BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازكونتەنت» ٴتوراعاسى: بيىل «100 جاڭا ەسىم» جوباسىندا 20 جەڭىمپاز عانا بولادى

فوتو: Нұржас Жақсыбай

استانا، baq.kz ٴتىلشىسى. بيىل وتەتىن «قازاقستانداعى 100 ەسىم» جوباسىندا 100 ەمەس، 20 ۇمىتكەر عانا جەڭىمپاز بولادى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ايتىلدى.

ٴىس-شاراعا قر اقپارات جانە كوممۋنيكاسيالار ۆيسە-مينيسترى نۇرگۇل ماۋبەرلينوۆا مەن «قازكونتەنت» اق ٴتوراعاسى دۋمان قوجاحمەتوۆ قاتىستى.

2017 جىلى 1 جەلتوقسان كۇنى قازاقستاندىقتارعا «قازاقستاننىڭ 100 جاڭا ەسىمى» جوبا جەڭىمپازدارىنى ەسىمدەرى – اسا كورنەكتى جەتىستىكتەرى مەن تابىستارى بار 102 تۇلعا جاريالانعان.

«بۇگىنگى كۇنى جوبا جەڭىمپازدارى ٴارتۇرلى قىزمەت سالاسىندا جاڭا جەتىستىكتەرگە جەتىپ، يدەيالار مەن جوبالاردى دامىتىپ، زاماناۋي جانە باسەكەگە قابىلەتتى قازاقستاندىقتاردىڭ جاڭا مودەلىن كورسەتىپ كەلەدى. مىسالى، 20 جاستاعى دانىشپان تيمۋر ىرىسبەكوۆ 21 قازان كۇنى امەريكادا nasa ۇيىمداستىرعان بايقاۋعا قاتىسىپ، ٴبىرىنشى ورىن الدى. ول فيزيكا، ماتەماتيكا، ينفورماتيكا سالاسىنداعى 30-دان استام پوتەنتتىڭ يەسى. ول مارسقا ۇشىرۋ ارقىلى فوتو جانە ۆيدەوماتەريالدار الۋعا بولاتىن روبوتتىڭ ٴپروتوتيپىن جاسادى. nasa ساراپشىلارى ونىڭ ەڭبەگىن جوعارى باعالاپ، جۇمىسقا شاقىردى، الايدا تيمۋر ٴوز ەلىنە قىزمەت ەتكىسى كەلەتىنىن ايتىپ، ۇسىنىستان باس تارتتى»، - دەيدى نۇرگۇل ماۋبەرلينوۆا.

قر اقپارات جانە كوممۋنيكاسيالار ۆيسە-مينيسترى نۇرگۇل ماۋبەرلينوۆا

بريفينگ بارىسىندا «قازكونتەنت» اق ٴتوراعاسى دۋمان قوجاحمەتوۆ بيىل «100 جاڭا ەسىم» جوباسى ەكىنشى رەت ٴوتىپ وتىرعانىن، بۇگىننەن باستاپ داۋىس بەرۋ كەزەڭى باستالعانىن ايتتى.

«ەلباسى نۇرسۇلتان نازاربايەۆ «بولاشاققا باعدار: رۋحاني جاڭعىرۋ» ماقالاسىندا «100 جاڭا ەسىم جوباسى» تاۋەلسىزدىك جىلدارى تابىسقا جەتكەن ەلىمىزدىڭ ٴار وڭىرىندە تۇراتىن سان الۋان ەتنوس وكىلدەرىنىڭ تاريحىنا، ولاردىڭ جەتىستىكتەرىنە نازار اۋدارۋدى ۇسىندى. بۇل جوبانى جاساۋعا بىرنەشە سەبەپ نەگىز بولدى. ٴبىرىنشى سەبەپ – اقىلى، ەڭبەگى، دارىنىمەن ەلىمىزدىڭ ابىرويىن اسقاقتاتىپ جاتقان ادامداردى قوعامعا تانىتۋ. ەكىنشى سەبەپ – ولاردىڭ تاعدىرلارى نەگىزىندە بۇگىنگى قازاقستاننىڭ كەلبەتىن كورسەتۋ. ٴۇشىنشى سەبەپ – ۇلگىلى ازاماتتاردىڭ ٴومىرباياندارى ارقىلى ٴوز تاعدىرلارىنا وزدەرى يەلىك ەتەتىن جاستاردى تاربيەلەۋ»، - دەدى ول.

سونداي-اق، ول قازىرگى ۋاقىتتا جوباعا قاتىستى قانداي جۇمىستار جۇرگىزىلىپ جاتقانىن ايتتى.

«قازكونتەنت» اق ٴتوراعاسى دۋمان قوجاحمەتوۆ

«ٴبىرىنشى كەزەڭدە 2000-نان استام ٴوتىنىم كەلىپ ٴتۇستى، ونىڭ جارتىسى جوبا تالاپتارىنا ساي كەلدى. ولاردىڭ انكەتالارى سايتقا ورنالاستىرىلدى. ەكىنشى كەزەڭدە ساراپتاۋ كوميسسياسى ۇمىتكەرلەردى جان-جاقتى قارادى. ىرىكتەلگەن 200 ادام جوبانىڭ ونلاين داۋىس بەرۋ كەزەڭىنە قاتىسادى. ولار سپورت، عىلىم، بيزنەس، مەديسينا، قوعام جانە مادەنيەت كاتەگوريالارى بويىنشا ٴبولىندى. داۋىس بەرۋ كەزەڭى بۇگىننەن باستاپ 15 قاراشاعا دەيىن سوزىلادى. بيىل بۇل جوبادا 100 ەمەس، شامامەن 20 جەڭىمپاز عانا بولادى، ياعني سانعا ەمەس، ساپاسىنا ەرەكشە نازار اۋدارىلادى. 100esim.el.kz سايتىنا تىركەلۋ ارقىلى داۋىس بەرىلەدى. ٴبىر ادام ٴبىر كاتەگوريا بويىنشا ٴۇش ادامعا، ياعني ٴبىر ەلەكتروندى پوشتا ارقىلى 18 قاتىسۋشىعا داۋىس بەرۋ مۇمكىندىگىنە يە»، - دەيدى ول.

فوتولار: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي