BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزدار ۋنيۆەرسيتەتىندە «رۋحاني جاڭعىرۋ» اياسىندا جاڭا پاندەر ەنگىزىلدى

قازاق مەملەكەتتىك قىزدار پەداگوگيكالىق ۋنيۆەرسيتەتىندە «رۋحاني جاڭعىرۋ» باعدارلاماسىنىڭ نەگىزگى باعىتتارىن ٴبىلىم جانە عىلىم ۇردىسىنە ەنگىزۋ ماقساتىندا 6 ەلەكتيۆتى ٴپان ەنگىزىلدى. بۇل تۋرالى وقۋ ورنىنىڭ رەسمي وكىلى جاندار اسان مالىمدەدى، دەپ حابارلايدى ۆaq.kz اقپارات اگەنتتىگى.

اتاپ ايتقاندا، بارلىق ماماندىققا « ۇلى دالا تاريحى» كەشەندى ٴپانى، گەوگرافيا ماماندىعىنا – «ولكەتانۋ»، «شوقان ٴۋاليحانوۆتىڭ گەوگرافيالىق زەرتتەۋلەرى»، تۋريزم ماماندىعىنا – «تۋريستىك ەلتانۋ»، «قازاقستاننىڭ تۋريستىك ورتالىقتارىنىڭ گەوگرافياسى»، فيلولوگيا، قازاق ٴتىلى مەن ادەبيەتى، قازاق تىلىندە وقىتپايتىن مەكتەپتەردەگى قازاق ٴتىلى مەن ادەبيەتى ماماندىقتارىنا – «لاتىن گرافيكاسى جانە قازاق جازۋى»، ورىس تىلىندە وقىتپايتىن مەكتەپتەردەگى ورىس ٴتىلى مەن ادەبيەتى» ماماندىعىنا – «يسكۋسستۆو ي ليتەراتۋرا» پاندەرى ەنگىزىلدى.

«رۋحاني جاڭعىرۋ» باعدارلاماسىن جۇزەگە اسىرۋدىڭ باستى تەتىكتەرىنىڭ ٴبىرى وقۋ ۇدەرىسى ەكەنى بەلگىلى. وسىعان وراي، اتالعان باستامانى قولعا الدىق. مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا كورسەتىلگەن مىندەتتەردى جۇزەگە اسىرۋ ماقساتىندا ەلىمىزدەگى جوعارى وقۋ ورىندارى دا لايىقتى قىزمەت اتقارۋدا. «رۋحاني جاڭعىرۋ» باعدارلاماسىنىڭ التى باعىتى بويىنشا قىزدار ۋنيۆەرسيتەتىنىڭ قۇرىلىمدىق بولىمشەلەرى مەن اتقارۋشى ورگانداردىڭ قىزمەتىن ۇيلەستىرەتىن جوبالىق كەڭسە اشىلدى. ۋنيۆەرسيتەت فاكۋلتەتتەرى ٴوز قىزمەتتەرىن جوبالىق نەگىزدە ۇيىمداستىرادى»، دەدى جاندار اسان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي