BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«مەن قازاقپىن» مەگا-جوباسىنا قوساعاشتىق قانداستارىمىز دا قاتىسادى

ەڭ مىقتى ٴداستۇرلى انشى-تەرمەشىلەر مەن كۇيشىلەردى انىقتايتىن «مەن قازاقپىن» مەگا-جوباسىنىڭ رەسەيدەگى ىرىكتەۋ كەزەڭىنىڭ جەڭىمپازدارى انىقتالدى. التاي رەسپۋبليكاسىنىڭ قوساعاش اۋدانىندا وتكەن ىرىكتەۋ كەزەڭى كەزىندە ۇلتتىق ويىندار ۇيىمداستىرىلىپ، ارنايى كونسەرت قويىلدى، دەپ حابارلايدى ارنايى baq.kz ٴۇشىن «ٴشۇيدىڭ نۇرى» گازەتىنىڭ ٴتىلشىسى ارقالىق رىسبەك ۇلى.

«مەن قازاقپىن» مەگا-جوباسىنىڭ ٴشۇي وڭىرىندەگى ونەرپازدارىن انىقتاۋعا ارنالعان سايىسقا 15 ۇمىتكەر قاتىستى. ولاردىڭ ىشىنەن ٴداستۇرلى ٴانشى، التاي رەسپۋبليكاسىنا ەڭبەگى سىڭگەن ٴارتىس گۇلنۇر مامىرحانوۆا، كۇيشى ارناگۇل قۇماشەۆا، تەرمەشى اراي جايلاۋبايەۆا جەڭىمپاز اتانىپ، قازاقستاندا وتەتىن اۋقىمدى تەلەجوباعا جولداما الدى.

جوبا اياسىندا التاي رەسپۋبليكاسى قازاقتارىنىڭ «نۇر» اتتى ۇلتتىق-مادەني ورتالىعى كەڭەس وداعىنىڭ قازاق باتىرلارى، ارداگەر جانىبەك ەلەۋسوۆ پەن قىدىران تۋعامبايەۆتى ەسكە الۋعا ارنالعان قازاق كۇرەسىنەن تۋرنير، تەڭگە ٴىلۋ، اۋدارىسپاق، قىز قۋۋ سياقتى ۇلتتىق ويىندار ۇيىمداستىرىپ، «الامان» بايگە الاڭىندا كوكپار ويىنىنىڭ فينالىن وتكىزدى. كوكپاردىڭ جەڭىمپازدارى استانا قالاسىندا وتەتىن دۇنيەجۇزىلىك كوكپارشىلار سايىسىنا قاتىسپاق.

ايتا كەتەيىك، اتادان بالاعا مۇرا بولىپ كەلە جاتقان ٴتول ونەرىمىز جىر-تەرمە مەن كۇيدى ودان ٴارى دامىتىپ، بۇگىنگى كۇن تالابىنا سايكەس جاڭاشالاندىرىپ، وسكەلەڭ ۇرپاققا ناسيحاتتاۋ ماقساتىندا وتەتىن ٴىرى جوبانىڭ اقتىق كەزەڭى 10 جەلتوقساندا استانا قالاسىندا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي