BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الەم اقىندارى استانا تۋرالى جىرلايدى

قازاقستان استاناسىنىڭ 20 جىلدىعىن مەرەكەلەۋ قۇرمەتىنە 30 تامىزدا استانادا «اق وردالى استانا» حالىقارالىق پوەزيا كەشى وتەدى. ٴىس-شاراعا تانىمال وتاندىق اقىندار مەن الەمدىك دەڭگەيدەگى بىلىكتى اقىندار قاتىسادى. كوپتەگەن شەت ەلدىك تانىمال اقىن جازۋشىلاردا اتالمىش شاراعا ٴوز ۇلەستەرىن قوسپاق، دەپ حابارلايدى ۆaq.kz اقپارات اگەنتتىگى.

اتالمىش شىعارماشىلىق كەشكە فينليانديالىق اقىن، ەسسەشى، سلاۆيان، ورىس ادەبيەتىنىڭ اۋدارماشىسى يۋككا ماللينەن، اقىن، جەتپىس كىتاپتىڭ اۆتورى، شانحاي ۋنيۆەرسيتەتىنىڭ پروفەسسورى وۋيانگ يۋ، فرانسۋز جازۋشىسى، پۋبليسيست جانە اۋدارماشى، پروزاشى تەرري مارينياك، اقىن، باسپاگەر، سۋرەتشى مالگوجاتا ماحلەۆسكايا، اقىن، باسپاگەر گاگيك داۆتيان، اقىن ليۋبوۆ كراساۆينا، اقىن، پروزاشى، سىنشى، «ليتەراتۋرنىي گازەتى» اتتى گازەتتىڭ باس رەداكتورى ماكسيم زامشەۆ، اقىن سەرگەي مناساكانيان، اقىن، اۋدارماشى ميحايل سينەلنيكوۆ.

پوەزيا كەشىنە قاتىسۋدىڭ نەگىزگى شارتى - استانا تۋرالى، قازاقستان نەمەسە ەلباسى تۋرالى قازاق، اعىلشىن، ورىس تىلدەرىنە اۋدارىلعان، سونداي-اق بۇۇ ماقۇلداعان رەسمي تىلدەرىندە ولەڭ جولدارىن جازۋلارىنا بولادى.
حالىقارالىق پوەتيكالىق كەشتىڭ نەگىزگى ماقساتتارى - قازاقستان حالقىنىڭ بىرلىگىن ساقتاۋ جانە ٴبىزدىڭ ەلىمىزدىڭ مادەني ەرەكشەلىكتەرىنىڭ ارتۇرلىلىگىن دامىتۋ، قازاقستان حالقىنىڭ دوستىعى، بىرلىگى مەن ٴپاتريوتيزمىن نىعايتۋ، قازاقستاننىڭ ماقتانىشى، بەيبىتشىلىك پەن توزىمدىلىك سيمۆولى، ەۋرازيالىق مادەنيەت ورتالىعى - استانانى «الەمنىڭ قالاسىن» كورسەتۋ.

ٴىس-شارا بارىسىندا شىعارماشىلىق كەش ۇيىمداستىرىلادى، سونىمەن قاتار رۋحاني جاڭعىرۋ ايدارىمەن «الەم اقىندارى قازاقستاندى جىرلايدى» اتتى شىعارمالار جيناعى جارىققا شىعادى. اتالمىش شارا بارىسىندا جاريالانعان جۇمىستار وقىرمانعا قالانىڭ شىعۋ جانە دامۋ تاريحى، ونىڭ ەرەكشە مادەني قۇندىلىقتارىمەن تانىستىرادى. سونداي-اق وسىنداي پوەزيا كەشىن ۇيىمداستىرۋ ەلوردانىڭ جيىرماسىنشى تۋعان كۇنى قارساڭىندا كەرەمەت مەرەكە مەن جاعىمدى اسەرلەردى ۇسىنادى. جوسپارلانعان ٴىس-شارا بارىسىندا شەتەلدىك جانە وتاندىق اقىندار رەسمي قابىلداۋلارعا، اشىلۋ راسىمىنە جانە تۇساۋكەسەر راسىمىنە قاتىسادى دەپ كۇتىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي