«مەن قازاقپىن» حالىقارالىق جوباسىنىڭ ۇزدىكتەرى انىقتالدى - رۋحاني جاڭعىرۋ|14 جەلتوقسان 2017، 14:11
كۋرسى ۆاليۋت وبنوۆليايۋتسيا
استانا:

«مەن قازاقپىن» حالىقارالىق جوباسىنىڭ ۇزدىكتەرى انىقتالدى

فوتو: Нұржас Жақсыбай

پرەزيدەنتتىڭ "بولاشاققا باعدار: رۋحني جاڭعىرۋ" باعدارلاماسىندا ايتىلعان باسىمدىقتاردى جۇزەگە اسىرۋ نەگىزىندە qazaqstan ۇلتتىق ارناسى قولعا العان حالىقارالىق دەڭگەيدەگى "مەن قازاقپىن" مەگاجوباسى اياقتالدى. جوبادا ەلىمىزدىڭ بارلىق وبلىسى مەن قانداستارىمىز كوپتەپ شوعىرلانعان - موڭعوليا، رەسەي جانە قىتاي ەلىنەن ونەرپازدار باق سىنادى. بارلىعى 3000-نان استام انشى-كۇيشى، تەرمەشى قاتىسقان ايتۋلى ونەر بايگەسى كەشە مارەگە جەتتى، دەپ حابارلايدى baq.kz اقپارات اگەنتتىگى.

گالا-كونسەرتكە ارنايى قاتىسقان قازاقستان رەسپۋبليكاسى اقپارات جانە كوممۋنيكاسيالار ٴمينيسترى داۋرەن ابايەۆ جۇلدەگەرلەردى قۇتتىقتاپ، جوبانىڭ قازاقتىڭ ۇلتتىق دۇنيەسىن تولتىرۋعا، شەتتەگى قانداستارىمىزبەن مادەني بايلانىستى نىعايتۋعا قوسقان ۇلەسىن اتاپ ٴوتتى.

«ەلباسى ايتقانداي، ۇلتتىڭ بىرەگەيلىگى ساقتالماسا، ەشقانداي جاڭعىرۋ بولمايدى. وسى ورايدا «مەن قازاقپىن» جوباسى ۇلكەن مىندەتتى جۇزەگە اسىرىپ وتىر. قازاقتىڭ جىرشىلىق، تەرمەشىلىك، كۇيشىلىك مۇرالارى قايتا جاڭعىردى. قىتاي مەن موڭعولياداعى، رەسەيدەگى قانداستارىمىزبەن مادەني بايلانىسىمىز كۇشەيە ٴتۇستى. وسىنىڭ بارلىعى - جاس ۇرپاقتىڭ ۇلتتىق ونەرگە قۇشتارلىعىن ارتتىراتىن ۇلكەن يگىلىكتى ٴىس. ٴبىزدىڭ مينيسترلىك ۇلتىمىزدىڭ ٴتول مادەنيەتىن ۇلىقتايتىن شارالاردى قاشاندا قولدايدى.

قازاقستان رەسپۋبليكاسى اقپارات جانە كوممۋنيكاسيالار مينيسترلىگى جانە "قازاقستان" ۇلتتىق ارناسىنىڭ قولداۋىمەن وتكەن وتاندىق مەگاجوبادا كۇي، تەرمە جانە ٴداستۇرلى ٴان قاتارلى ٴۇش اتالىمدا باق سىناعان جاس تالانتتاردى ىرىكتەۋ سوڭعى كەزەڭدەردە قازىلار القاسىنا دا ۇلكەن قيىندىق تۋدىرعان. ول - فينالعا شىعار ۇزدىكتەردى سارالاۋداعى قيىندىق ەدى. سەبەبى ٴۇش ايعا سوزىلعان تەلەنۇسقادا سۋىرىلىپ سوڭعى التى ۇمىتكەر قالعان بولاتىن. ٴتىپتى سوڭعى اينالىمداعى 12 قاتىسۋشىدان التى ۇزدىكتى انىقتاپ، فينالعا شىعارۋدىڭ ٴوزى وڭاي بولعان جوق.

«بۇل بايقاۋدا ٴبىز بارىنشا ٴادىل بولىپ، كورەرمەن حالىقتىڭ پىكىرىمەن بارىنشا ساناسىپ شەشىم شىعارۋعا تىرىستىق. دەگەنمەن «جۇيرىكتەن جۇيرىك وزار جارىسقاندا» دەگەندەي بايقاۋ بولعان سوڭ بىرەۋ وزىپ، بىرەۋ قالاتىنى زاڭدىلىق. وزدەرىڭىزگە ۋادە بەرگەنىمدەي، وتكەن بايقاۋدىڭ قورىتىندىسى ساقتالعان كونۆەرت قالتامدا، جەڭىمپازدىڭ كىم بولعانىن سول ارقىلى عانا بىلەتىن بولامىز. ال بۇل «مەن قازاقپىن» جوباسى حالىقتىڭ كوپتەن كۇتكەن، ۇلتتىڭ، ەلدىڭ كوكەيىندە كوپتەن بەرى ساقتالىپ كەلە جاتقان جوبا ەدى، مينيسترلىككە، تەلەارنا باسشىلىعىنا كەلگەن بىلىكتى جىگىتتەردىڭ ارقاسىندا جۇزەگە استى، العىستان باسقا ايتارىم جوق» - دەدى جوباداعى قازىلار القاسىنىڭ ٴتوراعاسى مىرزاتاي جولداسبەكوۆ.

سونىمەن مىرزاتاي جولداسبەكوۆتىڭ قالتاسىنداعى حاتتا جاسىرىلعان جەڭىمپازدار مىنالار ەكەن:

كۇي – الماس ەلەۋسىزوۆ (اقتوبە)

تەرمە – وسپان قۇلسىماق (ماڭعىستاۋ)

ٴداستۇرلى ٴان – بەيبىت مۇسايەۆ (الماتى وبلىسى)

ٴار جەڭىمپازعا 1 ملن تەڭگەدەن جۇلدە بەرىلدى.

سونىمەن قاتار جوباعا قاتىسىپ، «كورەرمەن كوزايىمىنا» اينالعان جامبىل وبلىسىنان كەلگەن سۇلۋجان ابەنوۆا ارنايى سىيلىققا يە بولدى.

ال وتكەن باعدارلامادا ۇزدىك 12 قاتىسۋشىنىڭ ٴبىرى بولىپ، ٴوزىنىڭ ەرەكشە دارىنىمەن كوزكە تۇسكەن جوبانىڭ ەڭ جاس قاتىسۋشىسى ماڭعىستاۋلىق كۇيشى الماز جەتىبايەۆقا ٴوزى ۋادە بەرگەنىندەي مىرزاتاي جولداسبەكوۆ ارنايى سىيلىعىن بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي