BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقمولا وبلىسىندا 6 مىڭ جىلدىق تاريحى بار كەشەن بوي كوتەردى

فوتو: Нұржас Жақсыбай

بۋراباي دەمالىس ايماعىندا «رۋحاني جاڭعىرۋ» باعدارلاماسى اياسىندا «بوتاي» مادەني-تاريحي مۋزەيىنىڭ ۆيزيت ورتالىعى اشىلدى، دەپ حابارلايدى baq.kz ٴتىلشىسى.

جەكەباتىر تاۋىنىڭ باۋرايىنداعى اقىلباي ورمان شارۋاشىلىعى اۋماعىندا سالىنعان ۆيزيت ورتالىقتى اشۋ راسىمىنە قر اقپارات جانە كوممۋنيكاسيالار ٴمينيسترى داۋرەن ابايەۆ، اقمولا وبلىسىنىڭ اكىمى مالىك مىرزالين، «equus» كوركەم كينوتريلوگياسىنىڭ پروديۋسەرى نۇربول بايمۇحانوۆ، جوبا اۆتورلارىنىڭ ٴبىرى، ت.ع.د.، ارحەولوگ، بوتاي مəدەنيەتىن اشقان عالىم ۆيكتور زايبەرت قاتىستى.

بوتاي مادەنيەتى – ەنەوليت داۋىرىندە سولتۇستىك قازاقستاندى مەكەندەگەن تايپالار مادەنيەتى بولىپ سانالادى. ەسكەرتكىشكە 1981-1983 جىلدار ارالىعىندا پروفەسسور ۆيكتور زايبەرتتىڭ جەتەكشىلىگىمەن قازبا جۇمىستارى جۇرگىزىلگەن. ناتيجەسىندە اۋدانى 15 گەكتار جەردى الىپ جاتقان قونىستان 158 ٴۇيدىڭ ورنى قازىلىپ ارشىلعان. سونداي-اق مۇندا ەجەلگى ادامنىڭ العاش رەت جىلقىنى قولعا ۇيرەتكەندىگى انىقتالعان.

وسى ورايدا داۋرەن ابايەۆ اتالعان مادەني كەشەننىڭ ەلىمىز ٴۇشىن ماڭىزدى ەكەنىن اتاپ ٴوتتى.

«وسىدان ٴبىر جىل بۇرىن ٴبىزدىڭ مينيسترلىك «جىلقى» تەلەۆيزيالىق عىلىمي جوباسىنا قاتىستى. الەمنىڭ 16 ەلى قاتىسقان جوبانىڭ ماقساتى – جىلقىنىڭ شىعۋى تاريحى مەن ەۆوليۋسياسىن زەرتتەۋ. عالىمدار العاشقى جىلقىلار قازاقستان اۋماعىندا، ياعني قازىرگى استانا، اقمولا وبلىسىنىڭ ارەالىندا وسىدان 4 مىڭ جىل بۇرىن قولعا ۇيرەتىلگەنىن انىقتاعان. جوبا جىل سوڭىنا دەيىن اياقتالادى. سوندىقتان اتالعان جوبا ٴبىز ٴۇشىن ماڭىزدى. وسى جوباعا اقمولا وبلىسىنىڭ اكىمدىگى قىزىعۋشىلىق تانىتىپ، «بوتاي» مادەني-تاريحي مۋزەيىنىڭ ۆيزيت ورتالىعىن اشۋدى قولعا الدى. بۇل «رۋحاني جاڭعىرۋ» باعدارلاماسى اياسىندا جۇزەگە اسىرىلىپ وتىر»، - دەدى مينيستر.

سونىمەن قاتار اقمولا وبلىسىنىڭ اكىمى مالىك مىرزالين «بوتاي» مادەني-تاريحي مۋزەيىنىڭ ۆيزيت ورتالىعى وڭىرگە شەتەلدىك جانە قازاقستاندىق تۋريستەردى كوپتەپ تارتۋعا مۇمكىندىك بەرەتىنىن ايتتى.

«بۇل كەشەن بۋراباي دەمالىس ايماعىندا ورنالاسۋىمەن باعالى. ٴبىز تاريحي كەشەندى جاڭا عانا اشتىق. ٴبىراق سوعان قاراماستان تۋريستەر كەلىپ، قىزىعۋشىلىق تانىتۋدا. بۇل وبەكت بىزگە قازاقستاندىق، رەسەيلىك، شەتەلدىك تۋريستەردى كوپتەپ تارتۋعا مۇمكىندىك بەرەدى»، - دەدى ٴوڭىر باسشىسى.

بوتاي مادەنيەتىنە ٴتان نىسان جەتى باسپانادان تۇرادى. ٴار باسپانانىڭ ديامەترى 8-10 مەتردى قۇرايدى. ۇيلەردىڭ جەرتولەلەرى ٴبىر مەتر تەرەڭدىكتە، ال جوعارى جاعى اعاشتان قيىلىپ سالىنعان. توبەسى ٴشوپ، تەرى، بالشىق جانە سابانمەن جابىلعان ٴارى بارلىق ۇيلەر جەراستى جولى ارقىلى بىر-بىرىمەن جالعاسادى. ٴار ٴۇيدىڭ سول كەزەڭگە ساي وزىندىك ەرەكشەلىكتەرى بار.

كەشەندى تاماشالاۋعا كەلگەن قوناقتار ەنەوليت داۋىرىندەگى قارۋ-جاراقتار مەن تۇرمىستىق قۇرالداردى كورە الادى.

سونداي-اق equus كوركەم كينوتريلوگياسىنىڭ پروديۋسەرى، جوبا اۆتورلارىنىڭ ٴبىرى نۇربول بايمۇحانوۆ «بوتاي» مادەني-تاريحي مۋزەيىنىڭ ۆيزيت ورتالىعىن سالۋعا قانشا قارجى بولىنگەنىن ٴمالىم ەتتى.

«جوباعا قر اقپارات جانە كوممۋنيكاسيالار مينيسترلىگى مەن اقمولا وبلىسىنىڭ اكىمدىگى قولداۋ كورسەتتى. جوبانىڭ قۇنى – 70 ملن تەڭگە. كەشەندى «شەجىرە dna» كومپانياسى 30 كۇندە سالىپ ٴبىتىردى. تاريحي مۋزەي 6 مىڭ جىلعى تاريحىمىزدى كورسەتەدى. مۇنداعى ۇيلەر – كيىز ٴۇيدىڭ العاشقى ٴپروتوتيپى. اقمولا وبلىسىندا بوتاي قورىمى تابىلعانىن بىلەسىزدەر. سونىڭ ۇلگىسىندە ٴبىز وسى كەشەندى تۇرعىزدىق. پروفەسسور، ارحەولوگ ۆيكتور زايبەرتپەن اقىلداستىق. مۇندا كەلگەن ازاماتتار ەجەلگى قازاقستاننىڭ تاريحىمەن تانىسىپ، رۋحاني ازىق الادى»، - دەپ تۇيىندەدى ٴسوزىن ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي