BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەلىك مەسەناتتار اسىراۋشىسى جوق 58 جاسقا باسپانا الىپ بەردى

فوتو: ашық дереккөзден

وسىدان ٴبىراز ۋاقىت بۇرىن قالاداعى ٴىرى كاسىپورىندار مەن مەكەمەلەر اتا-انا قامقورلىعىنسىز قالعان بالالاردىڭ تۇرعىن ٴۇي جيناق جۇيەسىندەگى ەسەپشوتىنا اقشا اۋدارۋدى باستاعان ەدى، دەپ حابارلايدى baq.kz اقپارات اگەنتتىگى 24.kz سىلتەمە جاساپ.

قايىرىمدىلىق شاراسى «باقىتتى بالا» جوباسى اياسىندا ۇيىمداستىرىلدى. ال بۇل جوبا «رۋحاني جاڭعىرۋ» باعدارلاماسىمەن ىسكە استى. جەتىم بالالاردى قولداۋ شاراسى جالعاسا بەرەدى. العا بالالار ٴۇيىنىڭ تۇلەگى ديانا بيسەنالينا 11 جىلدان بەرى پاتەر كەزەگىندە تۇرعان. وسى ارالىقتا تۇرمىس قۇرىپ، بالالى-شاعالى بولدى. وتباسىمەن پاتەر جاعالاپ ٴجۇرۋ وڭاي ەمەس، ارينە. جاقىندا ارمانداعان باسپاناسىن الىپ، قونىس تويىن تويلادى. «نۇر اقتوبە» شاعىناۋدانىندا مەملەكەتتىك باعدارلامامەن سالىنعان كوپقاباتتى ارەندالىق ۇيدەن ٴبىر پاتەر بۇيىردى. ەندى پاتەرىن تۇبەگەيلى ساتىپ الۋ ٴۇشىن ەسەپشوتىنا اقشا جيناۋدى جالعاستىرادى.

«مەن بۇعان دەيىن وبلىستىق جاستار ۇيىندە تۇردىم. الايدا 23 جاسقا تولعاننان كەيىن الەۋمەتتىك ورتالىقتان شىعۋىما تۋرا كەلدى. ايىنا 40-50 مىڭ تەڭگە تولەپ، پاتەر جالداپ تۇردىق. تاپقان تابىسىمىزدىڭ جارتىسى پاتەر جالداۋعا كەتەتىن. ٴقازىر تۇرمىسىمىز تۇزەلىپ قالدى»، - دەدى قالا تۇرعىنى ديانا بيسەنالينا.

وڭىردە وبلىس باسشىسىنىڭ باستاماسىمەن جەتىم وسكەن جاستاردى باسپانامەن قامتۋ اكسياسى ٴجۇرىپ جاتىر. ياعني ٴىرى كاسىپورىندار، مەملەكەتتىك مەكەمەلەر، دەپۋاتتار مەن جەكەلەگەن بيزنەسمەندەر 215 جەتىمدى قامقورلىعىنا الدى. ٴار بالاعا جەكە ەسەپشوت اشىلىپ، وعان اي سايىن قارجى اۋدارىپ وتىرادى. قاجەتتى قارجى جينالعان كەزدە مەملەكەتتىك باعدارلامامەن باسپانا ساتىپ الادى. ودان بولەك مەسەناتتار بالالاردى مەيرام سايىن قۇتتىقتاپ، سىيلىق جاسايدى. بالالاردىڭ كوبى ازىرگە پاتروناتتىق وتباسىلاردا تاربيەلەنىپ جاتىر.

«58 بالاعا، جەتىم بالاعا، اتا-انا قامقورلىعىنسىز بالالارعا پاتەر كىلتى ۇسىنىلدى. بۇل تۇرعىن ٴۇي مەملەكەتتىك جيناق قورى ارقىلى، دەمەۋشىلەر ارقىلى، تۇرعىن ٴۇي قۇرىلىس جيناق بانكى ارقىلى پاتەر كىلتتەرىن تابىس ەتۋدەمىز. بۇل جەردە ٴبىز مۇعالجار اۋدانىن، اقتوبە قالاسىن، العا اۋدانىن، ويىل، قوبدا، حرومتاۋ اۋداندارىن ەرەكشە ايتىپ كەتە الامىز»، - دەدى وبلىستىق ٴبىلىم بەرۋ باسقارماسى باسشىسىنىڭ ورىنباسارى گۇلناز سۇلەيمەنوۆا.

تەك وبلىس ورتالىعىنىڭ وزىندە 400-دەن استام جەتىم بالا تۇرادى. ولاردىڭ كوبى الەۋمەتتىك قولداۋدى قاجەت ەتەدى. سوندىقتان يگى ٴىس جالعاسىن تابادى. ايتا كەتەيىك، جىل باسىنان بەرى جەتىم بالالاردىڭ ەسەپشوتىنا 70 ملن تەڭگە اقشا جينالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي