BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باياناۋىلداعى مۇسا شورمانوۆتىڭ كەسەنەسى قىركۇيەك ايىندا اشىلادى

فوتو: автордан

پاۆلودار وبلىسىندا قازاقتىڭ دارا تۇلعالارىنا ارنالعان قاسيەتتى ورىنداردىڭ قاتارى باياناۋىل دۋانىنىڭ اعا سۇلتانى، اعارتۋشى، ەتنوگراف مۇسا شورمانوۆتىڭ كەسەنەسىمەن تولىقپاق. نىسان ەل ازاماتىنىڭ 200 جىلدىعىنا وراي قىركۇيەك ايىندا ايشىلادى، دەپ حابارلايدى baq.kz اگەنتتىگىنىڭ ٴتىلشىسى.

ايتا كەتەيىك، ساتبايەۆ اۋىلدىق وكرۋگى اقكەلىن تاۋىنىڭ بايراۋىندا بوي كوتەرەتىن مۇسا شورمانوۆ كەسەنەسىمەن ماڭعىستاۋ وبلىسىنان كەلگەن ٴبىر توپ مامان اينالىسىپ جاتىر. بۇگىنگى كۇنگە دەيىن بايان جەرىنە بىرەگەي تابيعي ماتەريالدىڭ 130 تونناسى اكەلىندى.

«ٴبىر عانا دەرەك كەلتىرە كەتەيىن، باياناۋىل اۋدانىنان ۇلتتىق عىلىم اكادەمياسىنىڭ 21 اكادەميگى شىققان. ال سونداي دارا تۇلعالاردىڭ قالىپتاسىۋىنا مۇسا شورمانوۆتاي ازاماتتار اتسالىستى. مۇسا شورمانوۆ – ابىلاي حاننىڭ اقىلشىسى بولعان بۇقار جىراۋدىڭ ۇرپاعى. اعا سۇلتان ەل ازاماتتارىنىڭ كوزى اشىلسىن، ٴبىلىم السىن دەگەن ماقساتپەن باياناۋىلدىق جاستاردى الىس-جاقىن شەت مەملەكەتتەرگە جىبەرىپ وتىردى. ٴوزى باسقارعان ٴار بولىستىڭ باسشىسىنا «ٴبىر-بىر بالا وقىتاسىڭ دەپ» سالىق سالعانداي بۇيرىق بەرىپ، ورىندالۋىن قاداعالاپ وتىرعان. يگى ٴىستىڭ ارقاسىندا قازاق ەلىنىڭ ماقتانىشى قانىش ساتبايەۆ باستاعان اكادەميكتەر شوعىرى قالىپتاستى. بۇل – تاڭقالارلىق دۇنيە!» - دەيدى قۇرىلىس جۇمىستارىنىڭ باسى-قاسىندا جۇگەن قوعام قايراتكەرى التىنبەك نۇح ۇلى.

قازىرگى ۋاقىتتا باياناۋىل وكرۋگىنىڭ اعا سۇلتانى، بي، شەشەن، اعارتۋشى مۇسا شورمانوۆ كەسەنەسىنىڭ قۇرىلىسى قىزۋ. اقتاۋ وڭىرىنەن اكەلىنگەن ۇلۋتاستان سالىناتىن نىسان قۇرىلىسىنىڭ 50%-ى اياقتالدى. كەسەنەنىڭ بيىكتىگى 9 مەتر بولماق.

جوبا بويىنشا مۇسا شورمانوۆ جەرلەنگەن زيراتتىڭ ماڭايى رەتكە كەلتىرىلىپ، اباتتاندىرىلماق. سونىمەن قاتار، مۇسا شورمانوۆتىڭ تۇرعان ٴۇيىنىڭ ورنى مەن ەرتىس-بايان وڭىرىندەگى العاشقى 1903 جىلى اشىلعان ورىس-قازاق مەكتەبىنىڭ ورنىنا جانە مۇسانىڭ بالاسى - اقىن ٴسادۋاقاس شورمانوۆتىڭ باسىنا دا قۇلپىتاس قويۋ جوسپارلانۋدا. ماماندار قارجى جاعى شەشىلسە، شورمان اۋلەتىنە ارنالعان مۋزەي اشۋ دا كوزدەلۋدە

ايتا كەتەيىك، بۇگىندە ٴوڭىر حالقى ەسىمدەرى قازاق دالاسىنا ٴماشھۇر بولعان تۇلعالاردىڭ مەرەيتويلارىن اتاپ وتۋدە. بۇقار جىراۋدىڭ - 350، مۇسا شورمانوۆتىڭ - 200، ٴماشھۇر ٴجۇسىپ كوپەەۆتىڭ 160 جىلدىعى مەن سۇلتانماحمۇت تورايعىروۆتىڭ 125 جىلدىق مەرەيتويى كەڭىنەن تويلانادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي