BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا «تۋعان جەر» جاستار لاگەرى اشىلدى

فوتو: ашық дереккөзден

الماتى ىرگەسىندە «بولاشاققا باعدار: رۋحاني جاڭعىرۋ» باعدارلاماسى اياسىندا ٴبىلىمدى ٴارى ونەرلى جاستارعا ارنالعان تۋعان جەر» لاگەرى ٴوز جۇمىسىن باستادى، دەپ حابارلايدى baq.kz اقپارات اگەنتتىگى.

دەمالىس ورنىندا 150 بالا 5 كۇن بويى تىنىعىپ قانا قويماي، ٴتۇرلى ترەنينگتەرگە قاتىسىپ، شىعارماشىلىقتارى مەن وي-ورىستەرىن شىڭداي تۇسەدى. تاۋ بوكتەرىندە ورىن تەپكەن «تۋعان جەر» لاگەرىنە بەلسەندى ستۋدەنتتەر، مەكتەپ وقۋشىلارى مەن جاڭاشىلدىقتى جانى قالايتىن جاستار جينالدى. ولاردىڭ جان-جاقتى دەمالىسىن قامتاماسىز ەتەتىن قىزىقتى باعدارلاما دايىندالعان.

«دەمالۋشىلارعا ارناپ قىزىقتى جوبالار جاسادىق. ولاردى 30 ادامنان بەس كومانداعا ٴبولىپ، ٴوزارا سايىستار ۇيىمداستىرامىز. لاگەر «تۋعان جەر» دەپ اتالاتىندىقتان، تاريحقا نەگىزدەلگەن جارىستار وتە كوپ بولادى. ولار قيىندىقتارعا توتەپ بەرىپ، ٴوز بىلىمدەرىنە جۇگىنىپ، تۋعان جەرلەرىن قورعاپ قالۋلارى ٴتيىس»، - دەدى جوبا ۇيىمداستىرۋشىسى گۇلنار يگەمبەرديەۆا.

ونىڭ ايتۋىنشا، ٴوتىنىش بىلدىرگەن جاستاردىڭ سانى وتە كوپ بولعان. ارنايى ىرىكتەۋدەن وتكىزىلىپ، 286 ادامنان 150 جاس قانا تاڭداپ الىنعان.

جازعى لاگەردىڭ باعدارلاماسىندا جاستاردىڭ بەلسەندى دەمالىسىنان بولەك ەلىمىزدىڭ تانىمال بيزنەسمەندەرىمەن، اكتەرلەرىمەن جانە سپورتشىلارىمەن كەزدەسۋلەر ۇيىمداستىرىلادى. ٴوزارا پىكىر الماسىپ، وي بولىسەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي