BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاق ادەبيەتى انتولوگياسى فرانسۋز تىلىنە اۋدارىلادى

پاريجدە زاماناۋي قازاق ادەبيەتىنىڭ ەكى انتولوگياسىن فرانسۋز تىلىندە تاراتۋ، باسىپ شىعارۋ جانە اۋدارۋ جۇمىسىنا ارالاساتىن شىعارماشىلىق كونسورسيۋمنىڭ قاتىسۋشىلارى انىقتالدى.

جوبا قاتىسۋشىلارى ٴپاريجدىڭ ٴبىرىنشى وكرۋگىنىڭ مەرياسى مەن ەلوردالىق مادەني بىرلەستىكتىڭ قولداۋىمەن ىرىكتەلدى. ولار قازاقستاننىڭ بۇرىننان كەلە جاتقان دوستارى ەكەنى بەلگىلى ٴارى جوبانىڭ ستراتەگيالىق سەرىكتەستەرى اتاندى.

سونداي-اق، قازاقستاندىق باستامانى فرانسۋز ۇلتتىق كىتاپتار ورتالىعى قولدادى جانە اتالعان ۇيىم وكىلدەرى كىتاپ ساپاسىنىڭ سىرتقى رەسەنزەنتى بولادى.

«رۋحاني جاڭعىرۋ» باعدارلاماسىن جۇزەگە اسىرۋ جونىندەگى ۇلتتىق كوميسسيا ونداعان فرانسۋز باسپالارىن جانە ستراتەگيالىق سەرىكتەستەردىڭ ۇسىنىستارىن قاراي وتىرىپ، ونەر جانە ادەبيەتتى دارىپتەۋ بويىنشا اۋدارما جانە باسپا ىسىندە 30 جىلدان استام تاجىريبەسى بار ميشەل دە مول (michel de maule) باسپاسىن تاڭداۋدى ۇيعاردى. ونىڭ نەگىزىن سالۋشى جانە باس رەداكتورى -تانىمال فرانسۋز لينگۆيسى، اقىن تەرري-دە-لا-كرۋا (thierry de la croix).

مەموراندۋمعا قول قويۋ كەزىندە باسپاشى ٴارى ادەبيەتشى رەتىندە جوبانىڭ فرانسۋز وقىرمانىنا جاڭا مادەنيەتتى اشاتىن زور الەۋەتىن بايقايتىنىن ايتتى.

ٴپاريجدىڭ مادەني بىرلەستىگىنىڭ پرەزيدەنتى مادام كارلا وريگوني (carla arigoni) جوبانىڭ اكادەميالىق ماڭىزدىلىعىن اتاپ ٴوتتى. ونىڭ پىكىرىنشە، انتولوگيا ٴماتىنىنىڭ ادەبي جانە ەستەتيكالىق قۇندىلىقتان بولەك زەرتتەۋشىلىك ٴمانى بار. قاۋىمداستىق جۇمىسقا ادەبيەت، مادەنيەتتانۋ جانە ايماقتانۋ سالالارىنىڭ بىلىكتى ماماندارىن تارتۋدى جوسپارلاپ وتىر. ولار فرانسۋز وقىرمانىنا قازاقستان مادەنيەتىن جان-جاقتى ٴارى كاسىبي تۇردە تانىتاتىن بولادى. جوبا اياسىندا انتولوگيانى تەك فرانسيادا ەمەس، سونداي-اق، فرانسۋز ٴتىلى رەسمي تۇردە جۇرەتىن نەمەسە نەگىزگى تىلمەن قاتار پايدالانىلاتىن ەلدەردە تاراتۋ بويىنشا ۇلكەن جۇمىس اتقارىلعالى وتىر. الەمدە ٴدال وسىنداي ەلدەر سانى ٴارتۇرلى ەسەپتەر بويىنشا 50-دەن استام، 220 ميلليوننان كوپ حالىق فرانسۋز ٴتىلىن كۇندەلىكتى ومىردە قولدانادى.

قازاق ادەبيەتىن اتالعان ەلدەردە كەڭىنەن تانىتىپ، دامىتۋمەن فرانسۋز تىلىندە سويلەيتىن ەلدەردىڭ بارلىعىنا تانىمال «پرەستيج كوممۋنيكاسيون» (prestige communication) جاھاندىق كوممۋنيكاسيالىق اگەنتتىگى اينالىسادى.

حالىقارالىق اگەنتتىكتىڭ باس ديرەكتورى لوران تايب (laurent taieb) ىنتىماقتاستىق ورناتۋ مەموراندۋمىنا قول قويۋ كەزىندە ەلدى مادەنيەتى، رۋحاني جادىگەرلەرى مەن ىشكى دامۋى ارقىلى جاھاندىق الەمدە دامىتۋعا باعىتتايتىن «رۋحاني جاڭعىرۋ» باعدارلاماسىنىڭ ماڭىزدىلىعىن ەرەكشە اتاپ ٴوتتى.

«رۋحاني جاڭعىرۋ» باعدارلاماسىن جۇزەگە اسىرۋ بويىنشا قازاقستان پرەزيدەنتى جانىنداعى ۇلتتىق كوميسسيا حاتشىسى ايدا بالايەۆا قازاقستاندىق تاراپتان مەموراندۋمعا قول قويا وتىرىپ، سەرىكتەستەردىڭ نازارىن اۋدارمالاردىڭ جوعارى كوركەمدىك ساپاسى مەن جاريالانىمداردىڭ ەستەتيكالىق ساپاسىن قامتاماسىز ەتۋدىڭ ماڭىزدىلىعىنا اۋداردى.

فرانسياداعى قازاقستان ەلشىلىگىنىڭ عيماراتىندا ٴوتىپ جاتقان كەلىسسوزدەرگە فرانسياداعى قر ەلشىسى جان عاليەۆ جانە «ۇلتتىق اۋدارما بيۋروسىنىڭ» ديرەكتورى راۋان كەنجەحان ۇلى قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي