قازاقستاننىڭ قاسيەتتى جەرلەرى تۋرالى فيلمدەر بۇۇ-نىڭ نەگىزگى 6 تىلىندە كورسەتىلەدى - رۋحاني جاڭعىرۋ|14 جەلتوقسان 2017، 17:47
كۋرسى ۆاليۋت وبنوۆليايۋتسيا
استانا:

قازاقستاننىڭ قاسيەتتى جەرلەرى تۋرالى فيلمدەر بۇۇ-نىڭ نەگىزگى 6 تىلىندە كورسەتىلەدى

فوتو: Нұржас Жақсыбай

بۇگىن استانادا «ميراس» رەسپۋبليكالىق كەڭەسىنىڭ كەزەكتى وتىرىسى ٴوتتى. وندا «قاسيەتتى قازاقستان» كارتاسىنا ەنگەن جەرلەر تۋرالى ماسەلەلەر تالقىلاندى. وسى جيىن بارىسىندا بايانداما جاساعان قر مادەنيەت جانە سپورت ۆيسە-مينيسترى اقتوتى رايىمقۇلوۆا كيەلى جەرلەر تۋرالى كوركەم جانە دەرەكتى فيلمدەر جاسالىپ، بىرنەشە تىلگە اۋدارىلىپ، حالىقارالىق دەڭگەيدەگى تەلەارنالاردان كورسەتىلەتىنى جايلى مالىمدەدى، دەپ حابارلايدى baq.kz اقپارات اگەنتتىگى.

«قازاقستاننىڭ كيەلى جەرلەرى تۋرالى فيلمدەردى تۇسىرۋگە بۇگىنگى تاڭدا مينيسترلىك اسا زور كوڭىل ٴبولىپ وتىر. وسى فيلمدەردى تۇسىرۋگە وڭىرلىك بيۋدجەت كوزدەرىمەن بىرگە بەلدى ازاماتتار قارجىلارىن قوسىپ، عىلىمي-زەرتتەۋلىك مازمۇندا، كوركەم سۋرەتتى، انيماسيالاردى تۇسىرۋگە اتسالىسىپ جاتىر. بۇگىنگى تاڭدا ەلىمىز بەن شەتەلدەردە كورسەتۋگە ارنالعان بىرنەشە فيلم ٴتۇسىرىلدى. سونىڭ ىشىندە 4 فيلم وندىرىستە. وسى ٴتورت فيلم بىرىككەن ۇلتتار ۇيىمىنا مۇشە ەلدەردىڭ 6 تىلىنە اۋدارىلاتىن بولادى»، - دەيدى اقتوتى رايىمقۇلوۆا.

ونىڭ ايتۋىنا قاراعاندا كۇردەلى عىلىمي-زەرتتەۋ نەگىزىندەگى ٴۇش سيكلدان تۇراتىن ەكى دەرەكتى ٴفيلمنىڭ ٴتۇسىرىلىمى اياقتالعان.

«ەلىمىزدىڭ كيەلى جەرلەرىنىڭ تىزىمىنە ەنەتىن ورىنداردى ناسيحاتتايتىن فيلمدەردىڭ حالىقارالىق دەڭگەيدەگى تەلەارنالاردان كورسەتىلەتىندەي جۇمىس ىستەلىپ جاتىر. ونىڭ ىشىندە «جۇبان اتا كەسەنەسى»، «قورقىت اتا كەشەنى»، «شەرقالا» سەكىلدى ورىندار تۋرالى فيلمدەر شەتەلدىك كورەرمەنگە جول تارتادى. وزدەرىڭىز بىلەتىندەي، bbc worldnews اتتى تەلەارنادا «قوجا احمەت ياسساۋي»، «ايشا ٴبيبى» كەسەنەلەرى مەن «التىن ادام» اتتى دەرەكتى فيلمدەر اياقتالىپ، ولاردى 451 ميلليون كورەرمەن كورە الاتىنداي اۋقىمدا جاعداي جاسالۋدا»، - دەيدى ۆيسە-مينيستر.

بۇلاردان بولەك ەلىمىزدىڭ حالىقارالىق دەڭگەيدەگى بەدەلىن كورسەتۋگە باعىتتالعان فيلمدەر دە قولعا الىنىپ وتىر.

«گولليۆۋد اكتەرى مارك داكاسكوستىڭ قاتىسۋىمەن «كاستەل» كومپانياسى ٴتۇسىرىپ جاتقان «كوشباسشىلار ەلى» دەرەكتى ٴفيلمىنىڭ ٴتۇسىرىلىمى اياقتالدى. قازىرگى تاڭدا حالىقارالىق دەڭگەيدە كورسەتۋگە بولاتىنداي كەلىسسوزدەر جۇرگىزىلۋدە. «كۇلتەگىن» تۋرالى دا دەرەكتى فيلم كوپشىلىكتىڭ كوڭىلىنەن شىعار دەگەن سەنىمدەمىز»، - دەيدى اقتوتى رايىمقۇلوۆا.

«ميراس» رەسپۋبليكالىق كەڭەسىنىڭ كوشپەلى وتىرىسىنا دەپۋتاتتار، تاريحشىلار، عالىمدار مەن «قاسيەتتى قازاقستان» عىلىمي-زەرتتەۋ ورتالىعىنىڭ ديرەكتورى بەرىك ٴابدىعالي ۇلى قاتىستى.

ەستەرىڭىزدە بولسا، بۇدان بۇرىن قازاقستاندىق ادەبيەتتەر بۇۇ-نىڭ نەگىزگى التى تىلىنە اۋدارىلىپ ناسيحاتتالاتىنى جايلى جازعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي