اقتوبەدە 54 مەكتەپكە سپورت قۇرالدارى تەگىن تاراتىلدى - رۋحاني جاڭعىرۋ|28 قاراشا 2017، 11:02
كۋرسى ۆاليۋت وبنوۆليايۋتسيا
استانا:

اقتوبەدە 54 مەكتەپكە سپورت قۇرالدارى تەگىن تاراتىلدى

فوتو: Автор

اقتوبە وبلىسىنداعى 50 جالپى ٴبىلىم بەرەتىن جانە ەستۋ، كورۋ قابىلەتتەرى ناشار 4 تۇزەتۋ مەكتەبى جاڭا سپورتتىق قۇرالدارمەن جابدىقتالدى. «مەنىڭ ەلىم» باعدارلاماسى اياسىندا جۇزەگە اسىرىلعان شاراعا «samruk-kazynatrust» الەۋمەتتىك جوبالاردى دامىتۋ قورى دەمەۋشىلىك جاسادى، دەپ حابارلايدى baq.kz ٴتىلشىسى.

اقتوبەدەگى 50 مەكتەپتىڭ سپورت زالى جاڭاردى. ۇستەل تەننيسى، دوپتى حوككەي، فۋتبول، ۆولەيبول، ٴتۇرلى گيمناستيكاعا ارنالعان سپورت جابدىقتارى قولدانىسقا بەرىلدى. ٴبىر مەكتەپكە بەرىلگەن سپورتتىق جيىنتىقتىڭ قۇنى شامامەن 5 ميلليون تەڭگە. شالقار، تەمىر، مۇعالجار، بايعانين اۋداندارى مەن وبلىس ورتالىعىنداعى ٴبىلىم مەكەمەلەرى بار. مۇنداي كومەك بۇرىن سوڭدى بولماعان.

«سپورتتىق قۇرال-جابدىقتار بىزگە بەرىلدى. مەكتەپكە اپارىپ، وقۋشىلار مەن ۇجىمىمىزعا كورسەتتىك. قۋانىشىمىزدا شەك جوق. بالانىڭ فيزيكالىق تۇرعىدان دامۋىنا، سالاۋاتتى ٴومىر سالتىن قالىپتاستىرۋعا كوپ كومەك. وقۋشىنىڭ دەنە شىنىقتىرۋ ساباعىنا دەگەن قىزىعۋشىلىعى ارتتى. قىسى-جازى پايدالانۋعا ارنالعان قۇرالدار كوپ»، - دەدى تەمىر اۋدانى تەرەكتى مەكتەپ-بالاباقشاسىنىڭ ديرەكتورى ٴاليا اتشىبايەۆا.

«مەنىڭ ەلىم» الەۋمەتتىك ينۆەستيسيالار باعدارلاماسى اياسىندا جۇزەگە اسىرىلعان جوباعا «سامۇرىق-قازىنا تراست» الەۋمەتتىك جوبالاردى دامىتۋ قورى دەمەۋشىلىك جاسادى. سپورتتىق جابدىقتارعا يە بولعانداردىڭ قاتارىندا اقتوبە وبلىسىنداعى ەستۋ، كورۋ قابىلەتتەرى ناشار 4 تۇزەتۋ مەكتەبى دە بار. تاعى 5 سپورتتىق جانە 2 ويىن الاڭى اقتوبە جانە قاندىاعاش قالالارىنا ورناتىلدى. جالپى جوبا قۇنى 640 ملن تەڭگەگە جۋىق. اۋستراليادا شىعارىلعان قۇرالدار قايتارىمسىز. 1 جىلعا كەپىلى بار.

«اقتوبە «مەنىڭ ەلىم» باعدارلاماسى جۇزەگە اسىرىلىپ جاتقان ٴۇشىنشى ٴوڭىر. كەلەسى جىلى قازاقستاننىڭ وزگە وبلىستارىن قامتۋدى جوسپارلاپ وتىرمىز. اقتوبەدەگى 50 مەكتەپكە بەرىلگەن سپورتتىق قۇرالداردىڭ بارلىعى بىردەي. ال، 7 سپورت الاڭى كولەمىنە قاراي ٴارتۇرلى. كەيبىر نىسانداردىڭ جەرگىلىكتى اكىمدىك بالانسىنا وتكەنىن قالايمىز. ٴبىلىم مەكەمەلەرىن سپورت قۇرالدارىمەن قامتاماسىز ەتۋ ٴۇشىن «بيىكتەرگە بىرگە» بايقاۋىنا قاتىسقان وبلىس مەكتەپتەرىنىڭ اراسىنان ٴ50-ى ىرىكتەلدى. بايقاۋ تالابى بويىنشا مەكتەپ ۇجىمى وقۋشىلارمەن بىرىگىپ، ارنايى بەينەروليك ٴتۇسىرۋى ٴتيىس بولاتىن. ناتيجەسىندە شىعارماشىل ٴبىلىم مەكەمەلەرى تاڭدالدى»، - دەيدى «samruk-kazynatrust» الەۋمەتتىك جوبالاردى دامىتۋ قورىنىڭ باسقارۋشى ديرەكتورى ليما دياز.

2016 جىلدىڭ سوڭىندا باستالعان جوبا ەلىمىزدىڭ 9 وڭىرىندە جۇزەگە اسىرىلىپ جاتىر. ازىرگە پاۆلودار، ماڭعىستاۋ، اقتوبە وبلىستارى تولىق قامتىلىپ بولدى.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي