كوكشەتاۋدا «جاڭعىرعان جاڭا قازاقستان!» ايماقتىق اقىندار ايتىسى ٴوتتى - رۋحاني جاڭعىرۋ|11 جەلتوقسان 2017، 15:29
كۋرسى ۆاليۋت وبنوۆليايۋتسيا
استانا:

كوكشەتاۋدا «جاڭعىرعان جاڭا قازاقستان!» ايماقتىق اقىندار ايتىسى ٴوتتى

كوكشەتاۋ قالاسىندا مادەنيەت جانە تىلدەردى دامىتۋ ٴبولىمىنىڭ ۇيىمداستىرۋىمەن ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ «رۋحاني قازىنا» كىشى باعدارلاماسىن ىسكە اسىرۋ اياسىندا ايماقتىق اقىندار ايتىسى ٴوتتى، دەپ حابارلايدى baq.kz اقپارات اگەنتتىگى اقمولا وبلىسى ىشكى ساياسات باسقارماسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

ايتىسقا كوكشەتاۋ، استانا، اقتوبە، پەتروپاۆل، قوستاناي، قاراعاندى جانە سەمەي قالالارىنىڭ جاس اقىندارى قاتىسىپ، ەل الدىندا باق سىناعان.

ٴىس-شارا «قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىن» جۇزەگە اسىرۋ، سونداي-اق قازاق حالقىنىڭ اۋىزەكى ونەرىن دامىتا وتىرىپ، جاڭا سۋىرىپ سالما اقىنداردى انىقتاۋ، جاس اقىنداردىڭ شىعارماشىلىق باستاماسىنا قولداۋ كورسەتۋ ماقساتىندا وتكىزىلدى.

ايتا كەتكەن ٴجون، اقىندار «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعان «ٴححى عاسىرداعى ۇلتتىق سانا تۋرالى» باعىتتارى، ۇلتتىق كود، ۇلتتىق مادەنيەت، «100 جاڭا ەسىم» ماسەلەلەرىن قوزعاپ، ەل ٴۇشىن ەڭبەك ەتكەن تاريحي تۇلعالاردىڭ ٴومىرى مەن ەرلىكتەرى جايلى تاقىرىپتاردى ورتاعا سالدى.

قازىلار القاسىنىڭ شەشىمى بويىنشا باس جۇلدەنى قاراعاندى قالاسىنان بوتاكوز مۇحيدەن السا، ٴى ورىن پەتروپاۆلدان كەلگەن ماقسات سەرىككە تيەسىلى بولدى. ال ٴىى ورىندى اقتوبەلىك نارتاي تىلەۋقۇل مەن كوكشەتاۋلىق ايتىسكەر مۇحامەد قونقايەۆ ەنشىلەگەن. قوستانايلىق نۇرسۇلتان قاسىم مەن قىزىلوردالىق تورەحان سوۆەت ٴىىى ورىندى ٴوزارا ٴبولىسىپ العان.

سونىمەن قاتار، بەلسەندى قاتىسقانى ٴۇشىن كوكشەتاۋ قالاسىنان نۇريسلام ٴابدىل مەن ەلوردادان كەلگەن اقىن ارداكەرەي كاپ العىس حاتتارمەن ماراپاتتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي