BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴوز تاريحىن ٴوزى جازباعان ەلدە بولاشاق بولمايدى – زەينوللا ساماش ۇلى

فوتو: Нұржас Жақсыбай

استانا، baq.kz. استاناداعى ۇلتتىق مۋزەيدە «اڭىزعا اينالعان تۇلعالار» تانىمبىق جوباسى باستالدى. بۇل جوبانىڭ ماقساتى – ەلىمىزدىڭ دامۋىنا ەلەۋلى ۇلەس قوسىپ جۇرگەن تانىمال تۇلعالارمەن كەزدەسىپ، ەركىن فورماتتا سۇحبات قۇرۋ. سول ارقىلى وسكەلەڭ ۇرپاققا الدىڭعى بۋىننىڭ ەڭبەگىن تانىستىرۋ.

بۇگىن اتالعان جوباعا العاشقى قوناق بولىپ بەلگىلى ارحەولوگ، تاريح عىلىمدارىنىڭ دوكتورى، پروفەسسور، قر عىلىمىنا ەڭبەگى سىڭگەن قايراتكەر، جالپى ۇلتتىق تاۋەلسىز «پلاتينالى تارلان» سىيلىعىنىڭ يەگەرى زەينوللا ساماش ۇلى كەلدى.

ساماش ۇلىنىڭ وتانىق ارحەولوگياعا عىلىمىنا قوسقان ايرىقشا ۇلەسى رەتىندە – قازاق التايىنداعى توڭ باسقان بەرەل وبالارىن اشۋى مەن زەرتتەۋىن ەرەكشە ايتۋعا بولادى.

زەينوللا ساماش ۇلىنىڭ ايتۋىنشا بارشا الەمگە تاراعان مادەنيەت پەن وركەنيەتتىڭ وشاعى ورتا ازيادان، ونىڭ ىشىندە قازىرگى قازاق دالاسىنان تاراعان دەپ ايتۋعا نەگىز بار. سەبەبى، قازىرگى تابىلىپ جاتقان جادىگەرلەر وسىنى ايعاقتايدى.

«ٴوز تاريحىن ٴوزى جازباعان ەلدە بولاشاق بولمايدى. ٴبىزدىڭ تاريحىمىزدى بىزدەن ارتىق ەشكىم بىلمەيدى. مەن شەت ەلدىك ماماندارمەن ٴبىراز جۇمىس جاسادىم. ولارمەن جۇمىس جاساۋ بارىسىندا ارتىقشىلىقتار دا كەمشىلىكتەر دە بار. كەمشىلىگى الگىندە ايتقانداي ولار ٴبىزدىڭ تاريحتى بىزدەن ارتىق بىلمەيتىندىگى. سونىڭ سالدارىنىن ٴبىر جەردەن بولماسا ٴبىر جەرىنەن قاتە تۇجىرىم شىعارۋى مۇمكىن. ال جاقسى جاعى، ولاردىڭ تەحنيكالارى، زەرتحانالارى. ٴبىز وسى مۇمكىندىكتى ٴتيىمدى پايدالانۋىمىز كەرەك»، - دەيدى ارحەولوگ.

ارحيولوگتىڭ عىلىمي ىزدەنىستەرىنىڭ نەگىزگى باعىتى ورتالىق ازيا جەرىن مەكەندەگەن حالىقتاردىڭ ەجەلگى جانە ورتاعاسىرلىق تاريحىن، مادەنيەتى مەن ونەرىن زەرتتەۋگە باعىتتاعان جان. ول قازاقستاننىڭ ٴار وڭىرلەرىندە شوعىرلانعان، تاس داۋىرىنەن باستاپ ەتنوگرافيالىق كەزەڭگە دەيىنگى ارالىقتاعى جارتاس بەتىندەگى سۋرەتتەردىڭ جۇزدەگەن جادىگەرلەرىن اشىپ زەرتتەدى.

كەزدەسۋگە جوعارى وقۋ ورىندارىنىڭ تاريح فاكۋلتەتىندە وقيتىن ستۋدەنتتەر مەن مەكتەپ وقۋشىلارى قاتىستى. ەركىن فورماتتا وتكەن سۇحبات بارىسىندا قوناق ٴوزىنىڭ وسكەن ورتاسى مەن ٴومىر جولى تۋرالى ايتىپ، جاستار ٴوزىن قىزىقتىرعان سۇراقتارىن قويدى.

فوتو-ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي