اقتوبە وبلىسىنىڭ ەڭ كونە مۇراجايى جاڭا عيماراتقا كوشتى

استانا، baq.kz. اقتوبەدە وبلىستىق تاريحي-ولكەتانۋ مۇراجايىنىڭ جاڭا عيماراتى سالتاناتتى تۇردە اشىلدى. ونىڭ قۇرىلىسى بىلتىر «رۋحاني جاڭعىرۋ» باعدارلاماسى اياسىندا باستالعان بولاتىن. جوبا قۇنى - 650 ملن. تەڭگە، ونىڭ ىشىندە 200 ملن تەڭگەنى وسى ٴوڭىردىڭ تۋماسى - كاساپكەر يسلامبەك سالجانوۆ قارجىلاندىردى. بۇل تۋرالى اقتوبە وبلىسى اكىمدىگىنىڭ ٴباسپاسوز قىزمەتى حابارلايدى.

سالتاناتتى شارا باسقا ٴبىر ەلەۋلى وقيعا – «ن.نازاربايەۆ: ٴداۋىر، تۇلعا، قوعام» كوشپەلى قور كورمەسىمەن تۇسپا تۇس كەلىپ تۇر.

شاراعا قر پرەزيدەنتى كەڭسەسىنىڭ باستىعى – قر تۇڭعىش پرەزيدەنتى – ەلباسى كىتاپحاناسىنىڭ ديرەكتورى مىندەتىن اتقارۋشى ماحمۇد قاسىمبەكوۆ پەن اقتوبە وبلىسىنىڭ اكىمى بەردىبەك ساپاربايەۆ قاتىستى.

«بارلىق اقتوبەلىكتى وسىنداي اتاۋلى وقيعامەن قۇتتىقتايمىن. بارلىعىڭىزدى جىل سوڭىنا دەيىن جۇمىس جاسايتىن ەلباسىنىڭ كوشپەلى قور كورمەسىنىڭ جانە وبلىستىق تاريحي-ولكەتانۋ مۇراجايىنىڭ ەكسپوزيسيالارىمەن تانىسۋعا شاقىرامىن»، - دەدى وبلىس اكىمى ٴوزىنىڭ قۇتتىقتاۋ سوزىندە.

ايتا كەتۋ كەرەك، نەگىزى 1929 جىلى قالانعان وبلىستىق تاريحي-ولكەتانۋ مۇراجايى بۇعان دەيىن توزىعى جەتكەن جانە اپاتتىق جاعدايدا تۇرعاندىعىنا بايلانىستى 2015 جىلدىڭ قاڭتارىندا جابىلعان ەسكى عيماراتتا ورنالاسقان بولاتىن. ول جەردە قۇندى جادىگەرلەر ەكسپوزيسيالىق الاڭداردىڭ جەتىسپەۋشىلىگىنە بايلانىستى مۇراعاتتاردا شاڭ باسىپ تۇرعان.

جالپى الاڭى4،3 مىڭ شارشى مەترلىك جاڭا عيماراتتا ارتەفاكتتاردى ساقتاۋ ٴۇشىن بارلىق جاعداي جاسالعان. كەلۋشىلەر ٴۇشىن ون زال قاراستىرىلعان. وندا ارحەولوگيالىق زاتتار مەن راريتەتتەر ورنالاسقان. مۇندا سونداي-اق، قوسىمشا ٴبىلىم بەرەتىن، قالپىنا كەلتىرۋ جانە كوركەمونەر شەبەرحاناسى، وقۋ زالى بار عىلىمي كىتاپحانا، كاسىبي قور ساقتايتىن جەر بار.

ايتالىق، مۇراجاي قورلارىندا 110 مىڭعا جۋىق جادىگەر بار. ولار -مينەرالوگيا، پالەونتولگيا، بوتانيكا، ارحەولوگيا، ساندىك-قولدانبالى ونەر، نۋميزماتيكا، سيرەك كىتاپتار، مۇراعات قۇجاتتارى مەن فوتوماتەريالدار بويىنشا قۇندى توپتامالار. زەرگەرلىك اشەكەيلەردىڭ اسا بىرەگەي توپتامالارى ۇلكەن بەدەلگە يە بولدى.

«ن.نازاربايەۆ: ٴداۋىر، تۇلعا، قوعام» قور كورمەسى قۇرامىنا قر تۇڭعىش پرەزيدەنتى – ەلباسى كىتاپحاناسىنىڭ اۋقىمدى ٴعىلىمي-بىلىم بەرۋ جانە مادەني-اعارتۋ شارالارى، سونىمەن قاتار اقتوبە وبلىسى بويىنشا كوشپەلى ەكسكۋرسيالار كىرەتىن كوشپەلى كورمە جوباسىنىڭ باستى وقيعاسى بولىپ تابىلادى

كورمەگە كەلۋشىلەر ەلباسى كىتاپحاناسىنىڭ مۇراعاتتارىنان، كىتاپ، مۇراجاي قورلارىنان الىنعان ماتەريالدارمەن تانىسا الادى. تۇڭعىش رەت اقتوبەنىڭ جالپاق جۇرتىنا ن.ə.نازاربايەۆتىڭ جوعارى مەملەكەتتىك ماراپاتتارىنىڭ بىرەگەي جيناقتارى، مەملەكەت باسشىلارى مەن قازاقستاندىق اۆتورلاردىڭ سىيجازبالارى، سونىمەن قاتار، ەلباسىنىڭ شەت تىلدەرىندەگى ەڭبەكتەرى ۇسىنىلۋدا. تۇرعىندار مەن قوناقتار كەلەسى جىلعى قاڭتار ايىنىڭ سوڭىنا دەيىن سوزىلاتىن كورمەنى تەگىن تاماشالاي الادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!