BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتىراردا كاسىپكەر 1000 ادامدىق مەشىت سالىپ بەردى

استانا، baq.kz. وتىرار اۋدانىنىڭ ورتالىعى ٴشاۋىلدىر اۋىلىندا مىڭ ادامعا لايىقتالعان جاڭا مەشىت اشىلدى. «ەسەن انا» اتاۋى بەرىلگەن ٴيسى مۇسىلمان بالاسىنىڭ ورتاق رۋحاني ورنىن سالتاناتتى تۇردە اشىپ، ەل يگىلىگىنە بەرۋگە قازاقستان مۇسىلماندارى ٴدىني باسقارماسىنىڭ ٴتوراعاسى، باس ٴمۇفتي سەرىكباي قاجى وراز ارنايى قاتىسىپ، لەنتاسىن قيدى.

" ۇلىق اللانىڭ قالاۋىمەن بىزدەر ۇلىلار وتانى اتانعان – وتىرار اۋدانىندا مۇسىلمان بالاسىنىڭ قاجەتتى دۇعا-تىلەكتەرىن ٴبىر اللا تاعالادان عانا سۇرايتىن، پەندەلىك قاتەلىكتەرى ٴۇشىن كەشىرىم سۇراپ، تاۋبەگە كەلەر مەكەنى – ٴزاۋلىم مەشىتتىڭ اشىلۋ سالتاناتىنىڭ كۋاسى بولىپ وتىرمىز. كۇمبەزى ۇزاقتان كوز تارتاتىن مەشىتتەردى قاي تۇرعىدان الساق تا، ٴار پەندەگە جاقسى وي مەن ىزگىلىكتى امالداردى ەسكە سالاتىنى بەلگىلى. مەشىتتەن اتتاپ وتۋگە ەشكىمنىڭ جۇرەگى داۋالامايتىنى دا سوندىقتان. اللانىڭ قاھارىنان قورىققان جان قۇلشىلىق جولىندا جۇرمەسە دە، دۇنيەدەن قايتقان ارۋاقتاردىڭ رۋحتارىنا «قۇران» باعىشتاتىپ، ساداقاسىن سالىپ، باسىنا ساۋلىق، وتباسىنا اماندىق، ەل-جۇرتىنا تىنىشتىق تىلەيدى، شىن جۇرەگىمەن ەزىلىپ، شۇكىرلىك ايتادى. ەندەشە، جاڭا مەشىت يماندىلىقتىڭ تەمىرقازىعىنا اينالسىن"، – دەپ ىزگى تىلەگىن جەتكىزىپ، مەشىتكە قاسيەتتى قۇران كىتابىن سىيعا بەردى.

"ەسەن انا" مەشىتىن وتىرارلىق كاسىپكەر وسكەنباي ۇسەنوۆ ٴوز قارجىسىنا سالدىرىپ، حالقىنا تارتۋ ەتتى. ەلباسى نۇرسۇلتان ٴابىش ۇلى نازاربايەۆتىڭ "بولاشاققا باعدار: رۋحاني جاڭعىرۋ" ماقالاسىنداعى "تۋعان جەر" باعدارلاماسى اياسىندا قولعا الىنعان "تۋعان جەردى تۇلەتۋ – پەرزەنتتىك پارىز!" اكسياسى اۋداننىڭ الەۋمەتتىك الەۋەتىنىڭ ارتىپ، كەسكىن-كەلبەتىنىڭ اجارلانۋىنا جوعارى دەڭگەيدە ۇلەس قوسىپ جاتقانى بەلگىلى. وسى ورايدا، دىڭگەگى تامىرلى ەلگە تەكتىلىكپەن ٴمان بەرىپ، مۇمكىندىگىن مەيلىنشە حالىق يگىلىگىنە بۇرعان اۋدانعا جاناشىر تارلانبوز كاسىپكەرلەرگە اۋدان اكىمىنىڭ دە ايتار العىسى مول.

«ەلباسىمىز نۇرسۇلتان نازاربايەۆتىڭ سىندارلى ساياساتىنىڭ ارقاسىندا تاۋەلسىز ەلىمىزدىڭ اق تاڭىنداعى تاماشا قۋانىشتى كۇندەردىڭ كۋاسى بولىپ كەلەمىز. بۇگىندە ۇلت كوشباسشىسىنىڭ "بولاشاققا باعدار: رۋحاني جاڭعىرۋ" اتتى باعدارلامالىق ماقالاسى حالقىمىزدىڭ رۋحاني قۇندىلىقتارىن قايتا تۇلەتىپ، ەلدىڭ ەڭسەسىن كوتەرگەن باعدارلى داڭعىل جولىمىزعا اينالدى. مىنە، وسى ماقالانىڭ "تۋعان جەر" باعدارلاماسى، سونداي-اق، تۇركىستان وبلىسىنىڭ اكىمى جانسەيىت تۇيمەبايەۆتىڭ باستاماسىمەن جۇزەگە اسىپ جاتقان "تۋعان جەردى تۇلەتۋ – پەرزەنتتىك پارىز!" اياسياسى اياسىندا اۋدانىمىزدا اۋقىمدى يگى جۇمىستار جۇزەگە اسىپ كەلەدى. اۋداننان تۇلەپ ۇشقان كاسىپكەرلەر وتىراردىڭ الەۋمەتتىك-ەكونوميكالىق، مادەني-رۋحاني دامۋىنا وزىندىك ۇلەسىن قوسىپ، قولتاڭبالارىن قالدىرۋدا. وتىرار اۋدانىنان تۇلەپ شىعىپ، ەلىمىزدىڭ ٴار وڭىرىندە ۇلكەن جەتىستىكتەرگە جەتىپ، قىزمەت ەتىپ كەلە جاتقان ەل اعالارىنىڭ قولداۋىمەن اشىق سپورت الاڭدارى، جابىق سپورت كەشەنى، 5 اۋىل وكرۋگىنە مۇمكىندىگى شەكتەۋلى بالالاردى قالىپتى ورتاعا بەيىمدەۋ ورىندارى، ۇوس ارداگەرلەرىنىڭ قۇرمەتىنە ارنالعان مەموريالدىق كەشەن سالىنىپ، ەلدىڭ يگىلىگىنە بەرىلۋدە. سونىڭ ٴبىرى – اۋدانىمىزدىڭ ٴتول پەرزەنتى، مەسەنات وسكەنباي سەرىكباي ۇلى سالدىرعان ٴزاۋلىم - "ەسەن انا" مەشىتى. وسىناۋ تاريحي ٴساتتىڭ كۇندەردىڭ سۇلتانى بولعان قاسيەتتى جۇماعا تۇسپا-تۇس كەلۋى دە بەكەر ەمەس. يماندىلىق پەن ىزگىلىككە ەسىگىن ايقارا اشقان مەشىت يگى ىستەردىڭ باستاماسى بولسىن! مەملەكەتىمىز وركەن جايىپ، ەلىمىز مولشىلىققا، ال ٴاربىر شاڭىراق باقىت پەن شاتتىققا كەنەلسىن!"، – دەدى وتىرار اۋدانىنىڭ اكىمى ەرلان ايتاحانوۆ.

كەيىن اۋدان اكىمى قازاقستان مۇسىلماندارى ٴدىني باسقارماسىنىڭ ٴتوراعاسى، باس ٴمۇفتي سەرىكباي قاجى ساتىبالدى ۇلىنا بابتاردىڭ بابى - ارىستانبابتىڭ ٴمورى بەينەلەنگەن قولونەر بۇيىمى مەن اۋدان تاريحىنان سىر شەرتەتىن ٴۇش تىلدە دايىندالعان «وتىرار جادىگەرلەرى» كىتاپ-البومىن تارتۋ ەتتى.

"مەشىتتى سالۋ تۋرالى وي تۋعان جەرگە دەگەن ىڭكار سەزىم مەن ىستىق ىقىلاستان تۋىندادى. رۋحانياتقا تۇنعان، شەجىرەلى تاريحتى مەكەننىڭ حالقى قاي كەزدە دە وزىندىك رۋحاني بيىكتىگىمەن ۇلگى بولۋى ٴتيىس. ٴبىزدىڭ ەل مەن تۋعان جەرگە دەگەن ماحابباتىمىز پەرزەنتتىك پارىزىمىزبەن كەلەشەك ۇرپاققا تاربيە بولىپ قالانارى حاق. رۋحاني ولكەدەگى رۋحاني سەرپىلىس، رۋحاني جاقسىلىق، جاڭالىعىمىز ازايماسىن. بابالار قالدىرعان تاريح ميراسىن جانداندىرۋعا، اجارلاندىرۋعا ۇلەس قوسۋ بارشامىزدىڭ پارىزىمىز. جەرلەستەرىمدى تۋعان جەردى تۇلەتۋگە اتسالىسۋعا شاقىرامىن"، – دەدى كاسىپكەر وسكەنباي ۇسەنوۆ.

قايىرىمدىلىق شارالارىنىڭ بەل ورتاسىنان تابىلىپ، ىزگىلىكتى ىستەرگە ۇيىتقى بولعان جومارت جۇرەكتى ازاماتقا وتىرارلىقتار اتىنان جاڭاباي السەيىتوۆ اقبوز ات مىنگىزسە، ەل قاريالارى اق باتالارىن بەردى.

شارادا قر پارلامەنتى ٴماجىلىسىنىڭ ەكس-دەپۋتاتى وستەمىر بەكتورەەۆ پەن زەينەتكەر ٴابىلقاسىم ق ۇلىمبەتوۆ جاڭادان اشىلعان يماندىلىق ورداسى اۋىل تۇرعىندارى عانا ەمەس، ٴوسىپ كەلە جاتقان جاستاردىڭ بويىنا يماندىلىق نۇرىن قۇيىپ، ەل-جۇرتتى بىرلىككە، تاتۋلىققا ۇيىتسىن دەگەن ىزگى تىلەكتەرىن ٴبىلدىردى.

جيىلعان جۇرت مەشىت نامازىن وقىپ، بابالار رۋحىنا ارنالعان اسقا قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي