BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا كوشپەلى مۇراجايلاردىڭ كورمەسى اشىلادى

فوتو: 24.kz

2018 جىلعى 27 ماۋسىم كۇنى ساعات 15.00-دە قازاقستان رەسپۋبليكاسىنىڭ ۇلتتىق مۋزەيىندە الماتى جانە شىعىس قازاقستان وبلىستارى مۇراجايلارىنىڭ كورمەسىنىڭ اشىلۋى وتەدى. اتالعان كورمە «وتكەندى ەسكە الۋ – بولاشاققا جول» اتتى وڭىرلەر مۇراجايلارىنىڭ كوشپەلى كورمەلەرى» جوباسى اياسىندا وتكىزىلەدى، دەپ حابارلايدى baq.kz اقپارات اگەنتتىگى.

ەكسپوزيسيالاردى م. تىنىشپايەۆ اتىنداعى الماتى وبلىستىق تاريحي-ولكەتانۋ مۇراجايى جانە ونىڭ فيليالدارى، سونداي-اق، ابايدىڭ «جيدەباي-بورىلى» مەملەكەتتىك تاريحي-مادەني جانە ادەبي-مەموريالدىق قورىق-مۇراجايى (سەمەي ق.) دايىنداعان.

الماتى وبلىسىنىڭ مۇراجاي قورلارىنىڭ ماتەريالدارى ىشىندە ەلباسى ن.ٴا. نازاربايەۆتىڭ، مۇحامەدجان تىنىشپايەۆتىڭ، شوقان ٴۋاليحانوۆتىڭ، جامبىل جابايەۆتىڭ، ٴسۇيىنباي ارون ۇلىنىڭ، ٴىلياس جانسۇگىروۆتىڭ، مۇقاعالي ماقاتايەۆتىڭ، مۇقان تولەبايەۆتىڭ، دىنمۇحامەد قونايەۆتىڭ جانە باسقا دا اڭىزعا اينالعان تۇلعالاردىڭ ٴومىرى مەن قىزمەتىنە بايلانىستى بىرەگەي ەكسپوناتتارى ۇسىنىلعان. كورمە «جەتىسۋدىڭ 20 مۇراجايى» دەپ اتالادى.

وسى جىلى كومپوزيتور، فيلوسوف، اقىن شاكارىم قۇدايبەردى ۇلىنىڭ تۋعانىنا 160 جىل تولادى. اقىننىڭ جانە ونىڭ ۇستازى اباي قۇنانبايەۆتىڭ ٴومىرى مەن شىعارماشىلىعىمەن شىعىس قازاقستان وبلىسىنىڭ « ۇلى تۇلعالار ۇندەستىگى» اتتى كورمەسى تانىستىرادى. كورمەدە اباي مەن شاكارىمنىڭ كوپ قىرلى الەمىن اشاتىن باعالى ەكسپوناتتارى قويىلعان. كورمەنىڭ ارنايى ٴبولىمىن 1885 جىلى ابايدىڭ سەمەي قالاسىنداعى ولكەتانۋ مۇراجايىنا تاپسىرعان قازاق حالقىنىڭ تۇرمىستا قولدانىلاتىن زاتتارى قۇرايدى.

«وتكەندى ەسكە الۋ – بولاشاققا جول» اتتى وڭىرلەر مۇراجايلارىنىڭ كوشپەلى كورمەلەرى» جوباسى استانا قالاسىنىڭ اكىمى اسەت يسەكەشەۆتىڭ باستاماسىمەن ەلوردانىڭ 20 جىلدىعىنا ارنالعان جانە «رۋحاني جاڭعىرۋ» باعدارلاماسى اياسىندا جۇزەگە اسىرىلعان. جوبانىڭ ماقساتى رەسپۋبليكا وڭىرلەرىنىڭ تاريحىن جانە مادەنيەتىن زەرتتەۋ; قازاقستاننىڭ تاريحي تۇلعالارىنىڭ ٴومىرى مەن شىعارماشىلىعىمەن تانىسۋ; قازاقستان قوعامىنىڭ رۋحاني دامۋى. جوباعا رەسپۋبليكانىڭ 6 وڭىرىنەن (سولتۇستىك قازاقستان، اقمولا، قاراعاندى، پاۆلودار، الماتى، شىعىس قازاقستان وبلىستارى) 30-دان استام مۇراجايلارى قاتىستى.

الماتى جانە شىعىس قازاقستان وبلىستارى مۇراجايلارىنىڭ كورمەلەرى 8 شىلدەگە دەيىن جالعاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي