BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«استانا - پاريج» ۆەلومارافونىنا قاتىسۋشىلار تاتارستانعا كەلدى

«استانا - پاريج» ۆەلوسيپەد جارىسىنىڭ قاتىسۋشىلارى «شەكتەۋسىز سپورت» الەۋمەتتىك جوباسى اياسىندا تاتارستانعا كەلدى، دەپ حابارلايدى baq.kz اقپارات اگەنتتىگى رەسەيدەگى قازاقستان ەلشىلىگىنە سىلتەمە جاساپ.

ۆەلومارافون «رۋحاني جاڭعىرۋ» باعدارلاماسى اياسىندا «اناشىم» كوزى كورمەيتىن مۇگەدەك بالالار مەن جاستارعا كومەك كورسەتۋ قورى» جانە قازاقستاندىق «ەل تىرەگى» شاعىن جانە ورتا بيزنەس قاۋىمداستىعىنىڭ قولداۋىمەن وتكىزىلۋدە. زاعيپ جانە ناشار كورەتىن سپوتشىلاردان جاساقتالعان كوماندا التى ەلدىڭ 30 قالاسىن بىرىكتىرىپ، 5 مىڭ شاقىرىم جولدان وتەدى. ولاردىڭ قاتارىندا قازاقستان، رەسەي، بەلارۋس، پولشا، گەرمانيا جانە فرانسيا ەلدەرى بار.

«شەكتەۋسىز سپورت» جوباسىنىڭ جانە ۆەلومارافوننىڭ ۇيىمداستىرۋشىلارىنىڭ ٴبىرى دانيار بازاربەك وسىدان ٴۇش جىل بۇرىن جوباعا ەڭ العاش اعاسى مەن بىرنەشە مەكتەپ كەزىندەگى دوستارى قاتىسقانىن ايتتى. العاشقى ۆەلومارافون 2016 جىلى الماتى مەن استانانىڭ اراسىندا وتكەن. ودان كەيىنگى مارافون حالىقارالىق دەڭگەيگە كوتەرىلىپ، ۆەلوكوماندا الماتىدان ىستىقكولگە بارعان. بيىل جوبا قاتىسۋشىلارى ٴىرى ۆەلوچەمپيوناتتاردىڭ وتانى - فرانسيا ەلىن باعىندىرۋعا بەل بۋعان.

زاعيپ جاندار ۆەلوتاندەمدە قوزعالادى، ياعني رۋلگە كوزى كورەتىن پيلوت وتىرادى، ال ەكىنشى ورىنداعى ادامدى «ستوكەر» دەپ اتايدى. جوبا باستالعالى بەرى ونىڭ قاتىسۋشىلارى ٴار اپتا سايىن جاتتىعۋدى ادەتكە اينالدىرعان. قازىرگى تاڭدا ستوكەرلەر مەن ولاردىڭ پيلوتتارى ٴبىر ٴبىرىن ۆەلوسيپەدتىڭ قيمىلىنان-اق تۇسىنەتىن بولعان.

«جارىس كەزىندە ستوكەرلەر قانداي دا ٴبىر قيىندىقتارعا دۋشار بولمايدى. سەبەبى پيلوتتار مارافوننىڭ باسىنان اياعىنا دەيىن كومەكتەسىپ جۇرەدى. مىسالى، ايالداما بولسا، ۆەلوسيپەدتەردى توقتاتىپ قويادى، ستوكەرگە قاجەت بولسا، سۋىن بەرەدى، سونداي-اق ەشقاشان ٴقاۋىپتى جەردە جالعىز قالدىرمايدى. پيلوت - ستوكەردىڭ جاردەمشىسى، سوندىقتان وعان كومەك كەرەك بولعان جاعدايدا جالعىز قالىپ قويۋى مۇمكىن ەمەس»، - دەدى دانيار بازاربەك.

«شەكتەۋسىز سپورت» جوباسىنىڭ قاتىسۋشىلارى «ماقسات باردا - كەدەرگىگە جول جوق» ۇرانىمەن جۇرەدى. ولار مارافوندارى ارقىلى باسقا دا ادامداردى ىنتالاندىرۋعا تىرىسادى. ساياحات بارىسىندا قاتىسۋشىلارعا وزگە ۆەلوسيپەدشىلەر كەلىپ قوسىلىپ، ولارمەن بىرگە 50 نەمەسە ودان دا كوپ شاقىرىم جولدى ٴجۇرىپ وتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي