ەلىمىزدە ۇزدىك ديزاينەرلىك جۇمىسقا كونكۋرس جاريالاندى - رۋحاني جاڭعىرۋ|24 قاراشا 2017، 09:41
كۋرسى ۆاليۋت وبنوۆليايۋتسيا
استانا:

ەلىمىزدە ۇزدىك ديزاينەرلىك جۇمىسقا كونكۋرس جاريالاندى

فوتو: ҚазАқпарат

«قازاقپارات» حاا مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىندا ۇزدىك ديزاينەرلىك بەزەندىرۋگە كونكۋرس جاريالايدى، دەپ حابارلايدى قازاقپارات.

كونكۋرستىڭ ماقساتى - «رۋحاني جاڭعىرۋ» باعدارلاماسىن حالىق اراسىندا كەڭىنەن ناسيحاتتاپ، مادەني-رۋحاني قۇندىلىقتارعا بەتبۇرىس جاساۋ، سونداي-اق ەلباسى باستاماسىنىڭ تانىمالدىلىعىن ارتتىرۋ. سونىمەن قاتار، اتالعان شارا ارقىلى شىعارماشىلىق ورتانى قولداي وتىرىپ، زاماناۋي مادەنيەتتى «رۋحاني جاڭعىرۋ» قۇندىلىقتارىمەن جاقىنداستىرا ٴتۇسۋ كوزدەلەدى.

رەسپۋبليكالىق كونكۋرس ناتيجەسىندە ۇزدىك دەپ تانىلعان تۋىندى (گرافيكالىق يلليۋستراسيالار) «رۋحاني جاڭعىرۋ» تاقىرىبىنداعى ٴتۇرلى دەكوراسيالارعا، باسپا ونىمدەرىنە، كيىمدەرگە جانە تاعى باسقالارعا قولدانىلاتىن بولادى. سوندىقتان دا، ديزاينەرلىك يدەيالار نەگىزىنەن «رۋحاني جاڭعىرۋ» باعدارلامالىق ماقالاسىنداعى قۇندىلىقتارعا، اتاپ ايتقاندا، «باسەكەلىك قابىلەت»، «پراگماتيزم»، «ۇلتتىق بىرەگەيلىكتى ساقتاۋ»، «ٴبىلىمنىڭ سالتانات قۇرۋى»، «قازاقستاننىڭ رەۆوليۋسيالىق ەمەس، ەۆوليۋسيالىق دامۋى»، «سانانىڭ اشىقتىعى» سەكىلدى التى باعىتقا ساي بولۋى شارت.

ٴاربىر قاتىسۋشى نەمەسە ۇجىم اتالعان 6 باعىتتىڭ ٴارقايسىسىنا تەك 1 عانا جۇمىسىن ۇسىنا الادى.

اتاپ وتەيىك، كونكۋرس ماتەريالدارى قاراشا ايىنىڭ 1-ىنەن جەلتوقسان ايىنىڭ 15-ىنە دەيىنگى ارالىقتا قابىلدانادى. كونكۋرسقا قاتىسۋشىلار ٴۇشىن جاس بويىنشا ەشقانداي شەكتەۋ قويىلمايدى. كونكۋرسقا قاتىسۋ ٴۇشىن ەرەجەمەن تانىسۋى جانە قاتىسۋ تۋرالى ٴوتىنىش فورماسىن تولتىرۋى ٴتيىس.

قاتىسۋشىلاردىڭ جۇمىسىن ارنايى قۇرىلاتىن ٴادىلقازىلار انىقتايدى، سونىمەن بىرگە «قازاقپارات» حاا سايتىندا ونلاين-داۋىس بەرۋ جۇرگىزىلەدى. ٴار نوميناسيا بويىنشا جەڭىمپازدار ارنايى ديپلومدارمەن جانە اقشالاي سىياقىمەن ماراپاتتالادى. گران-پري يەسى 2 ميلليون تەڭگەگە اقشالاي سىياقىعا يە بولادى.

سونىمەن قوسا، ۇزدىك تانىلعان تۋىندىلار بويىنشا: 1-ورىن - 1 500 000 تەڭگە، 2 ورىن - 1 000 000 تەڭگە، 3 ورىن - 500 000 تەڭگە سىياقى بەلگىلەنىپ وتىر. بۇدان بولەك، كونكۋرسقا قاتىسۋشىلار اراسىندا ىنتالاندىرۋ سىيلىعى رەتىندە جالپى قورى 1 000 000 تەڭگەنى قۇرايتىن ارنايى جۇلدەلەر دە بار. بۇل بويىنشا: 1- ارنايى جۇلدە - 400 000 تەڭگە; 2-ارنايى جۇلدە - 400 000 تەڭگە; 3-ارنايى جۇلدە - 200 000 تەڭگە سىياقى الاتىن بولادى.

كونكۋرس جەڭىمپازدارىنىڭ تۋىندىلارى «قازاقپارات» حاا سايتىندا ورنالاساتىن بولادى. كونكۋرستىڭ تولىق ەرەجەسىمەن مىنا سىلتەمە ارقىلى تانىسۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي