BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

لوندوندا قازاقستاننىڭ قازىرگى زامانعى ونەر كورمەسى اشىلدى

فوتو: Асхат Ахмедияров

لوندوندا «رۋحاني جاڭعىرۋ» باعدارلاماسى اياسىندا قر مادەنيەت جانە سپورت مينيسترلىگىنىڭ قولداۋىمەن قر ۇلتتىق مۋزەيىنىڭ «فوكۋس قازاقستان» اۋقىمدى جوباسىنىڭ ٴبىرىنشى كورمەسى اشىلدى، ول 2018 جىلعى 16 قازانعا دەيىن جالعاسپاق، دەپ حابارلايدى baq.kz اقپارات اگەنتتىگى.

«كوشپەلىدەن كەيىنگى كوكجيەك» كورمەسىنە 33 سۋرەتشى قاتىسادى، ولار پوستمودەرنيزمنىڭ زاماناۋي تىلىندە كوركەم سۋرەت، فوتوسۋرەت، ٴمۇسىن، ينستاللياسيا جانە ۆيدەو سەكىلدى ٴارتۇرلى شىعارماشىلىق مەديادا جۇمىس ىستەيدى.

الەكساندر ۋگاي

كورمە شىعارماشىلىق تاجىريبەلەر ارقىلى «كوشپەلىدەن كەيىنگى» تۇجىرىمداماسىن كورسەتەتىن قازىرگى زاماننىڭ سۋرەتشىلەرى مەن كەڭەستىك ٴىزاشارلارى اراسىنداعى ديالوگ تۇرىندە قازاقستاننىڭ زاماناۋي ونەرىن ۇسىنادى.

ينديرا دۇيسەبايەۆا مەن اليا دە تيزەنگاۋزەن

كورمە كۋراتورلارى ينديرا دۇيسەبايەۆا مەن اليا دە تيزەنگاۋزەن الەمدىك اعىمدار نەگىزىندە قازاقستاننىڭ ونەر تاريحىنداعى جاعدايدى، سونداي-اق، جاھاندانۋ تۇرعىسىنان قازاقستاندىق الەۋمەت سيپاتىن قاراستىرۋدى ۇسىنادى.

اليا دە تيزەنگاۋزەن اتاپ وتكەندەي، كەڭەستىك كەزەڭ كوشپەلى ٴوسىر سالتىنىڭ تۇبەگەيلى جويىلۋىنا اكەلدى، ال قازىرگى جاھاندانۋ ٴداۋىرى ٴالى دە ساقتالىپ قالعان كوشپەندىلىك نىشاندارىنا – داستۇرلەرى مەن مادەنيەتىنە ىقپالىن تيگىزۋدە.

«پوستنوماديزم» ۇعىمى قازاقستانمەن بايلانىستىرىلاتىن، كەڭەس داۋىرىندەگى سۋرەتشىلەر دە، قازىرگى زامانداستارى دا بەلسەنە قولداناتىن كوشپەندىلەر ٴداۋىرىن بىلدىرەدى، "كوشپەلىدەن كەيىنگى سانا" كورمەنىڭ اعىلشىن تىلىندەگى اتاۋىنىڭ سوزبە-سوز اۋدارماسى. بۇل ماعىناسىندا "سانا" ٴسوزى ٴبىزدىڭ ەلمەن بايلانىستىرىلاتىن ۆيزۋالدى تاپتاۋرىندىقتان ارىلىپ، سۋرەتشىلەردىڭ ەڭبەكتەرىن وتكەن مەن بولاشاقتى سانادا دا، سانادان تىس تا قايتا پىسىقتاۋ رەتىندە تالداۋعا دەگەن قۇشتارلىقتى ايقىندايدى»، — دەدى ا. دە تيزەنگاۋزەن.

كاميلا گابدۋللينا

كورمە جەتەكشىلەرىنىڭ ايتۋىنشا، ۇسىنىلعان جۇمىستار سۋرەتشىلەردىڭ كورەرمەننىڭ الدىنا قويىپ وتىرعان، كورەرمەن ناسيوناليزم، تراديسيوناليزم، كونسيۋمەريزم، فەمينيزم، پوستكولونياليزم جانە پوستنوماديزم سۋبەكتىسى نەمەسە وبەكتىسى رەتىندە اتقاراتىن ٴتۇرلى رولدەرى تۋرالى ساۋالدارى ىسپەتتى.

«كوشپەلىدەن كەيىنگى كوكجيەك» كورمەسىنە كەلەسى اۆتورلاردىڭ جۇمىستارى قويىلدى: ساليحيتدين ايتبايەۆ، اسحات احمەدياروۆ، سايد اتابەكوۆ، سىرلىبەك بەكبوتايەۆ، الەكساندر بيبين، باقىت ٴبۇبىقانوۆا، اعىمسالى دۇزەلحانوۆ، ساۋلە دۇيسەنبينا، ۆلاديمير ەيفەرت، كاميلا عابدۋللينا، اسەل قادىرحانوۆا، ٴابىلحان قاستەەۆ، داۋرەن قاستەەۆ، مولداحمەت كەڭبايەۆ، رۋستام حالفين، ماكۋم كيسامەدينوۆ، عالىم مادانوۆ جانە زاۋرەش تەرەكباي، عايشا مادانوۆا، ەربوسىن مەلدىبەكوۆ، الماگۇل مەڭلىبايەۆا، ەركىن مەرگەنوۆ، گۇلنۇر مۇقاجانوۆا، ازا شادەنوۆا، ساۋلە سۇلەيمەنوۆا، زيتتا سۇلتانبايەۆا، ٴابدىراشيت سادىحانوۆ، باقتيار تابيەۆ، قانافيا تەلجانوۆ، الەكساندر ۋگاي، پاۆەل زالسمان، ۆلاديمير تۆەردوحلەبوۆ، شولپان شارباقوۆا.

كورمە كۋراتورلارى: ينديرا دۇيسەبايەۆا–زيابەك، اليا دە تيزەنگاۋزەن، كۋراتور-اسسيستەنت اليما بورانبايەۆا جانە كونسۋلتانت ولگا سوۆا.

گۋلنۋر مۋكاجانوۆا

كورمە 16 قازانعا دەيىن اشىق بولادى. وتەتىن ورنى: the wapping project: 37 wapping wall، st katharine's & wapping.

ماسەلەن، كورمەدە الماگۇل مەڭلىبايەۆانىڭ «ايشا ٴبيبى كوبەلەكتەرى» بەينەينستاللياسياسى ۇسىنىلعان، وندا سۋرەتشى ٴوزىنىڭ كوشپەلى تامىرىن، ورتا ازيا حالىقتارىنىڭ شاماندىق داستۇرلەرىن تەرەڭىنەن تارتا وتىرىپ، ميفولوگيالىق جۇيەلىلىگىن اشا تۇسەدى. ەربوسىن مەلدىبەكوۆتىڭ «كوممۋنيزم شىڭى» تۋىندىسى سوڭعى 130 جىلدىڭ ىشىندە اتاۋى التى رەت وزگەرتىلگەن پامير شىڭدارىنىڭ ٴبىرىنىڭ اۋىسۋ پروسەسى ارقىلى وڭىردەگى يدەولوگيالىق وزگەرىستەردى زەردەلەۋدى بىلدىرەدى.

Галим Маданов и Зауреш Терекбай — «Трансгрессия»

عالىم مادانوۆ جانە زاۋرەش تەرەكباي

عالىم مادانوۆ جانە زاۋرەش تەرەكباي دۋەتى كورمەدە «ترانسگرەسسيا» ينستاللياسياسىن پاش ەتتى، بۇل شىعارما ٴ54-شى ۆەنەسيا بيەننالەسىنىڭ ورتالىق ازيا پاۆيلونىندا كورسەتىلگەن بولاتىن. «ترانسگرەسسيا» — بۇل قازاقستاندىق قوعامدا ورىن العان كۇرت جانە ىرگەلى وزگەرىستەردى وي ەلەگىنەن وتكىزۋ.

Инсталляция «Машина» – Асель Кадырханова

اسەل قادىرحانوۆا

اسەل قادىرحانوۆا ٴوزىنىڭ «ماشينا» اتتى ينستاللياسياسىمەن تانىستىردى. «ماشينا» — بۇل 1930 جىلدارداعى ستاليندىك رەپرەسسيانىڭ ٴاتى-جونى بەلگىسىز بولىپ قالعان ميلليونداعان قۇرباندارىن ەسكە الۋ، سونداي-اق، قاماۋعا الۋ تۋرالى بۇيرىقتارعا قول قويعانداردىڭ جاۋاپكەرشىلىك ماسەلەسى، جەكە ادامنىڭ ۇجىمدىق زورلىق-زومبىلىقتاعى ٴرولى مەن ورنى تۋرالى ەستەلىك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي