BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدىڭ مۋزەي قىزمەتكەرلەرى تۇركياعا تاعىلىمداماعا بارادى

استانا، baq.kz. قازاقستان رەسپۋبليكاسىنىڭ ۇلتتىق مۋزەيى «قاسيەتتى قازاقستان» ولكەتانۋدى دامىتۋ ورتالىعى مەن تۇرىك ىنتىماقتاستىق جانە ۇيلەستىرۋ اگەنتتىگىنىڭ ارىپتەستىگى اياسىندا وبلىستاردىڭ تاريحي-ولكەتانۋ مۋزەي ماماندارى ىس-تاجىريبە الماسۋعا تۇركياعا بارادى.

ساپارعا تۇركيا رەسپۋبليكاسىنىڭ مادەنيەت جانە تۋريزم مينيسترلىگى مەن مادەني مۇرا جانە مۋزەيلەر باسقارماسى جەتەكشىلىك ەتەدى.

"19-23 قاراشا كۇندەرىنە جوسپارلانعان ىس-تاجىريبە الماسۋ ساپارىندا قازاقستاندىق دەلەگاسيا انكارا، ادانا، مەرسين، ىستامبۇل قالالارىندا بولادى. ساپار اياسىندا مۋزەي قىزمەتكەرلەرى تۇركياداعى مۋزەيلەردىڭ دامۋى جانە دامىپ كەلە جاتقان مۋزەيلەر تۋرالى اقپارات الىپ قانا قويماي، مۋزەيدەگى ەڭبەكتەردى ساقتاۋ جانە مۋزەي كورىنىستەرىنىڭ جۇمىستارىن دايىنداۋ تاسىلىمەن دە ەگجەي-تەگجەيلى تانىسادى، سونداي-اق مۋزەي باسقارۋ، مۋزەي قىزمەتكەرلەرىن وقىتۋدىڭ تەحنولوگياسىن، قىر-سىرىن يگەرەدى" - دەيدى «قاسيەتتى قازاقستان» ولكەتانۋدى دامىتۋ ورتالىعىنىڭ ماماندارى.

استانا، الماتى قالاسى، قاراعاندى، ماڭعىستاۋ، اقمولا، اتىراۋ، پاۆلودار، الماتى وبلىستارىنىڭ تاريحي-ولكەتانۋ ماماندارى قاتىساتىن ىس-تاجىريبە اياسىندا تۇركيادا مۋزەيدىڭ دامۋى جانە دامىپ كەلە جاتقان مۋزەيلەر تۋرالى ارحەولوگ دوكتور سونەر اتەشۇللارى، تۇركيا مۋزەيلەرىندەگى وقىتۋ ترەنينگتەرى تۋرالى انكارا ۋنيۆەرسيتەتى پروفەسسورى ايشە چاكير يلحان، مۋزەيلەردەگى ەڭبەكتەردى ساقتاۋ جانە مۋزەي كورىنىستەرىنىڭ جۇمىستارىن دايىنداۋ تۋرالى رەستوراتور-ارحەولوگ-ىلكاي يۆگين ٴدارىس وقىسا، مۋزەي ۇلتتىق ينۆەنتاريزاسيا جۇيەسىنىڭ جوباسىن (mues) جەتەكشىسى حاكان اايگىن تانىستىرادى.

"ەكى جاقتى كەزدەسۋلەر اياسىندا قازاقستان مۋزەيشىلەرى انكاراداعى انادولى وركەنيەتتەر مۋزەيىن، انكارا ەتنوگرافيالىق مۋزەيىن، ەمەس مۋزەي اتاتۇرىكتىڭ ماۆزولەيى ٴانتقابىردى ارالايدى. ادانا مۋزەيىنە دە باس سۇعىپ، قۇرىلىستى قالپىنا كەلتىرۋ جۇمىستارىنىڭ ەكىنشى كەزەڭىمەن تانىسادى. ٴارى، جەرورتا تەڭىزى جاعالاۋىنداعى مەرسين قالاسىندا دا بولىپ، مۋزەيىن، تاريحى 2500 جىلعا سوزىلعان ايگىلى قىزقورعانى – قىزكالەسىن تاماشالايدى. سونداي-اق ىستامبۇلدىڭ ايگىلى تاريحي اۋدانى فاتيحتا مىڭجىلدىقتاردىڭ مۇراسى اياسوفيا مۋزەيىن، وسمانلى مادەنيەتىنىڭ جاۋھارى سۇلتاناحمەت مەشىتىن، توپكاپى سارايىن كورەدى. ساپاردى ىستامبۇل ارحەولوگيا مۋزەيلەرىن، مۋزەي جانە تۇرىك يسلام ونەرىنىڭ مۋزەيىن ارالاۋمەن تامامدايدى" - دەيدى ۇيىمداستىرۋشىلار.

مۋزەي قىزمەتكەرلەرىمەن قوسا ماماندار، مۋزەيتانۋشىلاردان قۇرالاتىن دەلەگاسيا ەلگە قايتقان سوڭ وڭىرلەردە ولكەتانۋ ىس-تاجىريبەسى تۋراسىندا سەمينار-ترەنينگتەر وتكىزەدى.

ەسكە سالا كەتەتىن بولساق، جىل باسىندا پرەزيدەنت جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيا وتىرىسىندا «تۋعان جەر» جوباسىن ودان ٴارى جۇزەگە اسىرۋ اياسىندا قازاقستاندا ولكەتانۋدى دامىتۋدىڭ ارنايى تۇجىرىمداماسى ازىرلەنەتىنى تۋرالى ايتىلعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي