وقو اكىمى ەسكى قالاشىقتاعى جاڭا ارحەولوگيالىق قازبا جۇمىستارىمەن تانىستى - رۋحاني جاڭعىرۋ|27 قاراشا 2017، 19:32
كۋرسى ۆاليۋت وبنوۆليايۋتسيا
استانا:

وقو اكىمى ەسكى قالاشىقتاعى جاڭا ارحەولوگيالىق قازبا جۇمىستارىمەن تانىستى

وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا شىمكەنت قالاسىنداعى «ەسكى قالاشىق» اۋماعىنداعى ٴجۇرزىلىپ جاتقان ارحەولوگيالىق قازبا جۇمىستارىمەن تانىستى، دەپ حابارلايدى baq.kz اقپارات اگەنتتىگى.

قالاشىقتاعى قازبا جۇمىستارىن «ارحەولوگيالىق ساراپتاما» جاۋاپكەرشىلىگى شەكتەۋلى سەرىكتەستىگى جۇرگىزۋدە. ٴقازىر مۇندا ارحەولوگيالىق قازبا جۇمىستارىنىڭ ٴبىرىنشى كەزەڭى باستالعان. ارحەولوگ-عالىمدار اۋماعى 1000 شارشى مەتر بولاتىن جەراستى قالاسىنان كوپتەگەن تاريحي جادىگەر تاپتى.

وسىنداعى جۇمىستاردى ارالاپ كورگەن ايماق باسشىسى ٴبىرىنشى كەزەكتە اتالعان جۇمىستاردى توقتاتپاۋدى جانە تابىلعان جادىگەرلەردى سول قالپىندا ساقتاپ قالۋ ٴۇشىن قازبا ايماعىن قورعاۋ، قورشاۋدى قالا اكىمىنە تاپسىردى.

سونداي-اق، اكىم انىقتالعان تاريحى نىسانداردى ەسەپكە الا وتىرىپ، قايتا قالپىنا كەلتىرۋ ٴىسىن دە قاتار جۇرگىزۋدى ايتتى.

«مىناۋ كورىپ تۇرعاندارىڭىز - سيتادەل. وسىنىڭ بارلىعىن قۇرتپاي، جوعالتپاي ساقتاۋىمىز قاجەت قوي. 19 عاسىردىڭ سوڭىنداعى سۋرەتتەر. بۇعان ەندى ٴبىر جارىم عاسىر ٴوتتى، الايدا ٴبىزدىڭ قورعانىمىزدان تۇك قالماعان. ال جالپى تاريحتا ٴبىر جارىم عاسىر دەگەن تۇك ەمەس، ونداعان عاسىرلارعا ساقتاۋ كەرەك. سوندىقتان تۇبەگەيلى جويىلماي تۇرعاندا، دەر كەزىندە وسىنى قولعا الىپ، ٴتيىستى جۇمىستاردى باستاپ جالعاستىرۋىمىز قاجەت»، - دەدى ايماق باسشىسى.

بۇل اۋماق تاريحي-مادەني ورىن بولعاندىقتان، بۇل ماڭعا 50 مەترگە دەيىن قۇرىلىس سالۋعا بولمايدى. سوندىقتان «ەسكى قالاشىقتاعى» جەكە نىسانداردىڭ جەرى الداعى ۋاقىتتا مەملەكەت مەنشىگىنە قايتارىلادى.

وسى رەتتە، وبلىس اكىمى اۋماقتا سالىنعان جەكە تۇرعىن ۇيلەر مەن ونداعى دۇكەندەردى باسقا اۋماققا كوشىرۋ جۇمىستارىن تىڭعىلىقتى تۇردە جۇرگىزۋدى قالا باسشىلىعىنا مىندەتتەدى.

ٴقازىر قالا اكىمدىگى تارىپىنان ەسكى قالا ورنىنىڭ اۋماعىندا ارحەولوگيالىق پارك-مۋزەيى، اشىق اسپان استىنداعى مۋزەي قۇرۋ ٴۇشىن جوبالىق سمەتالىق قۇجاتتاماسىن دايىنداۋعا جانە ارحەولوگيالىق جۇمىستار جۇرگىزۋگە قالالىق بيۋدجەتتەن 100 ملن. تەڭگە ٴبولىنىپ، ٴتيىستى جۇمىستار اتقارىلۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي