BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەرەيمەنتاۋدا «مەن ابايدى وقيمىن!» اكسياسى وتۋدە

ەرەيمەنتاۋ اۋداندىق كىتاپحاناسىندا «مەن ابايدى وقيمىن!» اكسياسىنا ارنالعان وقىرماندار اراسىندا «ابايدىڭ وقىلماعان كىتاپتار الەمىندە» اتتى كوركەم ادەبيەت وقۋ الاڭىن ۇيىمداستىردى، دەپ حابارلايدى ۆaq.kz اقپارات اگەنتتىگى ىشكى ساياسات باسقارماسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

سونداي-اق، وقىرماندار نازارىنا كىتاپ كورمەسى قويىلدى. اكسيا بارىسىندا كىتاپحانانىڭ تۇراقتى وقىرمانى ٴسانيا نۇرماعامبەتوۆا ابايدىڭ ٴ25-شى قارا ٴسوزىن مانەرلەپ وقىدى. كوركەم ادەبيەت الاڭىندا ٴار كەلگەن وقىرمان اقىننىڭ وقىلماعان كىتاپتارىن تاڭداپ، ولەڭ شۋماقتارىمەن تانىستى.

اتالعان اكسيا اۋداننىڭ بىرنەشە اۋىلدىق جەرىندە دە جالعاسىن تابۋدا. بۇل رەتتە ەرىنشىلىك، مالتابار، ولجاباي باتىر اۋىلدارى بار.

ەركىنشىلىك اۋىلدىق مودەلدىك كىتاپحاناسىندا وقىرماندار اراسىندا «مەن ابايدى وقيمىن» اتتى اقپاراتتىق ساعات ٴوتتى. ٴىس-شارا باسىندا وقىرماندارعا اباي قۇنانبايەۆتىڭ كىتاپتارىنىڭ شاعىن كورمەسى كورسەتىلدى. كىتاپحاناشى ونەرگۇل حۋماربەرگەن كورمەدە بەزەندىرىلگەن كىتاپتار جونىندە ايتىپ وتكەننەن كەيىن وقىرماندار ولەڭدەر مەن قارا سوزدەرىن تالقىلاپ، «ابايدىڭ ٴومىرى» اتتى ينتەراكتيۆتى-ادەبي ويىن ۇيىمداستىرىلعان. بۇل ويىن جوعارعى سىنىپ وقۋشىلارىنىڭ اراسىندا قىزىعۋشىلىق تۋدىرعان.

مالتابار اۋىلدىق كىتاپحاناسىندا اكسيا اياسىندا «ولەڭ ٴسوزدىڭ پاتشاسى، ٴسوز ساراسى» اتتى مانەرلەپ وقۋ كەشى وتكىزىلدى. مۇندا ابايدىڭ ولەڭدەرى مەن قارا سوزدەرى مانەرلەپ وقىلىپ، اندەرى شىرقالعان. جالپى، اكسيانىڭ ماقساتى: اقىن ولەڭدەرىن، قارا سوزدەرىن وقۋ ارقىلى ۇلتتىق رۋحتى جاڭعىرتۋ، وسيەتىن قازىرگى ۇرپاققا ۇلىقتاۋ، امانات ەتۋ. سونىمەن قاتار، بۇل كەشتە «ادامزاتتىڭ پەرزەنتى – ۇلى اباي» تاقىرىبىندا كىتاپ كورمەسى ۇيىمداستىرىلعان بولاتىن. اتالعان كورمەگە ۇلى اقىننىڭ شىعارمالار جيناعى قويىلدى. كەش سوڭىندا ٴىس-شاراعا قاتىسۋشى وقىرماندار «جەلسىز تۇندە جارىق اي» ولەڭىن حورمەن ورىندادى.

ال، ولجاباي باتىر اۋىلىنىڭ كىتاپحاناسىنداعى وقۋ زالىندا اكسيا شەڭبەرىندە قازاقتىڭ باس اقىنىنىڭ تۋعان كۇنىنە «ابايدى وقى، تاڭىرقا!» اتتى داۋىستاپ وقۋ جانە كىتاپ كورمەسى ٴوتتى. مۇنداعى باستى ماقساتى – قازاق بالاسىنا ابايدىڭ ٴسوزى مەن وسيەتىن، ونىڭ ٴومىرى مەن شىعارماشىلىعىن كەڭىنەن ناسيحاتتاۋ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي