BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

لاتىن ٴالىپبيىن ونلاين ۇيرەتەتىن باعدارلاما ىسكە قوسىلدى

تاراز، baq.kz. جامبىل وبلىسى اكىمدىگىنىڭ تىلدەردى دامىتۋ باسقارماسىنىڭ باسشىسى سۇلۋشاش قۇرمانبەكوۆا، م.ح.دۋلاتي اتىنداعى ٴتارمۋ-نىڭ ٴبىرىنشى پرورەكتورى اسقار ابدۋالى، فيلولوگيا جانە جۋرناليستيكا كافەدراسىنىڭ دوسەنتى، فيلولوگيا عىلىمدارىنىڭ كانديداتى كۇلزينات قارىمبايەۆانىڭ قاتىسۋىمەن ٴباسپاسوز كونفەرەنسياسى ٴوتتى.

سپيكەرلەر qazalipbi.kz ونلاين باعدارلاماسى تۋرالى بايانداپ، جۋرناليستەردىڭ سۇراقتارىنا جاۋاپ بەردى.

جامبىل وبلىسى اكىمدىگىنىڭ تىلدەردى دامىتۋ باسقارماسىنىڭ تاپسىرىسىمەن م.ح.دۋلاتي اتىنداعى ٴتارمۋ-نىڭ جانىنان قۇرىلعان "ۋنيۆەرسيتەتتىك تەحنولوگيالىق بيزنەس-ينكۋباتور" كورپوراتيۆتىك قورى قر پرەزيدەنتىنىڭ №637 جارلىعىمەن 2018 جىلدىڭ 19 اقپان ايىندا بەكىتىلگەن لاتىن گرافيكاسىنا نەگىزدەلگەن قازاق ٴتىلى ٴالىپبيىن جاڭا زامان تالابىنا ساي ينتەرنەت-تەحنولوگيالار مۇمكىندىكتەرىن پايدالانا وتىرىپ، جازۋدى مەڭگەرتۋ، وقىلۋدا كوزشالىم مەن قولداعدىسىن ونلاين-كۋرس ارقىلى ۇيرەتۋدى ماقسات ەتكەن qazalipbi.kz باعدارلاماسىن دايىندادى. android وپەراسيالىق جۇيەسىنە ورناتىلعان قوسىمشا كومەگىمەن ٴالىپبيدى وڭتايلى ادىسپەن مەڭگەرتۋ. اتالعان باعدارلاما بارلىق دەڭگەيدەگى ٴبىلىم بەرۋ ۇيىمدارىنىڭ ماماندارى مەن جالپى كوپشىلىككە ارنالعان.

جوبانىڭ ەرەكشەلىگى – جاڭا قازاق ٴتىلى ٴالىپبيىن ۇيرەتۋدىڭ ونلاين باعدارلاماسى قولجەتىمدى ٴارى ىڭعايلى. «جاڭا قازاق ٴتىلى ٴالىپبيىن ۇيرەتۋدىڭ ونلاين كۋرسى» بارلىعى: 18 ساباقتان تۇرادى. ونىڭ ىشىندە تەوريالىق، پراكتيكالىق، باعالاۋ ساباقتارى قامتىلعان. تەوريالىق ساباقتا جاڭا قازاق ٴالىپبيى بويىنشا تەوريالىق ٴبىلىم بەرىلەدى. ال پراكتيكالىق ساباقتا بەرىلگەن تەوريالىق ٴبىلىم نەگىزىندە جازىلىم، وقىلىم، تىڭدالىم اركەتتەرى ارقىلى جاتتىعۋ جۇمىستارى جۇرگىزىلەدى. باعالاۋ ساباعىندا تىڭداۋشىنىڭ ٴار ساباقتا مەڭگەرىلگەن ٴبىلىمى تەست، باقىلاۋ ديكتانتى تۇرلەرىندە تەكسەرىلەدى.

كونفەرەنسياعا قاتىسۋشىلار لاتىن الىپبيىنە كوشۋ الەمدىك وركەنيەت جەتىستىكتەرىنە باعىتتالعان ستراتەگيالىق ماڭىزى زور ٴۇردىس جانە ۇلت بولىپ شەشۋگە ٴتيىس ٴپرينسيپتى ماسەلە ەكەندىگىن اتاپ كورسەتتى. سوندىقتان دا جامبىل وبلىسى اكىمدىگىنىڭ تىلدەردى دامىتۋ باسقارماسىنىڭ تاپسىرىسىمەن دايىندالعان qazalipbi.kz ونلاين باعدارلاماسى – بۇگىنگى كۇن تالابىنان تۋىنداپ وتىرعان، قاجەتتىلىكتى وتەيتىن، دەر كەزىندە دايىندالعان تاپتىرماس ەڭبەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي