BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى مۋزەيىندە «رۋحاني جاڭعىرۋ زالى» اشىلدى

بۇل زالعا كەلۋشىلەر «قازاقستاننىڭ كيەلى جەرلەرىنىڭ گەوگرافياسى» جوباسىنا ەنگەن، ونىڭ ىشىندە الماتى قالاسى اۋماعىندا ورنالاسقان نىساندار تۋرالى تولىق مالىمەتپەن تانىسا الادى. ولاردىڭ قاتارىندا «تاۋەلسىزدىك تاڭى» مونۋمەنتى، قازىرگى قازاق-بريتان تەحنيكالىق ۋنيۆەرسيتەتى ورنالاسقان عيمارات، ۆوزنەسەن سوبورى، ا. بايتۇرسىن ۇلىنىڭ مۋزەي-ۇيى، «بورالداي ساق قورعاندارى» ارحەولوگيالىق پاركى، رايىمبەك باتىر كەسەنەسى بار، دەپ حابارلايدى baq.kz ٴتىلشىسى.

الماتى قالاسى مۋزەيلەر بىرلەستىگى ديرەكتورىنىڭ دامۋ جونىندەگى ورىنباسارى قايرات تاربايەۆتىڭ ايتۋىنشا، بۇل زال حالىقتىڭ ۇلكەن سۇرانىسىنا يە بولاتىن ەكسپوزيسيا بولادى.

«رۋحان جاڭعىرۋ» باعدارلاماسى بۇل مەملەكەتتىك جانە قوعامدىق ۇيىمداردىڭ تەك قۇجات جۇزىندە ورىندايتىن جوسپارى ەمەس. بۇل تۇتاس ۇلتتىڭ، مەملەكەتتىڭ جاڭا ساپالىق دەڭگەيگە كوتەرىلەتىن ستراتەگيالىق قۇجاتى دەسەم بولادى. سوندىقتان «رۋحاني جاڭعىرۋ» ٴاربىر قازاقستاندىققا تۇسىنىكتى ٴارى قولجەتىمدى بولۋ كەرەك. بۇگىنگى زالعا «100 جاڭا ەسىم» جوباسىنىڭ جەڭىمپازدارى تۋرالى ماعلۇمات قويىلدى. ٴار سالادا كەلەلى جەتىستىكتەرگە قول جەتكىزىپ، ايقىن ازاماتتىق ۇستانىمى مەن بەرەكەلى ىستەرىمەن تانىلعان الماتىلىقتاردىڭ ونەگەسى وسكەلەڭ ۇرپاققا ۇلگى بولارى ٴسوزسىز. تاعى ٴبىر ەكسپوزيسيا بۇل ەلىمىزدىڭ كيەلى جەرلەرىنە ارنالعان. ياعني، الماتى قالاسىندا ورنالاسقان ماڭىزى بار 6 نىسان. سونىمەن قاتار قازاق تىلىنە اۋدارىلعان الەمدىك دەڭگەيدەگى 100 وقۋلىقتىڭ العاشقى ٴ18-ى وسىندا قويىلدى»، - دەيدى ق. تاربايەۆ.

سونىمەن قاتار، ول كەلەشەكتە بۇل زال ٴوزىمىزدىڭ ۇلتتىق جادىگەرلەرىمىزبەن، وتكەن عاسىرلاردان مۇرا بوپ جەتكەن تاريحي ماڭىزى بار دۇنيەلەرمەن تولىعاتىنىن جەتكىزدى.

«ۇلتىمىز العا قاراي دامۋ ٴۇشىن ٴوزىنىڭ وتكەن جولىن بىلگەنى ابزال. سوندىقتان بۇل زال كۇنەن-كۇنگە ۇلتتىق مۇرالارمەن تولىعا تۇسەدى. سونىمەن قاتار «100 جاڭا ەسىم» جوباسى جەڭىمپازدارىنىڭ جۇمىستارى دا قويىلادى. ٴقازىر مۇندا ٴۇش ادامنىڭ جۇمىسى عانا بار»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي