BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

لاتىن ٴالىپبيىن ەنگىزۋدىڭ عىلىمي-ۇيىمداستىرۋشىلىق مىندەتتەرى تالقىلاندى

استانا، baq.kz. بۇگىن استانادا قازاقستان رەسپۋبليكاسى مادەنيەت جانە سپورت مينيسترلىگى ٴتىل ساياساتى كوميتەتى شايسۇلتان شاياحمەتوۆ اتىنداعى «ٴتىل-قازىنا» ۇلتتىق عىلىمي-پراكتيكالىق ورتالىعى 2018 جىلدىڭ 14 جەلتوقسان كۇنى «لاتىن ٴالىپبيىن ەنگىزۋدىڭ عىلىمي-ۇيىمداستىرۋشىلىق مىندەتتەرى» تاقىرىبىندا رەسپۋبليكالىق سەمينار-كەڭەس وتكىزدى.

سەمينار-كەڭەستىڭ ماقساتى – لاتىن گرافيكاسىنا نەگىزدەلگەن جاڭا ەملە ەرەجەلەرىن قازاقستان رەسپۋبليكاسى جانىنداعى ۇلتتىق كوميسسيا ماقۇلداۋىنا بايلانىستى اتقارىلعان جۇمىستاردى قورىتىندىلاۋ، الداعى ۋاقىتتاعى جۇمىس جوسپارىن پىسىقتاۋ جانە بولاشاقتا ۇيىمداستىرىلاتىن عىلىمي باعىتتاعى جۇمىستاردى بەلگىلەۋ.

سەمينار بارىسىندا ەلىمىزدىڭ بەدەلدى عالىمدارى ورفوگرافيالىق، ادىستەمەلىك، تەرمينولوگيالىق جۇمىس توبى مۇشەلەرى شەرۋباي قۇرمانباي ۇلى، تاڭات اياپوۆا، انار فازىلجانوۆا، ايمان الداش، جانار جۇمابايەۆا، قۇرالاي كۇدەرينوۆا، اينۇر سەيىتبەكوۆا قاتارلى ٴتىلشى-عالىمدار ەملە ەرەجەلەرىنىڭ تەوريالىق، ادىستەمەلىك نەگىزدەرى، ەملە ەرجەلەرىن ۇيرەتۋدە تۋىندايتىن قيىندىقتار، 2019 جىلعى ورفوگرافيالىق جۇمىس توبى اتقاراتىن شارالار، ونوماستيكالىق ەرەجەنى دايىنداۋداعى ماسەلەلەر، ەملە نەگىزىندە دايىندالاتىن انىقتاعىشتىڭ نەگىزگى باعىتتارى تۋراسىندا باياندامالار جاسا، ٴوز ويلارىن ورتاعا سالدى.

ٴتىل ورتالىقتارىنىڭ ادىسكەرلەرى مەن ماماندارىنا ارنالعان جاڭا جازۋدى مەڭگەرتۋ ادىستەمەسىن ۇيرەتەتىن كۋرس باعدارلاماسى تانىستىرىلىپ، تالقىلاندى.

سونىمەن قاتار لاتىن گرافيكاسىنا كوشكەن تۇرىك، ازەربايجان ٴتىلى ەملە ەرەجەلەرىندەگى ەرەكشەلىكتەر ٴسوز بولدى. اتالعان شاراعا 4 جۇمىس توبىنىڭ عالىمدارى مەن ادىسكەرلەرى، ماماندار، زيالى قاۋىم وكىلدەرى جانە جۋرناليستەر قاتىستى.

شارا سوڭىندا قازاقستان رەسپۋبليكاسىنىڭ تاۋەلسىزدىك كۇنىنە وراي، لاتىن ٴالىپبيىن ەنگىزۋدە ەڭبەگى سىڭگەن عالىمدار مەن شايسۇلتان شاياحمەتوۆ اتىنداعى «ٴتىل-قازىنا» ۇلتتىق عىلىمي-پراكتيكالىق ورتالىعى قىزمەتكەرلەرىنە قۇرمەت گراموتاسى تابىستالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي