BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىدا جاڭا نەكە سارايى اشىلدى

فوتو: karaganda-region.gov.kz

قاراعاندىلىقتار نەكە قييۋ سالتاناتتى ٴراسىمىن جاڭا جانە اسەم نەكە سارايىندا وتكىزۋ مۇمكىندىگىنە يە بولدى. مۇنداي سىيلىقتى جەرلەستەرىنە كاسىپكەر بولات قوجاقپايەۆ جاسادى. بۇل بيزنەسمەننىڭ «رۋحاني جاڭعىرۋ» باعدارلاماسىن جۇزەگە اسىرۋداعى ۇلەسى، دەپ حابارلايدى baq.kz اقپارات اگەنتتىگى قاراعاندى وبلىسى اكىمدىگىنىڭ ٴباسپاسوز قىزمەتىنە سىلتەمە جاساپ.

قاراعاندى وبلىسىنىڭ اكىمى ەرلان قوشانوۆ «اق ساراي» سالتانات سارايىندا بولىپ قايتتى. ايماق باسشىسى قازىبەك بي اتىنداعى اۋداندىق احات ٴبولىمىنىڭ قىزمەتكەرلەرى قانداي جاعدايدا ەڭبەك ەتىپ جاتقانىن قاراپ شىقتى. اكىمنىڭ ارالاۋى بارىسىندا سالتانات زالىندا جاس جۇبايلاردىڭ، التىن جانە كۇمىس توي يەلەرىنىڭ تىركەۋى ٴوتىپ جاتتى. وبلىس اكىمى جانۇيالاردى وسىنداي تاماشا مەرەكەلەرىمەن قۇتتىقتادى.

«قاراعاندىلىقتارعا وسىنداي ساراي بۇرىننان كەرەك بولاتىن. ەندى ولار نەكە جىبىمەن ٴوز تاعدىرلارىن قازىرگى زامانعى، سالتاناتتى جانە اسەم جەردە بايلانىستىرا الادى. مەن جاڭا وتباسىلار قۇرىلىپ جاتقان وسىنداي كەڭ ماحاببات سارايى جاستارعا باقىت پەن شاتتىق سىيلايتىنىنا سەنىمدىمىن. بۇل جاي عانا قالاعا جاسالىپ وتىرعان سىيلىق ەمەس. بۇل پاتريوتتىقتىڭ جانە مەسەناتتىقتىڭ، جاقسى ەڭبەكتىڭ ۇلگىسى. ەلىمىزدىڭ ٴار تۇرعىنى، ٴار كاسىپكەرى «رۋحاني جاڭعىرۋ» باعدارلاماسىن جۇزەگە اسىرۋعا قاتىسۋى وتە ماڭىزدى»، - دەدى ەرلان قوشانوۆ.

وسىعان دەيىن نەكە سارايى توزىعى جەتكەن ەسكى، تار عيماراتتا ورنالاسقان بولاتىن. بولات قوجاقپايەۆ ٴوز قاراجاتىنا سالتاناتتارعا ارنالعان زالى بار مەيرامحانالىق جانە قوناق ٴۇي كەشەنىن سالدى. جوبانىڭ قۇنى 3 ملرد تەڭگەنى قۇرادى.

عيماراتتىڭ جالپى اۋدانى – 16،5 مىڭ شارشى مەتر. اۋماقتىڭ ٴبىر بولىگىن كاسىپكەر تەگىن تۇردە قازىبەك بي اتىنداعى اۋداندىق اكىمدىگىنە بەرگەن. ٴبىر اي بۇرىن مۇندا احات ٴبولىمى كوشىپ كەلدى.

مەكەمە قىزمەتكەرلەرى قازىرگى جۇمىس شارتتارى اناعۇرلىم جايلى بولعانىن اتاپ ايتتى. شىلدە ايىندا بۇل جەردە 500-گە جۋىق تىركەۋ اكتىلەرى وتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي