BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قانداستارىمىز رەسەيدە قازاق ٴتىلىنىڭ ٴحالى مۇشكىل ەكەنىن ايتتى ەكسكليۋزيۆ

جاقىندا استانادا دۇنيەجۇزى قازاقتارىنىڭ v قۇرىلتايى ٴوتتى. وعان الەمنىڭ 39 ەلىنەن كەلگەن 350 قازاق دياسپوراسى قاتىستى. ماڭىزدى جيىنعا ەلباسىنىڭ ٴوزى قاتىسىپ، شەتەلدەگى قانداستارىمىزدىڭ ماسەلەسىن شەشۋ ٴۇشىن مەملەكەتتىك ورگاندارعا ارنايى تاپسىرما بەردى. قۇرىلتاي بارىسىندا baq.kz ٴتىلشىسى رەسەيدەگى قانداستارىمىزدى قانداي ماسەلەلەر تولعاندىراتىنىن زەرتتەپ كوردى.

«مەن ورىنبور وبلىسىندا دۇنيەگە كەلدىم. قازىرگى تاڭدا ماسكەۋ قالاسىندا تۇرامىن. وندا 10 مىڭ قازاق تۇرادى. مۇنداعى ەڭ وزەكتى ماسەلە – قانداستارىمىزدىڭ ٴوز ٴتىلىن ۇمىتۋى. مىسالى، بىزدە قازاق ٴتىلىن ۇيرەتەتىن ساۋاتتى مۇعالىمدەر مەن ساباق وتكىزەتىن ٴتيىستى ورىن جوق. قازاق تىلىندە باسىلىمدار جەتىسپەيدى. ٴبىر وكىنىشتىسى ماسكەۋدە ٴوسىپ كەلە جاتقان قازىرگى ۇرپاق قازاق ٴتىلىن مۇلدەم بىلمەيدى. سونداي-اق، ولاردىڭ قازاق مادەنيەتىنەن حابارى جوق. ٴبىراق شامامىز كەلگەنشە وسى ماسەلەنى ٴوز كۇشىمىزبەن شەشۋدەمىز»، - دەيدى ماسكەۋدەگى «مۇراگەر» قازاق مادەني بىرلەستەگىنىڭ وكىلى گۇلجانات حالمۇحامەدوۆا.

ال ومبى قالاسىنان كەلگەن تورعىن اشەنوۆا رەسەيدەگى ٴقازاقتىلدى باق-تىڭ ٴحالى مۇشكىل ەكەنىن ايتتى.

«مەن 4 جىلدان بەرى «ومبى قازاقتارى» دەگەن جاستار ۇيىمىن باسقارامىن. ومبى قالاسىندا 100 مىڭداي قازاق تۇرادى. ٴبىز 2014 جىلدان بەرى «ومبى قازاقتارى» دەگەن گازەت شىعارامىز. العاشىندا بىزدە 3 گازەت بولدى. قازىرگى تاڭدا ٴبىر-اق باسىلىمدى شىعارىپ وتىرمىز. ونىڭ وزىندە ٴبىرشاما قيىندىق بار. مىسالى، گازەتتىڭ باس رەداكتورى مەن جۋرناليستەر تەگىن جۇمىس ىستەيدى. گازەتىمىز العاش شىققان كەزدە قالا بيلىگى بىزگە ارنايى گرانت بەرىپ، 100 مىڭ رۋبل ٴبولدى. ٴبىراق ول گازەتتىڭ 5 ٴنومىرىن شىعارۋعا عانا جەتتى. سوعان قاراماستان گازەتتى شىعارىپ كەلەمىز»، - دەدى ول.

تورعىن اشەنوۆانىڭ ايتۋىنشا، اتالمىش گازەتتى شىعارۋ ٴۇشىن جەرگىلىكتى قازاقتار ٴوز تابىسىنىڭ ٴبىر بولىگىن وسى باسىلىمعا جۇمسايدى ەكەن.

«گازەتتى شىعارۋ ٴۇشىن ٴوزىمىزدىڭ تاپقان اقشامىزدىڭ ٴبىر بولىگىن باسىلىمعا بولەمىز. سونداي-اق، گازەتىمىزگە جازىلعان ٴبىرشاما وقىرمانىمىز بار. ولاردان دا ازدا بولسا قارجى تۇسەدى. ٴبىراق ٴبىز گازەتتىڭ فورماتىن كىشىرەيتتىك. بۇرىن گازەتتىڭ تيراجى 2000-3000 بولسا، ٴقازىر ول 300-گە دەيىن ازايدى»، - دەدى ول.

وسى ماسەلەگە بايلانىستى رەسەيدە تۇرىپ جاتقان قانداسىمىز قازاقستانداعى ارىپتەستەرىنەن كومەك سۇرايدى.

«ٴبىزدىڭ وبلىس قازاقستانمەن شەكتەسەدى عوي. سوندىقتان كوپتەگەن كەلىسىمگە قول قويىلعان. ناتيجەسىندە بىزدە ومبى مەملەكەتتىك ۋنيۆەرسيتەتىنىڭ جانىنان قازاق ٴتىلىن وقىتاتىن ارنايى ورتالىق اشىلدى. ونى قازاقستان قارجىلاندىرادى. ٴبىراق باق-قا ٴتيىستى قولداۋ كورسەتىلمەيدى. سەبەبى، ول وتە قىمبات. ٴبىز اقشا سۇرامايمىز. تەك بىزگە ٴقازاقتىلدى جۋرناليستەر كومەك كورسەتسە ەكەن»، - دەيدى تورعىن اشەنوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي