قىزىلوردادا «تۋعان جەرگە تاعزىم» اتتى فورۋم ٴوتىپ جاتىر - رۋحاني جاڭعىرۋ|13 جەلتوقسان 2017، 13:55
كۋرسى ۆاليۋت وبنوۆليايۋتسيا
استانا:

قىزىلوردادا «تۋعان جەرگە تاعزىم» اتتى فورۋم ٴوتىپ جاتىر

ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنا وراي ۇيىمداستىرىلعان شاراعا وبلىس اكىمى قىرىمبەك كوشەربايەۆ جانە سىر وڭىرىندە دۇنيەگە كەلىپ، ەلىمىزدىڭ تۇكپىر-تۇكپىرىندە ەڭبەك ەتىپ جاتقان بەلسەندى تۇلعالار قاتىسۋدا، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

جالپى ايماقتا ەل تانىعان ازاماتتاردىڭ كەزدەسۋىن ۇيىمداستىرۋ داستۇرگە اينالعان. بۇل جولعى شارانىڭ ماقساتى – سىر وڭىرىنەن شىققان تانىمال تۇلعالاردىڭ جەتكەن جەتىستىكتەرىن ايماق جاستارىنا ۇلگى ەتىپ، ولاردى تۋعان جەرىنە قولداۋ كورسەتۋگە شاقىرۋ بولىپ وتىر.

قىزىلوردا قالاسىنىڭ تۋماسى، ا.ن.سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ باسقارما ٴتوراعاسى، مەديسينا عىلىمدارىنىڭ دوكتورى، پروفەسسور بولاتبەك بايماحانوۆ تا ايتۋلى شاراعا قاتىسۋدا. ونىڭ ايتۋىنشا، تۋعان جەر – جۇماقتىڭ ٴتورى.

«بۇل ولكەدە سەنىڭ الپەشتەگەن اناڭ، جەتكىزگەن اكەڭ، تۋعان-تۋىسىڭ، تاي ق ۇلىنداي تەبىسكەن دوستارىڭ، ٴبىلىم جولىنا جەتەلەگەن ۇستازدارىڭ بار. تۋعان جەردەن الىستا بولساق تا ەل ٴۇشىن الاڭداپ وتىرامىز. وبلىس اكىمى دەنساۋلىق ساقتاۋ سالاسىنا وڭ كوزقاراستا ەكەنىن كورىپ ٴجۇرمىز. ويتكەنى، ەلگە ٴار بارعان سايىن ٴبىر جاڭالىق ەستىپ كەلەمىز. بارلىق اۋداندارىمىز جاڭا ەمحانالارمەن تولىقتى. وسىنداي كەزەڭدە ارال، قازالى اۋداندارىنىڭ اۋرۋحانالارىنىڭ قۇرىلىسىن جۇرگىزىپ، اپاتتى جاعدايداعى شيەلى اۋداندىق اۋرۋحاناسىنىڭ ىرگەتاسى قويىلدى. جىلىنا وبلىس قازىناسىنان ٴۇش ميلليارد تەڭگەدەن استام قارجى ٴبولىنىپ، ەمدەۋ ۇيىمدارىنىڭ زاماناۋي ەمدەۋ قۇرالدارىمەن جابدىقتالۋى بۇل سالانىڭ جاناشىرى بار ەكەندىگىن بىلدىرەدى. جەرلەستەرىمنىڭ «تۋعان جەرگە تاعزىم» اكسياسىنا شاقىرتۋىن قۋانا قابىل الدىم. دارىگەر رەتىندە كوپ ناۋقاسقا وتا جاساپ، بىرنەشە اۋرۋعا كومەك بەردىم. ەلىم ٴوسىردى، دارىگەر بولدىم، عالىم اتاندىم. سىر حالقىنىڭ قولداۋى ارقاسىندا سىر حالقىنىڭ ٴجۇز جاڭا ەسىمىنە كىردىم. جانە ەلباسىمەن جۇزدەسۋ باقىتىنا يە بولدىم. وسىلاي تاۋەلسىز قازاقستان تاريحىندا قالۋ باقىتى بۇيىردى»، – دەدى دارىگەر عالىم.

ماسكەۋدەگى ماڭدايالدى جوعارى وقۋ ورنىندا ٴبىلىم الىپ جاتقان قىزىلوردالىق ستۋدەنت ەلامان مەڭدىقۇلوۆتىڭ ايتۋىنشا، شەتەلدە وقىپ جۇرگەن سىربويىلىق جاستار تۋعان جەردىڭ قامقورلىعىن سەزىنەدى.

«10 قاراشا كۇنى وبلىس اكىمى قىرىمبەك ەلەۋ ۇلىمەن وتكەن كەزدەسۋدە ايماقتا بولىپ جاتقان بۇكىل الەۋمەتتىك-تۇرمىستىق جەتىستىكتەر مەن جاڭالىقتاردى ەستىپ، ٴبىراز قۋانىپ قالدىق. بۇدان بولەك، جىل سايىن لومونوسوۆ ۋنيۆەرسيتەتىنە ماگيستراتۋراعا 20 جاس وقيتىنىن ەستىدىك. بۇل دەگەنىمىز رەسەي فەدەراسياسى مەن قىزىلوردا وبلىسى اراسىنداعى ۇلكەن بىرلىك پەن ىنتىماقتاستىقتىڭ بەلگىسى. بىزدەر رەسەيدە وقىپ جاتقان 500-گە جۋىق ستۋدەنت جانە ولاردىڭ اتا-انالارى تۋعان ەلگە شىن جۇرەكتەن العىس بىلدىرەمىز. ستۋدەنتتەر تاراپىنىنان قازاقستان دامىعان 30 ەلدىڭ قاتارىنا كىرۋى ٴۇشىن ٴوزىمىزدىڭ كۇشىمىزبەن بارلىعىن جاسايمىز»، – دەيدى شاراعا قاتىسىپ جاتقان ە.مەڭدىقۇلوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي