استانادا مۇمكىندىگى شەكتەۋلى جاندار ماراپاتتالدى - رۋحاني جاڭعىرۋ|24 قاراشا 2017، 12:34
كۋرسى ۆاليۋت وبنوۆليايۋتسيا
استانا:

استانادا مۇمكىندىگى شەكتەۋلى جاندار ماراپاتتالدى

فوتو: Нұржас Жақсыбай

astana music hall-دا حالىقارالىق مۇگەدەكتەر كۇنى قارساڭىندا مۇمكىندىگى شەكتەۋلى ادامداردى «جان شۋاق» قوعامدىق سىيلىعىمەن ماراپاتاۋدىڭ ح مەرەيتويلىق ٴراسىمى ٴوتتى، دەپ حابارلايدى baq.kz اقپارات اگەنتتىگى.

ٴىس-شارا «نۇر وتان» پارتياسىنىڭ «كەدەرگىسىز كەلەشەك» جوباسى جانە «رۋحاني جاڭعىرۋ» قوعامدىق سانانى جاڭعىرتۋ باعدارلاماسىنىڭ اياسىندا اتقارىلدى.

بۇل پروسەسستەردە ۋاكىلەتتى مەملەكەتتىك ورگاندارمەن جانە ۇكىمەتتىك ەمەس ۇيىمدارمەن بىرلەسە جۇيەلى تۇردە ەرەكشە قاجەتتىلىكتەرى بار ازاماتتاردىڭ بەلسەندى ومىرگە اپارار جولىنداعى كەدەرگىلەردى جويۋعا باعىتتالعان «كەدەرگىسىز كەلەشەك» - «بۋدۋششەە بەز بارەروۆ» پارتيالىق جوباسىن جۇزەگە اسىرىپ جاتقان «نۇر وتان» پارتياسىنىڭ ٴرولى ايتارلىقتاي ماڭىزدى.

"10 جىل ىشىندە قازاقستاننىڭ تۇكپىر-تۇكپىرىنەن، سونىمەن بىرگە گەرمانيا، بولگاريا، پولشا، رەسەي سياقتى الىس جانە تاياۋ شەتەلدەردەن 60-تان استام ادام سىيلىق يەگەرى اتاندى. ولاردىڭ بارلىعى تالانتتى جانە تالاپكەر ادامدار. اكسيا ادامنىڭ جەكە الەۋمەتتىك-قوعامدىق ماڭىزى بار جولىن اشۋعا، كورەرمەنگە جانە بۇكىل الەمگە بەت بۇرۋعا بىرەگەي مۇمكىندىك بەرەتىنىن، دەنساۋلىعىنا قاراماستان، ٴومىر باقىتتى عۇمىر كەشۋ ٴۇشىن بەرىلگەنىن وزدەرىنىڭ ۇلگىلەرىمەن دالەلدەيدى. ولاردىڭ ٴارقايسىسى قازىرگى زامانعى ٴومىر ٴسۇرۋدىڭ بەلگىسىز، قيىن جاعدايلارىنا بەيىمدەلۋدىڭ ەڭ قيىن جولدارىن ەڭسەرگەن. وسىنداي ٴىس-شارالاردىڭ ارقاسىندا مۇمكىندىكتەرى شەكتەۋلى ادامدار بىرتە-بىرتە تابىستى ٴارى قارجىلاي تاۋەلسىز، ٴبىر سوزبەن ايتقاندا، الەۋمەتتىك وزگەرىستەردىڭ تولىققاندى قاتىسۋشىلارى بولادى "نۇر وتان" پارتياسى ەلىمىزدىڭ كەز كەلگەن ازاماتىن قولداۋعا ٴازىر" - دەدى «نۇر وتان» پارتياسىنىڭ حاتشىسى فارحات قۋانعانوۆ.

«جان شۋاق» قوعامدىق سىيلىعىن رەسپۋبليكالىق «قازاقستاننىڭ مۇگەدەكتەر كونفەدەراسياسى» قوعامدىق بىرلەستىگى بەلگىلەگەن. اكسيانىڭ قۇرىلتايشىسى جانە يدەيالىق شابىتتاندىرۋشىسى بىرلەستىكتىڭ نەگىزىن قالاۋشى يران وماربەكوۆ بولعان. «جان شۋاق» سىيلىعى مادەنيەت، سپورت، ۆوكالدىق-ينسترۋمەنتالدىق ورىنداۋ، قولدانبالى ونەر، قوعامدىق قىزمەت، اربامەن بي بيلەۋ، سونداي-اق مۇگەدەكتىگى بار ادامداردىڭ ٴومىر ساپاسىن جاقسارتۋعا ۇلەس قوسقان ادامدارعا بەرىلەدى.

"سىزدەر ەشكىمنەن دە كەم ەمەسسىزدەر. بيلەگىلەرىڭىز كەلسە بيلەڭىزدەر، ٴان سالامىن دەسەڭىزدەر ٴان سالىڭىزدار، قالاعاندارىڭىزدى جاساۋعا بولادى. ٴبىز تەك سىزدەردى قولداۋعا ٴازىرمىز! مۇمكىندىگى شەكتەۋلى بالالارعا دا ٴبىز تۇراقتى كوڭىل ٴبولىپ كەلەمىز. دەپۋتات رەتىندە قولىمنان كەلگەننىڭ بارلىعىن جاسايمىن. سىزدەر بىزگە ٴومىر ٴسۇرۋدىڭ قانداي بولاتىنىن، ومىردەن ٴوز ورىنىن تابۋدىڭ قانداي بولاتىنىن كورسەتتىڭىزدەر" - دەدى ٴماجىلىس دەپۋتاتى زاعيپا باليەۆا.

ٴىس-شاراعا، قر پارلامەنتى ٴماجىلىسىنىڭ دەپۋتاتتارى، پارتيانىڭ «كەدەرگىسىز كەلەشەك» پارتيالىق جوباسىن ىسكە اسىرۋداعى سەرىكتەستەرى، ەلدىڭ بارلىق ايماقتارىنان كەلگەن، جوبا اياسىندا پارتيا تاراپىنان ناقتى كومەك العان ەرەكشە قاجەتتىلىكتەرى بار ازاماتتار، سونىڭ ىشىندە بۇگىنگى سىيلىقتىڭ يەگەرلەرى قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي