بيىل الماتى قالاسىندا جاس وتباسىلارعا 100 پاتەر بەرىلەدى - رۋحاني جاڭعىرۋ|06 جەلتوقسان 2017، 09:11
كۋرسى ۆاليۋت وبنوۆليايۋتسيا
استانا:

بيىل الماتى قالاسىندا جاس وتباسىلارعا 100 پاتەر بەرىلەدى

الماتى قالاسىنىڭ اكىمى باۋىرجان بايبەك «الماتى — جاستار قالاسى» فورۋمى بارىسىندا اتالعان قالادا جاس وتباسىلارعا 100 پاتەر بەرىلەتىنىن ايتتى، دەپ حابارلايدى baq.kz اقپارات اگەنتتىگى.

باۋىرجان بايبەك 2020 جىلعا دەيىن جاستاردى قولداۋعا باعىتتالعان قالالىق جول كارتاسىنىڭ العاشقى قورىتىندىلارى تۋرالى ايتتى. مۇنىمەن قاتار، ٴارى قاراي اعا بۋىنعا بارىنشا قولداۋ كورسەتەتىندەرىن مالىمدەدى.

«2017 جىلى «الماتى جاستارى» اتتى تۇرعىن ٴۇي ماسەلەلەرىن شەشۋگە باعىتتالعان باعدارلاما جۇزەگە اسىرىلدى. ونىڭ جۇزەگە اسۋىنا جەرگىلىكتى بيۋدجەتتەن 1 ميلليارد تەڭگە بولىنگەن بولاتىن. ەندى 35 جاسقا دەيىنگى الماتىلىقتار پاتەر ساتىپ الۋ ٴۇشىن جەڭىلدىكپەن قارىز اقشا الا الادى. بۇگىنگى تاڭدا 6،6 مىڭ سۇرانىم كەلىپ ٴتۇستى. جىلدىڭ سوڭىنا دەيىن جاس وتباسىلارعا 100 پاتەردىڭ كىلتىن تابىستاۋدى جوسپارلاپ وتىرمىز»، — دەيدى اكىم.

مۇنىمەن قاتار، اتالعان قالادا جاستارعا ارناپ جاتاقحانالار سالۋ ماسەلەسى قاراستىرىلعان ەكەن.

«بۇگىنگى تاڭدا بىرنەشە جوو جانە جەكە كاسىپكەرلەرمەن مەموراندۋمعا قول قويىپ ۇلگەردىك. «رۋحاني جاڭعىرۋ» باعدارلاماسىنىڭ اياسىندا 2 000 ورىندىق ٴتورت جاتاقحانا سالىنىپ بىتۋگە جاقىن قالدى. كەلەسى جىلدان باستاپ 2،4 مىڭ ورىندىق جاتاقحانا سالىنا باستايدى»، — دەيدى اكىم.

2020 جىلعا دەيىن 7 مىڭ ورىندىق 12 جاتاقحانا سالىنباق. وسىعان دەيىن قالا اكىمدىگى مەن «تۇرعىن ٴۇي قۇرىلىس جيناق بانكى» بىرىگىپ 35 جاسقا دەيىنگى جاستارعا ارناپ ٴۇي سالاتىندارى تۋرالى حابارلادى. 10 ملن تەڭگەگە دەيىنگى اقشانى جاس وتباسىلار جىلىنا 5 پايىز جەڭىلدىكپەن الادى. نەسيە تولەۋشىنىڭ جاعدايىن ەسكەرىپ 3-تەن باستاپ 25 جىلعا دەيىن بەرىلەدى.

قاتىسۋشىلار ۇپاي جۇيەسى بويىنشا تاڭدالادى. مىسالى، ۇپايعا نەكەلەسكەن جىل، بالا سانى، تۇرعىلىقتى مەكەنى، جۇمىس ٴوتىلى، ماماندىعى، جەكە كاسىپكەر رەتىندەگى تاجىريبەسى، الماتى قالاسىندا قانشا ۋاقىت تۇرعانى اسەر ەتەدى. كەيىن ٴتۇقجب سالىمشىنىڭ تولەم جۇرگىزۋ قابىلەتتىلىگىن انىقتايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي