BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«بولاشاق» ستيپەندياسىنىڭ يەگەرلەرى بەلگىلى بولدى

فوتو: ашық дереккөзден

بۇگىن اقوردادا قر مەملەكەتتىك حاتشىسى گۇلشارا ٴابدىقالىقوۆانىڭ توراعالىعىمەن شەتەلدە كادرلاردى دايارلاۋ جونىندەگى رەسپۋبليكالىق كوميسسياسىنىڭ كەزەكتى وتىرىسى ٴوتتى، دەپ حابارلايدى baq.kz ٴتىلشىسى.

وتىرىستى اشقان مەملەكەتتىك حاتشى ەلباسى نۇرسۇلتان نازاربايەۆتىڭ «ٴتورتىنشى رەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى بيىلعى جولداۋىندا ادامي كاپيتالدى دامىتۋدى ماڭىزدى ەكەنىن اتاپ ٴوتىپ، بۇل مىندەتتى ورىنداۋ ٴۇشىن «بولاشاق» باعدارلاماسىنىڭ الەۋەتىن پايدالانۋ قاجەتتىگىن ايتتى.

«كوميسسيانىڭ جۇمىسىن باستايمىز. ەلباسى نۇرسۇلتان نازاربايەۆ بىزگە جاڭا فورماتتاعى كادرلاردى دايىنداۋ مىندەتىن جۇكتەدى. سوندىقتان «بولاشاق» باعدارلاماسىنىڭ الەۋەتىن پايدالانۋىمىز شارت. بۇگىن ٴبىز 3 ماسەلەنى تالقىلايمىز. ونىڭ اراسىندا حالىقارالىق «بولاشاق» ستيپەندياسىن تاعايىنداۋ ماسەلەسى دە بار»، - دەدى گۇلشارا ٴابدىقالىقوۆا.

وتىرىس بارىسىندا ٴبىلىم جانە عىلىم مينيسترلىگىنىڭ «بولاشاق» حالىقارالىق ستيپەندياسىن ىسكە اسىرۋ تۋرالى اقپاراتى تىڭدالدى.

كوميسسيانىڭ شەشىمىمەن ستيپەنديا ماگيستراتۋرادا جانە دوكتورانتۋرادا وقيتىن، سونداي-اق الەمنىڭ جەتەكشى عىلىمي جانە وندىرىستىك ورتالىقتارىندا تاعىلىمدامادان وتۋگە جىبەرىلەتىن 76 ۇمىتكەرگە تاعايىندالدى.

وتىرىس قورىتىندىسى بويىنشا قر مەملەكەتتىك حاتشىسى گۇلشارا ٴابدىقالىقوۆا «بولاشاق» حالىقارالىق ستيپەندياسىن ىسكە اسىرۋدى ودان ٴارى جالعاسىرۋ جونىندە ٴبىرقاتار تاپسىرما بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي