قازاقستاندىق ادەبيەت بۇۇ-نىڭ التى تىلىنە اۋدارىلىپ، ناسيحاتتالادى - رۋحاني جاڭعىرۋ|12 جەلتوقسان 2017، 19:23
كۋرسى ۆاليۋت وبنوۆليايۋتسيا
استانا:

قازاقستاندىق ادەبيەت بۇۇ-نىڭ التى تىلىنە اۋدارىلىپ، ناسيحاتتالادى

قازاق ادەبيەتى جاۋھارلارىن بىرىككەن ۇلتتار ۇيىمىنىڭ التى رەسمي تىلىنە اۋدارىپ، ٴوز قالامگەرلەرىمىزدىڭ شىعارمالارىن الەم وقىرماندارىنا ناسيحاتتاۋ جۇمىسى باستالادى. بۇل تۋرالى بۇگىن استاناداعى ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ٴى حالىقارالىق «رۋح» ادەبي بايقاۋىنىڭ قورىتىندىسىن جاريالاۋعا ارنالعان رەسمي جيىندا قر پرەزيدەنتى ىشكى ساياسات ٴبولىمىنىڭ مەڭگەرۋشىسى ايدا بالايەۆا مالىمدەدى، دەپ حابارلايدى ۆaq.kz اقپارات اگەنتتىگى.

اتالعان شاراعا زيالى قاۋىم وكىلدەرى، اقىن-جازۋشىلار، دەپۋتاتتار مەن رەسمي ورگان وكىلدەرى قاتىستى.

جيىندا قۇتتىقتاۋ ٴسوز سويلەگەن قر پرەزيدەنتى ىشكى ساياسات ٴبولىمىنىڭ مەڭگەرۋشىسى ايدا بالايەۆا «رۋحاني جاڭعىرۋ باعدارلاماسى اياسىندا وتكىزىلىپ وتىرعان بايقاۋدىڭ ماڭىزدىلىعىن اتاپ ٴوتتى.

«ٴبىز ٴۇشىن ٴاردايىم ادەبيەتتىڭ ورنى بولەك. ەندى «ٴوز قازانىمىزدا قايناي بەرمەي»، الەمگە تەرەزە اشاتىن ۋاقىت جەتتى. وسى ماقساتتا كەلەسى جىلدان باستاپ قازاق ادەبيەتى جاۋھارلارىن بىرىككەن ۇلتتار ۇيىمىنىڭ التى رەسمي تىلىنە اۋدارىپ، ٴوز قالامگەرلەرىمىزدىڭ شىعارمالارىن الەم وقىرماندارىنا ناسيحاتتاۋ جۇمىسى باستالادى،» - دەدى ايدا بالايەۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي