BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گولليۆۋد جۇلدىزدارى شىعىس قازاقستانداعى كيەلى جەرلەردى ارالايدى

گولليۆۋد جۇلدىزدارى كەري تاگاۆا، مارك داكاسكوس، باي لينگ، مايكل مەدسون «national geograghic» جانە «bbc» تەلەارنالارىندا كورسەتىلەدى دەپ جوسپارلانعان دەرەكتى ٴفيلمنىڭ ٴتۇسىرىلىمى ٴۇشىن شىعىس قازاقستان وبلىسىنا باردى. بۇل جوبا «رۋحاني جاڭعىرۋ» باعدارلاماسى اياسىندا ىسكە اسۋدا، دەپ حابارلايدى baq.kz اقپارات اگەنتتىگى.

تانىمال جۇلدىزداردى شقو اكىمى دانيال احمەتوۆ قارسى الىپ، ولكەنىڭ ەرەكشەلىگى مەن كورىكتى جەرلەرى تۋرالى ايتتى.

«شىعىس قازاقستان – ەلىمىزدىڭ بىرەگەي ونەركاسىبى بار يندۋستريالدى ورتالىعى. باعدارلاما اياسىندا سىزدەر ٴبىزدىڭ تاريحي، كيەلى جەرلەرىمىزدى، سونىڭ ىشىندە سەمەي يادرولىق سىناق پوليگونىن كورەسىزدەر. وبلىسىمىزدىڭ 4 اۋدانىنا بارىپ، حالىقتىڭ تۇرمىس-تىرشىلىگىمەن تانىساسىزدار. ەلگە جاقسى اسەرمەن ورالاسىزدار دەگەن ويدامىن»، - دەدى دانيال احمەتوۆ.

جوبا پروديۋسەرى ارمان ارسەنوۆتىڭ ويىنشا، سيفرلاندىرۋ داۋىرىندە وسىنداي تانىمال تۇلعالاردى شاقىرۋ ارقىلى قازاقستانعا دەگەن قىزىعۋشىلىقتى ارتتىرۋ كەرەك.

«مىسالى، ولاردىڭ الەۋمەتتىك جەلىگە جازعان ٴبىر جازباسى 60 ميلليوننان ارتىق ٴلۇپىل جينايدى»، - دەدى ول اكتريسا باي لينگتى مىسالعا كەلتىرىپ.

پروديۋسەردىڭ ايتۋىنشا، ولكەنىڭ تاريحىن باياندايتىن فيلم 15 مينۋتتىق 4 بولىمنەن تۇرادى.

«مورتال كومبات»، «47 رونينوۆ» جانە باسقا دا فيلمدەر ارقىلى تانىمال امەريكالىق اكتەر، ٴتۇپ نەگىزى جاپون بولىپ كەلەتىن كەري تاگاۆا ٴبىزدىڭ ەلگە كەلگەندە ٴوزىن ۇيىندە جۇرگەندەي سەزىنەتىنىن، سەبەبى جاپوندار مەن قازاقتاردىڭ گەنەتيكالىق كودى ٴبىر ەكەنىن، سونداي-اق ٴوزىنىڭ قازاقستان ازاماتتىعىن العىسى كەلەتىندىگىن ايتتى.

گولليۆۋدتىق دەلەگاسيا شقو-دا 4 كۇن بولىپ، كۇرشىم، اباي، زايسان جانە باسقا دا اۋداندار مەن ٴوڭىردىڭ كيەلى، تاريحي جەرلەرىنە بارادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي