BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋىلدى كوركەيتۋگە ارنالعان جول كارتاسى ازىرلەنەدى

فوتو: Нұр Отан партиясының баспасөз қызметі

استانا، baq.kz ٴتىلشىسى. مەملەكەت باسشىسىنىڭ «رۋحاني جاڭعىرۋ» باعدارلاماسىنا «اۋىلىم – التىن بەسىگىم» اتتى جاڭا باعىت ەنگىزىلىپ، جول كارتاسى ازىرلەنەدى. بۇل تۋرالى قوعامدىق دامۋ ٴمينيسترى دارحان كالەتايەۆ استانادا ٴوتىپ جاتقان «نۇر وتان» پارتياسى باستاۋىش ۇيىمدارىنىڭ رەسپۋبليكالىق فورۋمىندا مالىمدەدى.

«رۋحاني جاڭعىرۋ» باعدارلاماسىن مەملەكەت باسشىسى جاريالاعان بولاتىن. باعدارلامانىڭ باستى ميسسيالارى رەتىندە قوعامدىق سانانىڭ جاڭعىرۋى بەلگىلەنگەن. اتالمىش ميسسيانى باسەكەگە قابىلەتتىلىك، پراگماتيزم، ۇلتتىق بىرەگەيلىكتى ساقتاۋ، ٴبىلىم كۋلتى، قازاقستاننىڭ ەۆوليۋسيالىق دامۋى مەن سانانىڭ اشىقتىعى باعىتتارى ارقىلى ىسكە اسىرۋ بەكىتىلگەن. جاڭا باستاما بويىنشا، باعدارلامانىڭ جەتىنشى باعىتى - «اۋىلىم – التىن بەسىگىم» دەگەن باعىت ەنگىزىلەيىن دەپ وتىر. وسى باعىتتىڭ ەڭ باستى جۇرگىزۋشىسى دە، ۇكىمەتپەن بىرگە جۇزەگە اسىرۋشىسى دا – «نۇر وتان» پارتياسى بولا الا الادى سەنىمدەمىن. ٴبارىمىز دە اۋىلدان شىققاننان كەيىن ول جاقتاعى پروبلەمالاردىڭ ٴبارىن بىلەمىز. قازىرگى تاڭدا اۋىل شارۋاشىلىعى مينيسترلىگى «اۋىلىم – التىن بەسىگىم» باعىتىنا بايلانىستى كوپتەگەن شارالاردى دايىنداپ جاتىر. سوندىقتان، وسى «اۋىلىم – التىن بەسىگىم» بويىنشا ارنايى جول كارتاسى بولادى. سول كارتانى پارتيانىڭ ٴوزى قاداعالاپ، جۇمىس ىستەۋگە تولىق مۇمكىندىگى بار»، - دەدى دارحان كالەتايەۆ.

ەسكە سالا كەتسەك، استانادا كونگرەس-ورتالىقتا «نۇر وتان» پارتياسىنىڭ باستاۋىش ۇيىمدارىنىڭ رەسپۋبليكالىق فورۋمى ٴوتىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي