ەرتىس وڭىرىندە وقۋشىلاردىڭ ارحەولوگيالىق جاساقتارى قۇرىلادى - رۋحاني جاڭعىرۋ|09 جەلتوقسان 2017، 14:35
كۋرسى ۆاليۋت وبنوۆليايۋتسيا
استانا:

ەرتىس وڭىرىندە وقۋشىلاردىڭ ارحەولوگيالىق جاساقتارى قۇرىلادى

پاۆلودار وبلىسىندا «رۋحاني جاڭعىرۋ» باعدارلاماسى شەڭبەرىندە وقۋشىلاردان قۇرالعان ارحەولوگيالىق جاساقتار جۇمىسىن باستاماق. بۇگىنگى كۇنى ورتا مەكتەپتەر ايماقتاعى عىلىمي-زەرتتەۋ ورتالىقتارىمەن ىنتىماقتاستىق كوكجيەگىن كەڭەيتۋدە، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

الداعى ۋاقىتتا وقۋشىلار قاۋىمى عالىمدارمەن بىرگە ارحەولوگيالىق قازبا جۇمىستارىنا قاتىسا الادى. ەندى جەتكىنشەكتەر ايماعىمىزدىڭ ەجەلگى تاريحىمەن جاقىنىراق تانىسىپ، ماتەريالدىق قۇندىلىقتاردى كوزبەن كورىپ، قولمەن ۇستاۋ مۇمكىندىگىنە يە بولادى. بۇل باعىتتاعى جۇمىستاردى العاشقى بولىپ پاۆلودار قالاسىنىڭ №18 مەكتەبى باستادى.

«بۇعان دەيىن بالالارىمىز باياناۋىل اۋدانىندا جۇرگىزىلگەن قازبا جۇمىستارىنا قاتىستى. قىزىعۋشىلىقتارى مول. سوندىقتان، پاۆلودار مەملەكەتتىك پەداگوگيكالىق ينستيتۋتى جانىنداعى مارعۇلان عىلىمي-زەرتتەۋ ينستيتۋتىمەن بايلانىس ورناتتىق. الداعى ۋاقىتتا وقۋشىلارىمىز زەرتتەۋ جۇمىستارىن جۇرگىزۋمەن قاتار، عىلىمي جۇمىستاردى جازۋمەن اينالىسادى. ٴبىزدىڭ جەتكىنشەكتەر عالىمداردىڭ قولداۋىنا يە بولادى»، - دەيدى تاريح ٴپانىنىڭ ٴمۇعالىمى اسحات مۇقانوۆ.

قازىرگى تاڭدا مەكتەپ ۇستازدارى مەن ورتالىق قىزمەتكەرلەرى بىرلەسكەن جوسپار ازىرلەۋدە. بۇگىنگى تاڭدا ٴبىلىم بەرۋ مەكەمەسى جانىندا «اسىل مۇرا» اتتى ەتنوگرافيالىق زەرتحانا جۇمىس ىستەيدى. بولاشاقتا ارحەولوگ، انتروپولوگ بولۋدى ارماندايتىن جەتكىنشەكتەر وسىندا جينالادى.

مارعۇلان ورتالىعىنىڭ قىزمەتكەرى ەدۋارد لامپارتەردىڭ ايتۋىنشا، وقۋشىلارمەن بىرلەسىپ جۇمىس ىستەۋ وڭىردە تاريحشىلاردىڭ تولقىنىن قالىپتاستىرۋعا سەپ بولماق.

«جەتكىنشەكتەردىڭ تالپىنىسى قۋانتادى. ولارمەن كەزدەسۋ بارىسىندا ٴتۇرلى سۇراقتارعا جاۋاپ بەردىك. بۇل كەزدەسۋدە بالالارعا ەرتىس وڭىرىندە وركەن جايعان قيماق قاعاناتىنىڭ گۇلدەنۋى، قازاق حاندىعىنىڭ قۇرىلۋى مەن ەجەلگى ادامداردىڭ پايدا بولۋى تۋرالى اڭگىمەلەدىك. ماسەلەن، 9-11 عاسىرلاردا ٴومىر سۇرگەن قيماق جاۋىنگەرىنىڭ ساۋىت-سايمانى وقۋشىلار ٴۇشىن وتە قىزىق. جادىگەردىڭ ٴتۇپنۇسقاسى ماي اۋدانىنان تابىلعانى ٴمالىم. عالىمدار ونى قالىپقا كەلتىرۋدە. كەلەسى جىلدىڭ جازىندا ولاردى ەكسپەديسيالارعا اپارعىمىز كەلەدى»، - دەيدى عالىم.

ەسكە سالا كەتسەك، «ەرتىس ٴوڭىرىنىڭ قاسيەتتى جەرلەرى» كارتاسىنا 66 كيەلى ورىن ەنگەن. الداعى ۋاقىتتا وقۋشىلار وسى مەكەەندەردى ارالاپ، زەرتتەۋ جۇمىستارىنا اتسالىسپاق.

فوتو: اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي