BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندى وبلىسىنىڭ تۇرعىندارى لاتىن ارپىمەن جالپىۇلتتىق ديكتانت جازادى

فوتو: karaganda-region.gov.kz

جالپىۇلتتىق لاتىن ارپىمەن جازىلاتىن ونلاين-ديكتانت 14 قاراشادا قازاقستاننىڭ بارلىق قالالارىندا ٴبىر مەزگىلدە وتۋدە. ول 11 ساعات 30 مينۋت جالعاسادى. وعان 15 جاستان جوعارى كەز-كەلگەن نيەت بىلدىرۋشىلەر قاتىسا الادى.

وبلىستىق تىلدەردى دامىتۋ باسقارماسىندا ديكتانتقا 120 000 استام قاراعاندى وبلىسىنىڭ تۇرعىندارى قاتىسادى دەپ بولجاپ وتىر. ولاردىڭ قاتارىندا مەملەكەتتىك قىزمەتكەرلەر، حقكو، بانكتەردىڭ ماماندارى، مەديسينالىق جانە قۇقىق قورعاۋ ورگاندارىنىڭ قىزمەتكەرلەرى، جوو جانە كوللەدج ستۋدەنتتەرى مەن ۇستازدارى، جوعارعى سىنىپ وقۋشىلارى، بالاباقشا تاربيەشىلەرى، كاسىپكەرلەر، بارلىق وبلىستىق باسقارمالاردىڭ ماماندارى، قالالىق جانە اۋداندىق اكىمدىكتەردىڭ، ىشكى ىستەر دەپارتامەنتتەرىنىڭ قىزمەتكەرلەرى، ەتومادەني بىرلەستىكتەردىڭ وكىلدەرى، اسكەري قىزمەتكەرلەر بار.

ديكتانت باستالماستان 15 مينۋت بۇرىن تىڭدارماندار لاتىن گرافيكاسىنداعى قازاق الىپبەسىمەن تانىسىپ، ارنايى جازبا قاعازدارىن الادى.

قاتىسۋشىلار جازۋى ٴتيىس ٴماتىن شارا باستالار الدىندا، كونۆەرتتەر اشىلعاندا عانا بەلگىلى بولادى.

ديكتانتتى ٴوز بەتىنشە جازعىسى كەلگەندەر بەلگىلەنگەن ۋاقىتتا emle.kz، tilalemi.kz سايتتارىنا كىرىپ، باستى بەتتە كەلتىرىلگەن سىلتەمە بويىنشا اۋديوفايلدى تىڭداي الادى. سونان سوڭ دايىن جۇمىستارىن سۋرەتكە ٴتۇسىرىپ، نەمەسە سكانەردەن وتكىزىپ، tilalemi.kz@gmail.com جىبەرۋلەرى ٴتيىس.

ديكتانت اياقتالعان سوڭ بەس كۇن ارالىعىندا tilalemi.kz سايتىندا دۇرىس نۇسقا جانە باعالاۋ ولشەمشارتتارى جاريالانادى. ٴار پايدالانۋشى ٴوز جۇمىسىن ۇلگىمەن سالىستىرىپ، باعالاي الادى.

ديكتانت 2018 جىلدىڭ 19 قاراشاسىنداعى قر پرەزيدەنتىنىڭ قاۋلىسىنا جانە قر پرەمەر-مينيسترى وكىمىمەن بەكىتىلگەن «2025 جىلعا دەيىن قازاق ٴتىلىنىڭ لاتىن گرافيكاسىنا كەزەڭمەن كوشىرۋ بويىنشا شارالار جوسپارىنا» ساي وتكىزىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي