BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتىراردا مۇحتار شاحانوۆتىڭ شىعارماشىلىق ٴۇيى اشىلدى

قازاقستاننىڭ حالىق اقىنى، جازۋشى مۇحتار شاحانوۆتىڭ شىعارماشىلىق ٴۇيى ٴوزى تۋعان وتىرار اۋدانى، جاڭا شىلىك اۋىلىندا اشىلدى. ايتۋلى شارا اقىننىڭ 76 جاسقا تولعان تۋعان كۇنىنە وراي ۇيىمداستىرىلدى، دەپ حابارلايدى baq.kz اقپارات اگەنتتىگى.

عيماراتتىڭ سالتاناتتى اشىلۋىنا وبلىس اكىمىنىڭ ورىنباسارى سادىر ەربول ٴابىلقايىر ۇلى قاتىسىپ، ەلباسى نۇرسۇلتان ٴابىش ۇلى نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى نەگىزىندە «تۋعان جەرگە تاعزىم» اكسياسى اياسىندا وبلىس كولەمىندە كوپتەگەن يگى شارالار اتقارىلعانىن اتاپ ٴوتتى.

«سولاردىڭ ٴبىرى دە بىرەگەيى – ەلگە بەلگىلى مەسەنات سەرىكجان سەيىتجانوۆتىڭ دەمەۋشىلىگىمەن بوي كوتەرگەن شىعارماشىلىق ٴۇيى. بۇل ورتالىق ٴبىلىم مەن عىلىمنىڭ، ادەبيەت پەن ونەردىڭ ورداسىنا اينالا بەرسىن!» - دەگەن ىزگى تىلەگىن جەتكىزگەن ە.ٴابىلقايىر ۇلى الەم اقىنىنا ٴوڭىر باسشىسىنىڭ قۇتتىقتاۋى مەن سىي-سياپاتىن تابىستادى.

سالتاناتتى تۇردە لەنتاسى قيىلعان ەكى قاباتتى عيماراتتا اقىننىڭ بالالىق شاعىنان بۇگىنگى كۇنگە دەيىنگى ٴومىر جولىنان ٴتۇرلى سۋرەتتەر مەن، قۇجاتتار ورنالاستىرىلعان.

سونداي-اق، اقىننىڭ شىعارماشىلىقپەن اينالىساتىن جۇمىس كابينەتتەرى مەن كىتاپحانا، دەمالىس جانە قوناق قابىلدايتىن بولمەلەر زامان تالابىنا ساي جابدىقتالعان. اشىلۋ سالتاناتىنا كەلگەن قوناقتار وتىرار اۋدانى اكىمىنىڭ تاپسىرىسىمەن اقىنىڭ شىعارماسى جەلىسىندە جاسالعان «وتىرار داستانى» انيماسيالىق ٴفيلمدى تاماشالادى.

ەل جاناشىرلارى سەرىكجان سەيىتجانوۆ پەن وتىرار اۋدانىنىڭ اكىمى ەرلان ايتاحانوۆقا جانە جۇمىلا قولداۋ بىلدىرگەن اۋدان حالقىنا العىسىن بىلدىرگەن اقىن مۇحتار شاحانوۆ ٴوز ومىرىنەن ەستەلىكتەر ايتىپ، كوپشىلىكتى استانانىڭ 20 جىلدىعىمەن قۇتتىقتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي