استانادا كارىم ٴماسىموۆتىڭ توراعالىعىمەن qazaqgeography كەڭەسىنىڭ وتىرىسى ٴوتتى - رۋحاني جاڭعىرۋ|09 جەلتوقسان 2017، 18:15
كۋرسى ۆاليۋت وبنوۆليايۋتسيا
استانا:

استانادا كارىم ٴماسىموۆتىڭ توراعالىعىمەن qazaqgeography كەڭەسىنىڭ وتىرىسى ٴوتتى

استانادا كارىم ٴماسىموۆتىڭ توراعالىعىمەن qazaqgeography قامقورشىلىق كەڭەسىنىڭ كەڭەيتىلگەن وتىرىسى ٴوتتى، دەپ حابارلايدى baq.kz اقپارات اگەنتتىگى.

وتىرىس بارىسىندا qazaqgeography كەڭەسىنىڭ 2017 جىلعى اتقارعان جۇمىستارى جونىندە اتقارۋشى ديرەكتور جانا رۇستەم، مەديا كەڭەس ٴتوراعاسى ەرجان باباقۇماروۆ جانە باسقارۋشى كەڭەسىنىڭ ٴتوراعاسى قانات بايعارين بايانداما جاسادى.

جانا رۇستەمنىڭ ايتۋىنشا، qazaqgeography ٴ2017-شى جىلى 19 اۋقىمدى شارا وتكىزگەن. ولاردىڭ اراسىندا باتىس قازاقستاننىڭ كيەلى جەرلەرىنە جاسالعان «كيەلى قازاقستان» ەكسپەديسياسى، «حان قورىق» جاستار فەستيۆالى، سايرام-سۋداعى حالىقارالىق مادەني-ەتنيكالىق «ەتنوارتفەست» فەستيۆالى جانە باسقالارى بار.

شەتەلدىك سەرىكتەستەرمەن بىرلەسىپ، قوعام تۇران جولبارىسىن، پرجەۆالسكيي جىلقىسىن قايتا جەرسىندىرۋ بويىنشا كەشەندى جۇمىستى جالعاسۋدا. اعىمداعى جىلدىڭ 15 ماۋسىمىندا «ايرىقشا قورعالاتىن تابيعي اۋماقتار تۋرالى» زاڭعا تابيعاتتا جوعالىپ بارا جاتقان جانۋارلار تۇرلەرىن قىزىل كىتاپقا ەنگىزۋ مۇمكىندىگى جونىندە وزگەرتۋلەر ەنگىزىلدى.

سونىمەن قاتار، « ۇلىتاۋ» مەملەكەتتىك ۇلتتىق تابيعي پاركىن قۇرۋ جانە ىلە الاتاۋىندا شاعىن توپتار ٴۇشىن سونىڭ ىشىندە مۇمكىندىگى شەكتەۋلى جاندار ٴۇشىن العاشقى قولجەتىمدى تۋريستىك سۇرلەۋلەر سالۋ بويىنشا جۇمىستار جۇرگىزىلىپ جاتىر.

ەرجان باباكۇماروۆ ٴوز سوزىندە qazaqgeography مەديا كەڭەسىنىڭ نەگىزگى مىندەتىنە توقتالدى. ول قازاقستان گەگرافيالىق قوعامى برەندىن كەزەڭ-كەزەڭىمەن قالىپتاستىرۋ جانە ونىڭ تانىمالدىعىن ارتتىرۋ، اقپاراتتىق جانە اعارتۋشىلىق قىزمەتتى ۇيلەستىرۋ بولماق.

بيىلعى جىلى qazaqgeography مەملەكەت باسشىسى «رۋحاني جاڭعىرۋ» باعدارلامالىق ماقالاسىندا العا قويعان مىندەتتەردى جۇزەگە اسىرۋ جۇمىستارىنا اتسالىسۋدا.

«ٴبىز «تۋعان جەر» جانە «قازاقستاننىڭ قاسيەتتى گەوگرافياسى» جوبالارىنا ايرىقشا نازار اۋدارىپ وتىرمىز. وتانعا دەگەن سۇيىسپەنشىلىك، ونىڭ گەوگرافياسىن، ٴاربىر قازاقستاندىققا كيەلى سانالاتىن مەكەندەردى تەرەڭ تانىتۋ ارقىلى پاتريوتيزمگە ۇندەۋ - گەوگرافيالىق قوعامنىڭ ماقساتى»، - دەدى مەديا كەڭەستىڭ ٴتوراعاسى.

جۇمىستى قورىتىندىلاي كەلە ەرجان باباقۇماروۆ جۇزەگە اسىرىلعان ٴبىرقاتار مەديا جوبالارعا توقتالىپ ٴوتتى. سونىمەن قاتار، الداعى جىلعا جوسپارلانعان جۇمىستار تۋرالى باياندادى.

باسقارۋ كەڭەسىنىڭ ٴتوراعاسى قانات بايعارين اتقارىلعان جۇمىستار تۋرالى ايتا كەلە qazaqgeography جابايى تابيعات قورى، سونداي-اق، رەسەيدىڭ، اقش پەن قىتايدىڭ گەوگرافيالىق قوعامدارى سياقتى حالىقارالىق ۇيىمدارمەن ىنتىماقتاستىقتى جالعاستىراتىنىن مالىمدەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي