اسانوۆ «رۋحاني جاڭعىرۋ» باعدارلاماسى كەڭسەسىنىڭ اقپاراتتىق سەسسياسىنا قاتىستى - رۋحاني جاڭعىرۋ|05 جەلتوقسان 2017، 20:36
كۋرسى ۆاليۋت وبنوۆليايۋتسيا
استانا:

اسانوۆ «رۋحاني جاڭعىرۋ» باعدارلاماسى كەڭسەسىنىڭ اقپاراتتىق سەسسياسىنا قاتىستى

باس پروكۋراتۋرادا «بولاشاققا باعدار: رۋحاني جاڭعىرۋ» مەملەكەتتىك باعدارلاما كەڭسەسىنىڭ ٴبىرىنشى اقپاراتتىق سەسسياسى ٴوتتى، دەپ حابارلايدى baq.kz اقپارات اگەنتتىگى.

باس پروكۋرور جاقىپ اسانوۆ ٴوزىنىڭ العى سوزىندە ەلباسىنىڭ باعدارلامالىق ماقالاسىنىڭ نەگىزگى اسپەكتىلەرىنە توقتالدى.

"قوعامدىق سانانى جاڭعىرتۋ بارىسىندا قويىلعان تاپسىرمالاردى ٴتيىمدى جۇزەگە اسىرۋ ٴۇشىن جوبالىق باستامانى ەنگىزۋ ماڭىزدى. پروكۋراتۋرا ورگاندارى جۇمىسىنا جوبالىق مەنەدجمەنتتىڭ دامۋىنا قوسقان ۇلەسى ٴۇشىن قازاقستان رەسپۋبليكاسى پرەزيدەنت اكىمشىلىگىنىڭ مەملەكەتتىك ينسپەكتورى – جوبالىق كەڭسەنىڭ باسشىسى ارمان ەۆنيەۆكە العىس بىلدىرەمىن" - دەدى باس پروكۋرور.

باعدارلامانىڭ ىسكە اسىرۋ شەڭبەرىندە اتقارىلىپ جاتقان شارالار مەن اتالعان قۇجاتتىڭ باعىتتارىن ودان ٴارى ناقتىلى جۇزەگە اسىرۋ بارىسىن ارمان ەۆنيەۆ، ٴماجىلىس دەپۋتاتى يرينا سميرنوۆا، «ەل تىرەگى» ىشكى باعدارلاماسىنىڭ اكىمشىسى اسقار كەرەەۆ پەن «قازىنا» ىشكى باعدارلاماسىنىڭ مەنەدجەرى گاۋحار تاسبەرگەنوۆا باياندادى.

شارانىڭ قورىتىندىسى بويىنشا سپيكەرلەر ٴوزارا پىكىر الماسىپ، ەلباسى ماقالاسىن ناسيحاتتاۋ جۇمىسى ٴوز جالعاسىن تاباتىندىعىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي