BAQ.kz - Қазақстан жаңалықтары USD 377.33 BAQ.kz - Қазақстан жаңалықтары EUR 424.68 BAQ.kz - Қазақстан жаңалықтары RUB 5.92
استانا:

اقمولا وبلىسىندا جەمقورلىققا قارسى رەسپۋبليكالىق اقىندار ايتىسى ٴوتتى

استانا، baq.kz. كوكشەتاۋ قالاسىنىڭ «دوستار» مادەنيەت سارايىندا قوعام مەن ازاماتتىق جاۋاپكەرشىلىكتى، سىبايلاس جەمقورلىققا قارسى كۇرەستى دارىپتەگەن رەسپۋبليكالىق «جاڭعىرۋعا جارشىمىز، جەمقورلىققا قارسىمىز!» اتتى ايتىس ۇيىمداستىرىلدى.

بۇل ايتىستى قازاقستان رەسپۋبليكاسىنىڭ تاۋەلسىزدىگى كۇنىنە ارناپ قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگى كوكشەتاۋ قالاسى اكىمدىگىنىڭ قولداۋ كورسەتۋىمەن ەلباسى ٴنۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» ماقالاسى اياسىندا جانە «رۋحاني قازىنا» باعدارلاماسىنىڭ «ايماقتىق مادەنيەت، ٴداستۇر مەن قۇندىلىقتار» تارماعىنىڭ بازالىق باعىتىن ىسكە اسىرۋ شەڭبەرىندە وتكىزدى.

اگەنتتىكتىڭ جۇرتشىلىقپەن بايلانىس دەپارتامەنتىنىڭ ديرەكتورى، بەلگىلى ايتىس شەبەرى ٴارى اقىن-جازۋشى ارمان بەرداليننىڭ ايتۋىنشا، اقىندار قازىرگى قوعامدا بولىپ جاتقان ناعىز وزەكتى ماسەلەلەردى، ونىڭ ىشىندە سىبايلاس جەمقورلىق تاقىرىبىن قوزعاعالى وتىر.

«بۇگىنگى تاڭدا جەمقورلىققا قارسى مادەنيەتتى قالىپتاستىرۋ ماسەلەسى مەملەكەتتىك ساياساتتىڭ ماڭىزدى باعىتتارىنىڭ ٴبىرى. وسى ورايدا ٴبىز جەمقورلىقپەن كۇرەسۋگە بارىنشا كۇش جۇمىلدىرىپ جاتىرمىز. اقمولا وبلىسىندا بۇنداي ەرەكشە ايتىس العاش رەت وتكىزىلىپ وتىر. ايتىستىڭ باستى ماقساتى - اۋزى دۋالى اقىنداردىڭ وتكىر جىرى ارقىلى قوعامعا وي تاستاۋ. جالپى بۇنداي ايتىس ادامزاتتىق اشكوزدىك پەن ساتقىنشىلىقتى كەلەمەجدەۋدىڭ قۋاتتى قۇرالىنا اينالا الادى. سوندىقتان بۇل شارا بۇقارالىق سيپاتقا يە بولۋى كەرەك، سەبەبى اقىندار قاشاندا اقيقاتتى اشىپ، شىندىقتى شىرىلداتىپ جەتكىزەدى» - دەيدى ارمان بەردالين.

جىر دوداسىندا رەسپۋبليكانىڭ ٴتۇرلى قالالارىنان جينالعان، ۇشقىر وي جانە سۋىرىپسالمالىق قابىلەتىمەن دارالانعان «التىن دومبىرا» يەگەرلەرى ايبەك قاليەۆ، ديدار قاميەۆ، ايتباي جۇماعۇلوۆ، اسپانبەك شۇعاتايەۆ، مۇxتار نيازوۆ، نۇرمات مانسۇروۆ، نۇرلان مۇسايەۆ، اسەم ەرەجەقىزى، مارات اxمەتوۆ، جارقىن جۇپارxان، قۇرمەت قۇرالxان، مۇxاممەد قونقايەۆ سىندى ٴبىرتۋار اقىندار ەل الدىندا باق سىنادى.

ارمان بەردالين ايتقانداي، ايتىسكەرلەردىڭ كوزدەگەن ماقساتى جەڭىسكە جەتىپ، جۇلدە الۋ ەمەس، جەمقورلىققا قارسى ۇندەۋ تاستاپ، كوپشىلىكتى قوعامدىق ىندەتكە قارسى ىمىراسىز كۇرەسكە شاقىرۋ، تاۋەلسىزدىك مۇراتتارى مەن قۇندىلىقتارىن ناسيحاتتاۋ، «رۋحاني جاڭعىرۋ» باعدارلاماسىنىڭ ماڭىزدىلىعىن پاش ەتۋ، وسكەلەڭ ۇرپاقتى وتانسۇيگىشتىككە تاربيەلەپ، ولاردىڭ تانىم-تالعامىن ۇلت رۋحانياتىنا باعىتتاۋ، قازاقتىڭ ٴتول ونەرى، قۇدىرەتتى ٴسوزى ارقىلى مەملەكەتتىك ٴتىلدىڭ مەرەيىن ارتتىرۋ بولىپ تابىلادى.

ايتىسكەرلەردىڭ ورەلى ونەرىنە، ورنەكتى سوزدەرىنە باعا بەرگەن قازىلار القاسىنىڭ قۇرامىندا اقىن، ٴانشى، سازگەر يران تاسقارا، فيلولوگيا عىلىمدارىنىڭ كانديداتى، رەسپۋبليكالىق ايتىستاردىڭ جەڭىمپازى سەرىكزات دۇيسەنعازين، اقىن، م.عابدۋللين مۇراجايىنىڭ ديرەكتورى قۇدايبەرلى مىرزابەك، سونىمەن قاتار اقىن، قر ەڭبەك سىڭىرگەن جاتتىقتىرۋشىسى رامازات ساتتىبايەۆ بولدى.

وسىناۋ ايتىستا ٴوز ونەرىن ايانباي ورتاعا سالعان ايتىسكەرلەردىڭ ىشىنەن جەڭىمپازدى انىقتاۋ قيىنعا سوققانىمەن، جۇلدەلى ٴۇشىنشى ورىندى رەسپۋبليكالىق ايتىستاردىڭ جۇلدەگەرى، «ايتىس اقتاڭگەرى» مەدالىنىڭ يەگەرى، قاراعاندى قالاسىنان كەلگەن ديدار قاميەۆ، ەكىنشى ورىندى 2 مارتە «التىن دومبىرا» اتاعىنىڭ يەگەرى، قىزىلوردا قالاسىنىڭ تۋماسى مۇحتار نيازوۆ يەلەندى. جۇلدەلى ٴبىرىنشى ورىندى رەسپۋبليكالىق ايتىستاردىڭ جۇلدەگەرى، «ايتىس اقتاڭگەرى» مەدالىنىڭ يەگەرى، قوستاناي قالاسىنان كەلگەن ايبەك قاليەۆ قانجىعاسىنا بايلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي