«اتالار ميراسى» – تۇركى دۇنيەسىن تۇگەندەيتىن بىردەن-بىر جوبا - رۋحاني جاڭعىرۋ|27 قاراشا 2017، 17:26
كۋرسى ۆاليۋت وبنوۆليايۋتسيا
استانا:

«اتالار ميراسى» – تۇركى دۇنيەسىن تۇگەندەيتىن بىردەن-بىر جوبا

فوتو: Нұржас Жақсыбай

تۇركى اكادەمياسى حالىقارالىق ۇيىمى (twesco) بۇگىن استاناداعى ۇلتتىق اكادەميالىق كىتاپحانادا «اتالار ميراسى» مۋلتيمەديالىق قورىنىڭ تانىستىرىلىمىن وتكىزدى، دەپ حابارلايدى baq.kz اقپارات اگەنتتىگى.

قازاقستاننىڭ جانە شەتەلدىڭ ۇلتتىق عىلىم اكادەميالارى، ىرگەلى عىلىمي-زەرتتەۋ ينستيتۋتتارى مەن ديپلوماتيالىق ميسسيا باسشىلارى، بەلگىلى مەملەكەت جانە قوعام قايراتكەرلەرى مەن تۇركىتانۋشى-عالىمدار قاتىسقان جيىندا twesco باسشىسى دارحان ٴقىدىرالى جوبانىڭ ماڭىزدىلىعى جايلى ايتتى.

«2015 جىلعى ٴ11-شى قىركۇيەكتە استانا قالاسىندا وتكەن تۇركى كەڭەسىنىڭ v سامميتىندە قازاقستان باسشىسى ن. نازاربايەۆ تۇگەل تۇركىنىڭ رۋحاني مۇراسىن جيناپ، ناسيحاتتايتىن ورتاق جوبا باستاۋدى تاپسىرعان بولاتىن. «اتالار ميراسى» (atalarmirasi.org) - سول تاپسىرما ناتيجەسىندە جۇزەگە اسقان ىرگەلى جوبا»، - دەيدى دارحان ٴقىدىرالى.

twesco تاراپىنان دايىندالعان مۋلتيمەديالىق قوردا الەمدەگى تۇركىتىلدەس حالىقتاردىڭ، ۇلىستار مەن ەتنيكالىق توپتاردىڭ ەجەلگى زاماننان بۇگىنگە دەيىنگى رۋحاني مۇرالارى توپتاسقان. ولار جالپى مالىمەت، عىلىمي زەرتتەۋلەرى، ٴتۇپنۇسقالىق ترانسكريپسياسى، اۋدارماسى مەن فوتوسۋرەتى، فاكسيميلەسى قاتار ۇسىنىلىپ وتىر. پورتال اعىلشىن، قازاق، ورىس جانە تۇرىك تىلدەرىندە دايىندالعان. دەرەكتەر تاقىرىبىنا قاراي - تۇرىك حالىقتارىنىڭ جازۋ تاريحى;

ەجەلگى جازبا مۇرالارى;

كونە تۇرىك بىتىك جازۋلارى;

حالىق قازىناسى;

ورتاق جازبا ادەبيەت نۇسقالارى;

ۇلتتىق ادەبيەت ۇلگىلەرى;

ارحەولوگيالىق ەسكەرتكىشتەر;

ەتنوگرافيالىق جادىگەرلەر جانە گازەت-جۋرنالدار اتتى نەگىزگى 9 بولىمگە جيناقتالعان.

اكادەميا پورتالدى عىلىمي تانىمدىق اقپاراتتارمەن ۇدايى تولىقتىرىپ وتىرماق.

ايتا كەتۋ كەرەك، قاتىسۋشىلار تاراپىنان وڭ باعالانعان پورتالدىڭ تانىستىرىلىمى قر تۇڭعىش پرەزيدەنتى كۇنىنە وراي ۇيىمداستىرىلعان «تۇركى الەمىندە رۋحاني جاڭعىرۋ: تاريح. تانىم. تۇلعا» كونفەرەنسياسى اياسىندا ٴوتتى.

سونىمەن بىرگە، القالى شارادا قالىڭ كوپشىلىككە «تۇركى بارومەترى» جوباسى مەن مەن ونىڭ العاشقى زەرتتەۋ ناتيجەلەرى ۇسىنىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي