BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا "كوشپەندىلەر əلەمى" ەتنوفەستيۆالى ٴوتىپ جاتىر

فوتو: Бауыржан Жуасбаев

بۇگىن ەلورداداعى ەتنواۋىلدا "كوشپەندىلەر əلەمى" حالىقارالىق كوشپەندىلەر مادەنيەتىنىڭ فەستيۆالى باستالدى، دەپ حابارلايدى baq.kz ٴتىلشىسى.

فەستيۆال ۆەنگريا، بولگاريا، تۇركيا، ۋكراينا، رەسەي (باشقۇرتستان، ياكۋتيا)، قىرعىزستان مەن قازاقستان وكىلدەرىنىڭ جانە "قازاقستان بارىسى"، "كوكپار"، "اۋدارىسپاق"، "جامبى اتۋ" سەكىلدى ۇلتتىق سپورت تۇرلەرىنەن قازاقستان چەمپيوناتىنا قاتىسۋشىلاردىڭ سالتاناتتى شەرۋىمەن باستالدى.

"الدا كەلە جاتقان ەلوردامىزدىڭ 20-جىلدىق مەرەيتويى قۇتتى بولسىن. بيىل مەرەكە اياسىندا كوپتەگەن ٴىرى - ٴىرى مادەني - ەكونوميكالىق، سپورت شارالارى وتەدى. بۇگىن باستالعان "كوشپەندىلەر əلەمى" وسى 20-جىلدىق جəنە "رۋحاني جاڭعىرۋ" باعدارلاماسى اياسىندا ۇيىمداستىرىلىپ وتىرعان ەرەكشە سالتاناتى بار، مəن-ماعىناسى وتە تەرەڭ شارالاردىڭ ٴبىرى بولادى دەپ ويلايمىز"، - دەدى استانا قالاسى əكىمىنىڭ ورىنباسارى ەرمەك امانشايەۆ.

ەكى كۇنگە جالعاساتىن ەتنوفەستيۆالدىڭ العاشقى كۇنىندە قازاقستان، ۆەنگريا، بولگاريا، باشقۇرتستان مەن تۇركيا كوماندالارى كۇنى بويى ونەر كورسەتەدى.

فەستيۆال ۇيىمداستىرىلعان اۋماق 7 اۋىلعا بولىنگەن. مۇندا جاۋجۇرەك ساربازدار، ساداقشى مەرگەندەر، ات قۇلاعىندا وينايتىن شاباندوزدار، مۋزىكانتتار جəنە قولونەر شەبەرلەرى ونەر كورسەتىپ جاتىر. ولار سان ٴتۇرلى قويىلىمدار قويىپ، ۇلتتىق ويىندار ويناپ، اس əزىرلەپ، كورەرمەندەردى ٴتانتى ەتۋدە.

سونداي - اق، فەستيۆال اياسىندا "kazakh tourism" ۇك" اق مەن "qazaqgeography" رقب اراسىندا ٴوزارا ىنتىماقتاستىق تۋرالى مەموراندۋمعا قول قويىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي