىز جىبەك» قويىلىمىن سىيلادى.

«قىزجىبەك» – قازاق فولكلورىنىڭ ٴىنجۋ-مارجانى، الەمدىك ادەبيەتتىڭ كەز-كەلگەن جۇمىسىنان كەم ەمەس كەرەمەت تۋىندى. سۇيىسپەنشىلىكتىڭ ٴانۇرانى بولىپ تابىلاتىن تۋىندى – حالىقتىڭ پوەزيالىق مۇراسىنىڭ بارلىق سالتاناتتى ۇلىلىعىن سىڭىرگەن.

«ٴتىل كەدەرگىلەرىنە قاراماستان، ماعان وتە قاتتى ۇنادى. مەن ەشقاشان مۇنداي اتموسفەرادا بولىپ كورمەپپىن. مادەنيەتتەرىڭىز عانا ەمەس، تاريحتارىڭىزدى دا سەزىنە الدىم. سپەكتاكل عاجاپ. ٴبارى دە وتە شەبەر جانە تەرەڭ ويلاستىرىلعان. دراماتۋرگيا دا، كيىمدەر دە ۇنادى»، – دەيدى فرانسيالىق تەاترتانۋشى، رەجيسسەر داۆيد چاۆليس اسساتياني.

«اسقان سەزىمتال ۇلتتىق كولوريت نازاردى باۋراپ الادى، قازاق مادەنيەتىنە ايرىقشا اسەر بەرىپ تۇرعان – وزىندىك ىشكى دۇنيەسىمەن جانە ايقىندىعىمەن تارتادى. كەرەمەت قويىلىم. ارتىستەر مەن بيشىلەردىڭ ورىنداۋى سونشالىقتى عاجاپ، اينالانى تۇگەل باۋراپ، كوڭىل تۇكپىرىنە شەيىن جاۋلاپ الدى»، – دەپ پىكىرىمەن ٴبولىستى تەاتر سىنشىسى، ونەرتانۋ دوكتورى ماري-كريستين سيريجول.

«قىز جىبەك» –الەمدىك ادەبيەتتىڭ وسى سياقتى شىعارمالارىنىڭ بىردە-بىرىنەن كەم تۇسپەيتىن سيپاتى تۇرعىسىنان ادەمى، قازاق فولكلورىنىڭ جاۋھارى. ماحاببات گيمنى بولىپ تابىلاتىن بۇل شىعارما حالىقتىڭ پوەزيالىق مۇراسىنىڭ بۇكىل عاجايىبىن بويىنا سىڭىرگەن.

اڭىزدىڭ باستى كەيىپكەرلەرى – جىبەك پەن تولەگەن بۇكىل الەمگە تانىمال رومەو مەن دجۋلەتتا ٴتارىزدى ۇلكەن ٴارى تازا ماحاببات سيمۆولى. ولاردىڭ سۇيىسپەنشىلىككە تولى وداعىمەن جاۋلاسقان اكەلەرىن بىتىستىرۋگە تالپىنىستارى، اينالىپ كەلگەندە، قىلداي سەزىمدەردى بىتىسپەس ۇرىس جاعدايىنا اكەلەدى تاريحي وقيعا باتىر جاۋىنگەر تولەگەن مەن حاس سۇلۋ جىبەك اراسىندا ٴوربيدى. بەكەجاننىڭ كوزسىز قىزعانىشى اياسىنداعى كەلىسپەۋشىلىكتەر بىتىسپەس تراگەدياعا اينالادى. تولەگەن ٴوزىنىڭ قارسىلاسى قولىنان قۇربان بولادى، ال جىبەك ٴوز سۇيىكتىسىنسىز ٴومىرىن ەلەستەتە المايدى. جىبەكتىڭ وبرازى – بۇرىنعى زامانداردان بەرى حالىقتىڭ جۇرەگىندە جاتتالىپ قالعان سۇلۋلىقتىڭ، ماحابباتتىڭ جانە ادالدىقتىڭ پوەتيكالىق وبرازى. «قىز جىبەك» اڭىزىندا قازاقستاندىق قوعامنىڭ زامانۋي جالپى قۇندىلىعى بولىپ تابىلاتىن عاسىرلىق رۋحاني-ادامگەرشىلىك قۇندىلىقتارى كورىنىس تاپقان.

قر مسم ٴباسپاسوز قىزمەتى ٴمالىم ەتكەندەي، قازاق ترۋپپاسى كانندا «استانا سازى» فولكلورلىق ٴانسامبلىنىڭ سۇيەمەلدەۋىمەن تاعى دا «قىز جىبەك» ميۋزيكلىن تانىستىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي